Yeso‑ka yo‑yose mai tamine 4:34 - Deoso-ka Yama Hani

^34-35 Mai‑ka yama kaba tosiyora, yobe‑ya mai kiha, yobe‑ya mai daana, yinero‑ya mai kanika, yinero‑ya mai kakama, i‑di Yeso‑ka yo‑yose mai‑ya yinero‑ya mai daana, yama‑ya mai kihara, mai‑ka yama‑bone‑ya mai kanikateni. Fadara‑ya mai kiha, fadara‑ya mai daana, yinero‑ya mai kanika, Yeso‑ka yo‑yose mai‑ya yinero‑ya mai daanamoneni.

Yeso‑ka yo‑yose mai tamine 4:34 ပူးပေါင်းရင်းမြစ်များ

Mateo 19:21

“Tiwa ene amosa hinama tohabone tina, tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

Maroko 10:21

Maki‑ya Yeso nofe, ati yanane, “Tika yama ohare hasinineni. Tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 16:9

Owati dai mitahi. Yinero dai kiha mai one‑ya dai kasomiyahi. Mai‑ya dai kasomiya, dai abiya, Deoso tabaro‑ya dai‑ya mai towakamaboneni.

Roka 22:35

Yeso mai‑ya hiyare, “Hibati‑ya dai oyosemaro, yinero dai mookanirihi, yamasi dai weyerihi, sanidariya owa dai weyekarihi, hawi‑ya dai‑ka yama one hasiramete awineni?” Yeso ati nematane. “Hawi‑ya yama one hasiramaroni.” Mai ati nameteni.

Yeso‑ka yo‑yose mai tamine 2:45

Fadara‑ya mai kiha, mai‑ka fadara‑ya mai daana, yinero‑ya mai kanika, yinero‑ya mai ebe, yama bara‑ya mai daana, yinero‑ya mai ebe nineni.

Korito yoto‑ke 8:14

Hibayata dai‑ka yamata dama, dai ebenabone onani. Makobote mai‑ka yamata damiya, dai‑ya yamata‑ya mai ebekawahaboneni, dai‑ka yamata fara kafamabonehe.

Tesaronika daidi 4:12

Yeso ati‑ya mai nofara dai‑ka yama anini‑ya mai awa, dai ene amosa‑ya mai watowahaboneni. Oda ati‑nima dai niya, dai‑ka yama anini kita, dai‑ka yamata tosiyoteraboneni. Hasinaboneni.

Timoti daidi 6:19

Haa‑nima mai niya, Deoso ya‑yainebonane. Deoso tabaro‑ya mai‑ka yama manakone wadaboneni. Bofe‑ya mai wi‑wina mai ya‑yainaboneni.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.