Yeso‑ka yo‑yose mai tamine 5:16 - Deoso-ka Yama Hani

¹⁶ Yerosare yakari‑ya mai wi‑wina, mai kiyana mai toha, madi towe mai‑ya mai foya mai toha na, mai‑ya mai kakama, Yeso‑ka yo‑yose mai ihi madi towe mai kanana, mai kiyana mai nafi kitamamoneni.

Yeso‑ka yo‑yose mai tamine 5:16 ပူးပေါင်းရင်းမြစ်များ

Mateo 2:16

Wami bara‑ka mai tokoma, mai tamine‑ya i‑di Erodi mite, yawe, “Owa‑ya mai hiyaramabone ona, owa‑ya mai hiyarami awireni.” I‑di Erodi atibodi ati ne, yawi kite, sodado mai‑ya yose, “Bere‑ya dai tokahi. Madehe makidi 2 ano toha dai nanahaba, madehe bi‑bidi na toha na, mai nafi dai nanahabahi. Bere‑ka madehe dai nanahaba, Bere yakari‑ya mai wi‑wina mai‑ka madehe dai nanahaba, dai nahi.” I‑di Erodi ati nematane. “Ano one‑ya amowa‑ya mai awa, fara hidi‑mona‑ka ano fami yanatona awineni.” I‑di Erodi atibodi ati nematane.

Mateo 4:24

Karireya‑kaya Yeso mai‑ya nakitame tamine‑ya mai mitameteni, Siriya‑ka tabora dama‑kaya. Madi towe mai foyi‑ka mai toha, mai ka‑kana na mai toha, mai yakara mai toha na, fara mai mai hiwakama, mai nafi‑ya Yeso nakitamematane.

Mateo 8:16

Yama soki yanatoni‑ya madi towe mai sawi‑ka mai mai hiwakama, Yeso ati ene madi towe mai kana, mai kiyana mai‑ya nakitama nemarine.

Roka 5:17

Mai dama mai yorotokana mai‑ya Yeso kanawatomatane. Fariseo mai toha, Mose‑ka yama hani ati‑ya mai ka‑kamina mai toha, mai na, mai sawi, mai one Karireya‑ka mai kaki, Yodeya‑ka mai one kaki, Yerosare‑ka mai one kaki nameteni. Mai kiyana, Deoso ene mai‑ya Yeso nakitamematane.

Roka 6:18

Yeso ati‑ya mai mitabone mai toha, Yeso mai hinakitamabone mai toha, mai na, mai sawemeteni. Madi towe mai sawi‑ka mai‑ya Yeso nakitamahari nematane.

Roka 9:11

Yeso hika mai eyehe toke tamine‑ya mai one mita, mai tokomakemeteni. Mai‑ya Yeso awe, mai‑ya nofe, Deoso ai nafi‑ka hidi kitabote tohawahebona tamine‑ya kamine, mai kiyana mai‑ya nakitamematane.

Yowaho 14:12

Owati amosabote dai mitahi. Owati mai nofiya, owa ene‑nima mai ihi nawahaboneni. Okobi‑ya okomiya, Okobi ene mai ihi kitawahaboneni. Owa ene kiti bi‑bidi namaro, mai ihi kiti ba‑basi naboneni.

Yeso‑ka yo‑yose mai tamine 4:30

Tiwa yehe daatite, mai‑ya tinakitamabonehe. Tiwa ene kita‑ya mai awa, tiwa‑ya na‑narifa amosabote i‑di Yeso tamine oda kamina, yama‑ya mai awaramaro, yama‑ya mai awiyahi.” Mai ati namoneni.

Yeso‑ka yo‑yose mai tamine 5:15

Bedoro mai ihi tamine‑ya mai mita, mai kiyana, mai‑ya mai kakama, hawi fowari‑ya mai‑ya mai nawiyineni, Bedoro mai‑ya fiyakaneya, korimari mai‑ya boyonebonaha.

Yeso‑ka yo‑yose mai tamine 5:17

Deoso‑ka yama‑bone‑ya mai da‑daa mai‑ka hidi toha, sadoseo mai toha na, Yeso‑ka yo‑yose mai ihi tamine‑ya mai mita, mai yawa,

Korito daidi 12:9

Deoso‑ka Doni ene Deoso ati‑ya dai owa nofi nafi, fare ene kite, Deoso‑ka Doni ene mai‑ya dai owa nakitama tene.

Tiyako 5:16

Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.