Yeso‑ka yo‑yose mai tamine 4:29 - Deoso-ka Yama Hani

²⁹ Abi Deoso, mai ati timitahi. Tiwa‑ya oda na‑narifa, oda‑ya mai bisinabone mai ati na, tiwati oda kamina, oda tikasomahi, oda habo kitabonehe.

Yeso‑ka yo‑yose mai tamine 4:29 ပူးပေါင်းရင်းမြစ်များ

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 14:3

Ikoniyo‑ya mai wina mai amoni dami‑ya, Yeso tamine‑ya mai hiyara, Deoso mai‑ya kasome, Baoro mai ihi kita‑ya mai awa, mai‑ya mai nakitamineni. Deoso ene tohe‑ya mai watowahamoneni.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 26:26

Yama tamine okamina‑ya hidi Akiriba watone, owa habo siitora, yama‑ya Akiriba awemarine. Owatibodi ati nineni. Haa‑nima yama na kemoterani.

Yeso‑ka yo‑yose mai tamine 28:31

Deoso tabaro tamine‑ya hiyara, Yeso Kirisito ai‑ka hidi tamine‑ya hiyara nemarine. Baoro habo kite, mai ati barihiterene.

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Yeso‑ka yo‑yose mai tamine 4:21

Mai ati‑ya mai mita, mai atibodi yama‑ya dika, “Bedoro mai ati ihi ka‑kakone‑mata kitame‑ya mai dami awa, Deoso‑ya mai kahiyarineni. I‑di Bedoro mai ai kosiniya, ai‑ya mai dami weenaba awineni.” Mai atibodi ati na, I‑di Bedoro, i‑di Yowaho mai‑ya mai hiyara, “Yeso tamine dai hiyaramatasiya, dai oda bisinaboneni.” Mai ati na, mai mai seehikana, hini mai tabori‑ya mai towakamineni.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 9:27

Saoro‑ya i‑di Banabe towakamane, Yeso‑ka yo‑yose mai‑ya yofikanebonaha. “Hibati‑ya Damaso hawi‑ya, ai‑ka Ayo‑ya Saoro awe, ati himita hine, Damaso‑ya Yeso tamine‑ya mai‑ya hiyarane.” Banabe ati nemonane.

Yeso‑ka yo‑yose mai tamine 9:28

Banabe ati ene, mai‑ya sawiwahe, Yerosare‑ya Yeso tamine‑ya kamine habo siitoremonane.

Korito daidi 14:13

Mai one ati‑ya dai ati yanana, mai ati dai watora, Deoso‑ya dai haana, “Abi Deoso, mai one ati‑ya owati yanana, mai ati owatora, oda ati‑ya hini yamata‑nima owati niti? Owa‑ya tikaminiya, oda ati‑ya mai‑ya okaminamakeboneni.” Dai ati nahi.

Korito yoto‑ke 3:12

Deoso ati amosi fawaterebona, fare ati ai kamine, ai habo siitoterani.

Firibo 1:14

Kadeya‑ya owaanasa oriya, ai‑ka soho mai habi kitaramaro, kadeya‑ya owaawahiya, mai habi kitawaha, Deoso ati‑ya mai kamina, mai habi siitorani.

Tesaronika daidi 2:2

Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Timoti yoto‑ke 4:17

Ai‑ka Ayo i‑di Yeso ohari owa‑ya sawi, owa habo siitorani. Deoso Ati Amosabote‑ya Bara mai dama mai mitani. Iriyaho mai‑ya owa‑ya mai daanabone mai ati na, Yeso owa‑ya kasome, iriyaho mai‑ya owa‑ya mai daani awirani.