Yeso‑ka yo‑yose mai tamine 5:26 - Deoso-ka Yama Hani

²⁶ Ati‑ya sodado mai‑ka hidi mite, hika sodado mai eyehe mai‑ya towamaki, “Ai ati yawiya, mai dama yati‑ya ai‑ya mai nanahababa awineni.” Sodado mai atibodi ati namoneni.

Yeso‑ka yo‑yose mai tamine 5:26 ပူးပေါင်းရင်းမြစ်များ

Mateo 14:5

Yowaho‑ya nanahabebona, “‘Yowaho Deoso ati‑ya mi‑mita amane.’ Mai ati teni. Yowaho onahabiya, owa‑ya mai bisinaba awineni.” Erodi atibodi ati nematane.

Mateo 21:26

‘Ai owa ati ene amane.’ Ai ati niya, ai‑ya mai bisinaboneni. Mai dama Yowaho Batita ati‑ya mai nofa, ‘Yowaho Batita Deoso ati‑ya mai mi‑mita mai‑ka owa amane.’ Mai dama mai ati teni.” Mai ibi hiyara mai ati namaroni.

Mateo 26:5

“Ai marinasa niya Yeso‑ya ai watiya, mai dama mai yawaba awineni. Ai marini hawa tohiya, Yeso ai wataboneni.” Mai ati namaroni.

Mateo 26:58

Yama yaki‑ya Bedoro yoto, Deoso‑ka yama‑bone‑ya mai da‑daa mai‑ka hidi webote‑ka yobe fowari barikane doro‑ya tokomaki, sekorasa eyehe itabase, Yeso tamine‑ya mitebona, “Hini yamata‑nima mai naba, Yeso‑ya mai wata?” Bedoro atibodi ati nematane.

Roka 20:19

Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, mai yawa, “Ofa‑ya mai na‑nawada mai tamine‑ya Yeso hiyare, fara oda tamine amani. Yeso ati kasirone.” Mai atibodi ati nameteni. Yeso‑ya mai watabone mai ati na, mai dama mai‑ya mai nayofina, mai maanamameteni.

Roka 20:6

‘Ai owa ati ene amane.’ Ai ati niya, yati‑ya ai‑ya mai nanahababa awini. Yowaho Batita Deoso ati‑ya mai mi‑mita mai‑ka owa amane, mai dama mai ati na.” Mai ibi hiyara, mai ati nameteni.

Roka 22:2

Deoso‑ka yama‑bone‑ya mai da‑daa mai‑ka hidi mai toha, Mose‑ka yama hani ati‑ya mai ka‑kamina mai toha, mai na, Yeso‑ya mai kako kofina, mai dama mai‑ya mai nayofina, mai dama mai noki beheri‑kaya Yeso‑ya mai nanahababone mai atibodi ati nameteni.

Roka 22:4

Deoso‑ka yama‑bone‑ya mai da‑daa mai‑ka hidi mai toha, Deoso‑ka yobe‑ka sekorasa mai‑ka hidi mai toha na, mai‑ya Yoda toke, mai‑ya hiyarematane, Yeso‑ya kahabanebonaha.

Yeso‑ka yo‑yose mai tamine 4:21

Mai ati‑ya mai mita, mai atibodi yama‑ya dika, “Bedoro mai ati ihi ka‑kakone‑mata kitame‑ya mai dami awa, Deoso‑ya mai kahiyarineni. I‑di Bedoro mai ai kosiniya, ai‑ya mai dami weenaba awineni.” Mai atibodi ati na, I‑di Bedoro, i‑di Yowaho mai‑ya mai hiyara, “Yeso tamine dai hiyaramatasiya, dai oda bisinaboneni.” Mai ati na, mai mai seehikana, hini mai tabori‑ya mai towakamineni.

Yeso‑ka yo‑yose mai tamine 5:13

Yeso ati‑ya mai no‑nofa mai tamine‑ya mai one hiyara, mai ihi amosa tamine‑ya mai hiyara, mai‑ya mai ati dabi nofarani, mai habi siitonaro.

Yeso‑ka yo‑yose mai tamine 5:22

Kadeya‑ya sodado mai towakama, Bedoro mai awira, mai winikanama,

Yeso‑ka yo‑yose mai tamine 5:24

Sodado mai ati‑ya mai mita, sodado mai‑ka hidi mai toha, Deoso‑ka yama‑bone‑ya mai da‑daa mai‑ka hidi mai toha na, mai ibi hiyara, “Ka! Ebeni‑kaya mai tokiti? Hini yamata‑nima yama nibati?” Mai ati na.

Yeso‑ka yo‑yose mai tamine 5:25

Mai hiyariya, bare kamaki, ati yanane, “Kadeya‑ya mai dai nafoya, Deoso‑ka yobe‑ya mai‑ya mai kanawata, mai nahani.” Ati ne.