Yeso‑ka yo‑yose mai tamine 4:36 - Deoso-ka Yama Hani

^36-37 I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Yeso‑ka yo‑yose mai tamine 4:36 ပူးပေါင်းရင်းမြစ်များ

Maroko 3:17

Sebedeo bidi i‑di Tiyako, sohori i‑di Yowaho‑ya fama ne mai‑ya kadike, mai oni yati‑bone‑ya Yeso haanemarine. Mai oni yati Boanerekesi toha, ai ati‑ya Bahi ati‑nima dai nineni.

Yeso‑ka yo‑yose mai tamine 11:30

Mai‑ka yinero‑ya mai yorotokani wama, i‑di Banabe, i‑di Saoro mai fama, yinero‑ya mai towakama, Yeso ati‑ya mai no‑nofa mai‑ka bote mai‑ya yinero‑ya mai daanamoneni.

Yeso‑ka yo‑yose mai tamine 12:25

Yerosare‑ya mai‑ka yama anini hawa tohiya, Banabe, Saoro mai fama Atioki‑ya mai towakama, mai‑ya Yowaho Maroko dabemonane.

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 13:15

Mose‑ka yama hani‑ya yobe hidi kadike, Deoso ati‑ya mai mi‑mita‑mete mai‑ka yama hani‑ya kadikamaki ne, yama hani kadiki‑ya hawa tohe, Baoro mai‑ya haane, “Ayo, mai dai ati hiyariya, mai dai hiyarahi. Dai ati ene mai ya‑yainaboneni.” Yobe hidi ati ne.

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 13:4

Deoso‑ka Doni ati ene Serosiya‑ya mai toka, Serosiya‑ya maboro‑ya mai foya, faha teberi‑ya mai towaka, faha teberi oni Sibe tohateni.

Yeso‑ka yo‑yose mai tamine 15:12

Mai ati fawana, Baoro, Banabe mai fama, mai‑ya mai hiyara, Bara mai‑ya mai sawe, Deoso ene kite‑ya mai awa, tamine‑ya mai kaminamoneni.

Yeso‑ka yo‑yose mai tamine 15:2

I‑di Baoro, i‑di Banabe mai fama mai‑ya mai weena, “Yama dai watora, dai ati fawanahi. Yodeo mai toha, mai sowiri tati atori aba sibarihi, Bara mai sowiri tati atori abara sibarihi nineni.” Baoro mai ati na. “Yama dai watora, Mose ati‑ya mai tokadabara, mai sowiri tati atori‑ya mai nanahabi awiriya, Deoso mai‑ya ati somawami awirebonane.” Yodeya‑ya mai kama, mai ati na, mai ibi weenademoneni. Mai ibi weena mai ihi Baoro mai‑ya Kirisito‑ka mai yose, “Baoro, Banabe, Yerosare‑ya dai tokahi. Oda‑ka mai one dai‑ya mai dababone, Yeso‑ka yo‑yose mai toha, Kirisito‑ka bote mai toha na, mai ati dai mitahi. Fai‑ya tamine dai mita, yama ai watowahaboneni.” Kirisito‑ka mai ati namoneni.

Yeso‑ka yo‑yose mai tamine 15:37

“Hehe, ai towaka, ai‑ya Yowaho Maroko dabaho.” Banabe ati ne.

Yeso‑ka yo‑yose mai tamine 15:39

Yowaho Maroko ene mai ibi weena, mai famamara, i‑di Banabe i‑di Maroko‑ya fame, Sibe‑ya mai towakamoneni.

Yeso‑ka yo‑yose mai tamine 21:16

Sesareya‑ka mai one oda‑ya daba, Yerosare‑ya oda toka, i‑di Manaso‑ka yobe‑ya oda‑ya mai towakamamaroni, oda winabonehe. Hibati‑ya Sibe‑ya i‑di Manaso winemari, Yerosare‑ya winawahe, hika yobe‑ya oda winawahamaroni. Yeso ati‑ya i‑di Manaso nofane.

Yeso‑ka yo‑yose mai tamine 21:3

Sibe yakari‑ya oda kobokana, oda‑ka sayo‑kaya Sibe itaya, oda fiyakana, Siriya‑ya oda towakabone, Siriya‑ka tabora oni Tiro toha, Tiro‑ya oda kobokana, maboro‑ka yama‑ya mai daanabone, yama‑ya mai yama tokamorosa oda tokomorosamake,

Yeso‑ka yo‑yose mai tamine 27:4

Maboro‑ya oda foyama, oda towaka, Sibe yakari‑ya oda towaka, yama hakikini ihi oda towaki amosarani.

Yeso‑ka yo‑yose mai tamine 9:27

Saoro‑ya i‑di Banabe towakamane, Yeso‑ka yo‑yose mai‑ya yofikanebonaha. “Hibati‑ya Damaso hawi‑ya, ai‑ka Ayo‑ya Saoro awe, ati himita hine, Damaso‑ya Yeso tamine‑ya mai‑ya hiyarane.” Banabe ati nemonane.

Korito daidi 14:3

Deoso ati dai kamina dai ati‑ya mai mita, mai dai kasomaboneni. Dai ati ene yama‑ya Deoso nofe‑ya mai wata, ati‑nima mai ihi nabone, mai nofaboneni. Mai atibodi koma Deoso ati‑ya mai mita, mai atibodi kome fawanaboneni.

Korito daidi 9:6

Mai one dai‑ya kanawata, yama one‑ya mai anira, dai ati sibarineni. I‑di Banabe oda fama dai‑ya oda kanawata, yama one‑ya oda aninaharebone dai ati na awineni. Yama one‑ya oda anira oda sibakarini? Hehe, oda sibarini.

Karatiya 2:1

Faha fowe 14 tohamakiya, Deoso ati ene Yerosare‑ya okomakitasa, i‑di Banabe i‑di Tito mai fama, owa‑ya mai sawemaroni.

Karatiya 2:13

Bedoro ene‑ya Yodeo mai one awa, mai habi siitona, Bara mai eyehe mai tafami awirani. I‑di Banabe ne hibati‑ya Bara mai eyehe tafe, Bara mai eyehe tafamarene.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Koroso 4:10

I‑di Aritako oda fama kadeya‑ya oda‑ya mai nawaamaro, oda yoronasa neni. Dai‑ya Aritako ati foyene, Banabe‑ka naki i‑di Maroko dai‑ya ati foyaharine. I‑di Maroko tamine hibati‑ya okanahanomari, dai tabaro‑ya tokeya, dai ya‑yainahi. Dai ene i‑di Maroko ya‑yainaharibonane.