Yeso‑ka yo‑yose mai tamine 4:32 - Deoso-ka Yama Hani

³² Yeso ati‑ya mai no‑nofa mai atibodi fara hinama toha, “Owa hare oka yama tohi awirini. Ai nafi‑ka yama amani.” Mai nafi ati teni.

Yeso‑ka yo‑yose mai tamine 4:32 ပူးပေါင်းရင်းမြစ်များ

Yowaho 17:11

Tiwa‑ya okomabone, bofe‑ya owinami awiraboneni. Bofe‑ya mai winabisaboneni. Abi Deoso, oka mai daatinamaro mai tinawadahi, ai ohare‑nima mai ohariwamabonehe, mai nafi.

Yeso‑ka yo‑yose mai tamine 1:14

Yeso‑ka yo‑yose mai toha, Yeso madi i‑di Mariya toha, Yeso sori mai toha, mai fanawi one toha na, mai yorotokana, Deoso‑ya mai hiyaranademoneni.

Yeso‑ka yo‑yose mai tamine 2:1

Yeso abe nowati‑ya mai amoni 50 kanamaki‑ya mai marina, mai marini‑ke mahi oni Benekosi tohe‑ya, Yeso‑ka mai nafi yorotokawamamoneni.

Yeso‑ka yo‑yose mai tamine 5:12

Mai kiyana, mai dami‑ya Yeso‑ka yo‑yose mai nakitama, mai ihi‑ya mai one awa, mai habi siitona, “Haa‑nima ai ene na, ai awaterani.” Mai ati namoneni. Deoso‑ka yobe kote oni Saromaho tohe‑ya Yeso ati‑ya mai no‑nofa mai yorotokateni.

Homa 12:5

Fara‑nima Yeso ati ai no‑nofa Deoso‑ka ai dami toha, ai ene fara hinama tohatera ai abano ohare‑ta ai toha ai nineni.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Bedoro daidi 3:8

Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.