Yeso‑ka yo‑yose mai tamine 5:21 - Deoso-ka Yama Hani

²¹ Deoso‑ka yo‑yose ati‑ya mai mita, Deoso‑ka yobe‑ya mai tokoma, yama wahabisari‑ya mai tokiyoma, mai‑ya mai kanawatoneni. Deoso‑ka yama‑bone‑ya mai da‑daa mai‑ka hidi toha, hidi‑ka mai one toha na, mai yorotokana, Isara·eo‑ka nodi mai‑ka webote mai dami‑ya mai haana, sodado mai‑ya mai yose, “Kadeya‑ya Bedoro mai foya, mai dai towamakihi.” Mai ati namoneni.

Yeso‑ka yo‑yose mai tamine 5:21 ပူးပေါင်းရင်းမြစ်များ

Mateo 5:22

Owati dai mitahi. Mai atibodi ati okadikaboneni. Mai one‑ya mai ka‑kako mai atibodi owataboneni. Mai atibodi amosara wara hirini‑ya mai‑ya onasawiteboneni.

Roka 22:66

Yama wahabisari‑ya mai‑ka hidi mai dama mai yorotokana, Deoso‑ka yama‑bone‑ya mai da‑daa mai‑ka hidi mai sawi, Mose‑ka yama hani ati‑ya mai ka‑kamina mai sawi na, mai ati ihi Yeso‑ya mai kakamameteni. Makobote hidi owa ati yanane,

Yowaho 18:35

“Yodeo ohara, hini tika mai one, Deoso‑ka yama‑bone‑ya mai da‑daa mai‑ka hidi tiwa‑ya owa‑ya mai daaneni. Hini yamata‑nima tina, tiwa‑ya mai daaniti?” Birato ati nemarine.

Yowaho 8:2

Yama wahabisari‑ya Deoso‑ka yobe‑ya Yeso kamatasemarine. Yeso wai‑ya mai dama mai kamakemaroni. Yeso itarisemarine, mai dama mai‑ya kanawatobonaha.

Yeso‑ka yo‑yose mai tamine 22:15

Yama tiawa tamine tihiyara, ati timite ati tamine tihiyarawahebonane mai dami‑ya.

Yeso‑ka yo‑yose mai tamine 22:5

Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha na, mai nafi owa‑ya watoneni. Hibati‑ya yama hani‑ya owa‑ya mai daana, Damaso‑ya yama hani owakama, Damaso‑ya mai wi‑wina, Yeso hawine‑ya mai sa‑sawi Yerosare‑kaya mai owakamiya, Yerosare‑ya mai mai kosihinabone onamaroni.

Yeso‑ka yo‑yose mai tamine 5:17

Deoso‑ka yama‑bone‑ya mai da‑daa mai‑ka hidi toha, sadoseo mai toha na, Yeso‑ka yo‑yose mai ihi tamine‑ya mai mita, mai yawa,

Yeso‑ka yo‑yose mai tamine 5:27

Yeso‑ka yo‑yose mai‑ya sodado mai kakama, mai‑ka hidi mai yorotokana, mai bai‑ya Yeso‑ka yo‑yose mai naha, Deoso‑ka yama‑bone‑ya mai da‑daa mai‑ka hidi mai‑ya weenawahe,

Yeso‑ka yo‑yose mai tamine 5:34

Mai‑ka hidi owa, i‑di Kamari·eo waamisane, mai‑ya hiyarebonaha. I‑di Kamari·eo fariseo tohe, Mose‑ka yama hani ati‑ya ka‑kanawato tohahari, ati‑ya mai dami nofateni. “Ahi‑kaya mai tokahi, oda ati‑ya mai mitarabonehe. Mai naho bide tohiya, mai kamaboneni.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.