Yeso‑ka yo‑yose mai tamine 4:19 - Deoso-ka Yama Hani

¹⁹ Mai ati‑ya Bedoro i‑di Yowaho mai mita, mai ati yanana, “Deoso ati‑nima dai ati ni awirani. Deoso ati oda tokadabarabone dai ati na, dai ati‑ta oda tokadababisabone dai ati na awineni.

Yeso‑ka yo‑yose mai tamine 4:19 ပူးပေါင်းရင်းမြစ်များ

Mateo 22:21

“I‑di Sesa korimari, oni ne, yinero bako‑ya waane.” Mai ati namaroni. “Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine.

Roka 22:8

i‑di Bedoro, i‑di Yowaho mai fama mai‑ya Yeso yose, “Tabora‑ya dai towakiya, ai tefe‑ba dai hawa tohiyahi.” Yeso ati nematane.

Yowaho 7:24

Owa ene tamine dai kadikariyahi, owatibodi ati dai kadikabisahi.” Yeso ati nemarine.

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Yeso‑ka yo‑yose mai tamine 5:28

“Dai hiyari fawanahi. Yeso tamine dai hiyaramarabone oda ati namaro, dai ati fawarani. Yeso oda nanahabamone dai ati na, dai ati‑ya Yerosare‑ya mai wi‑wina mai nafi mitani.” Deoso‑ka yama‑bone‑ya mai da‑daa mai‑ka hidi ati nemonane.

Yeso‑ka yo‑yose mai tamine 5:29

Mai ati‑ya Bedoro mai mita, mai ati yanana, “Dai ati ene oda hiyari maakaraboneni. Deoso ati‑nima oda nibisaboneni.

Korito daidi 10:15

Yama‑ya dai wa‑wato‑mone ona, owati dai kadikiya, yama owata dai watowahaboneni.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Efesiyo 6:1

Madehe dai toha, yetene dai toha, dai na, dai ene amosabone, dai‑ka abi, dai‑ka ami mai na, mai ati dai tokadabahi, ai‑ka Hidi i‑di Yeso ya‑yainebonaha.

Timoti daidi 2:3

Mai nafi tamine ai hiyariya, ai‑ya Ka‑kasoma i‑di Deoso ya‑yainebonane.

Ebereo 11:23

Makobote Yose abe nowati‑ya Eyito mai‑ka hidi Isara·eo‑ke mai‑ya nofamare, hika mai‑ya hiyare, “Isara·eo‑ka madehe makidi wadiya, faha‑ya mai dai korotofihi mai ababonehe.” Ati ne. Mose badi, madi, mai na Deoso ati‑ya mai nofi nafe, mai‑ka ewe wade amose‑ya mai awa, mai‑ka ewe‑ya mai kema, mai ati yanana, “Oka dao‑ya Deoso kasomeya, Eyito mai‑ka hidi ati‑nima oda ni awiraboneni.” Mai ati na, i‑di Mose‑ya mai kemobisa, hidi ati ene mai habi siitora, abariko 3 tohe‑ya mai‑ka yobe‑ya Mose‑ya mai kemomi awira, faha widi‑ya Mose‑ya mai kana·itafemeteni.

Tiyako 2:4

Mai mese‑ta dai kadika, mai atibodi dai awara, haa‑nima dai ene na, dai ati kasironeni.