Yeso‑ka yo‑yose mai tamine 5:12 - Deoso-ka Yama Hani

¹² Mai kiyana, mai dami‑ya Yeso‑ka yo‑yose mai nakitama, mai ihi‑ya mai one awa, mai habi siitona, “Haa‑nima ai ene na, ai awaterani.” Mai ati namoneni. Deoso‑ka yobe kote oni Saromaho tohe‑ya Yeso ati‑ya mai no‑nofa mai yorotokateni.

Yeso‑ka yo‑yose mai tamine 5:12 ပူးပေါင်းရင်းမြစ်များ

Maroko 16:20

Yeso‑ya mai da‑daba yama nafi‑ya mai yakanaware, mai‑ya mai hiyaramaroni. Ai‑ka Ayo mai‑ya kasome, mai ihi kitamaroni, mai ihi‑ya mai awiya, mai ati mai hinofabonehe.)

Yowaho 10:23

Sire bofe‑ya oda marinamaroni. Deoso‑ka yobe‑ya Yeso yakane, yobe webote fowari‑ya Saromaho‑ka yobe waari, fare‑ya Yeso yakanemarine.

Yowaho 4:48

Yeso ati yanane, “Owa ene kitabote dai awara, owati‑ya dai nofarani.” Yeso ati nemarine.

Yeso‑ka yo‑yose mai tamine 1:14

Yeso‑ka yo‑yose mai toha, Yeso madi i‑di Mariya toha, Yeso sori mai toha, mai fanawi one toha na, mai yorotokana, Deoso‑ya mai hiyaranademoneni.

Yeso‑ka yo‑yose mai tamine 14:3

Ikoniyo‑ya mai wina mai amoni dami‑ya, Yeso tamine‑ya mai hiyara, Deoso mai‑ya kasome, Baoro mai ihi kita‑ya mai awa, mai‑ya mai nakitamineni. Deoso ene tohe‑ya mai watowahamoneni.

Yeso‑ka yo‑yose mai tamine 16:18

Mahi‑nima fana ati yanani dama ihi Baoro ati yawe, kiinawame, madi towe‑ya hiyare, “Yeso ati ene tikahi. Fana atibodi‑ya tifoyamariyahi.” Ati ne, ati ene madi towe toke, ene fana yama nabone‑ya watomara, hikaminamaramaroni.

Yeso‑ka yo‑yose mai tamine 19:11

Deoso ene Baoro ene kite, mai‑ya nakitamane.

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 28:9

Bobiro badi kitami tamine‑ya mai mita, mai kiyana Baoro‑ya mai kama, mai nafi kitamamaroni.

Yeso‑ka yo‑yose mai tamine 3:11

Deoso‑ka yobe kote oni Saromaho tohe‑ya mai naha, Bedoro, Yowaho mai fama, kitame mai mani‑ya damaneya, mai awa, mai kanani kamakineni.

Yeso‑ka yo‑yose mai tamine 4:30

Tiwa yehe daatite, mai‑ya tinakitamabonehe. Tiwa ene kita‑ya mai awa, tiwa‑ya na‑narifa amosabote i‑di Yeso tamine oda kamina, yama‑ya mai awaramaro, yama‑ya mai awiyahi.” Mai ati namoneni.

Yeso‑ka yo‑yose mai tamine 9:33

Rida‑ya ka‑kakone wine, oni i‑di Ene·asi tohe, faha fowe 8 kana‑ya yakare‑ya, i‑di Bedoro awe,

Yeso‑ka yo‑yose mai tamine 9:40

Bedoro mai‑ya yose, “Dai tokomahi.” Ati ne. Mai toka, mai nowati‑ya Bedoro yobati‑kaya itarise, Deoso‑ya hiyare, hiyari hawa tohe, Tabita‑ya haane, “Tabita, tiwaamisamahi!” Ati ne, Tabita noki weetokana, Bedoro‑ya awa, itarimisamamoneni.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Korito yoto‑ke 12:12

Dai tabaro‑ya owina, Deoso ene dame‑ya dai awa, dai habo siitona, “Ka! Haa‑nima ai ene na, oda awaterani. Deoso ene amosabote amane.” Dai ati namaroni. Yeso‑ka yo‑yose ohara‑mani, Deoso ene‑ya dai awara neni.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.