Yeso‑ka yo‑yose mai tamine 3:26 - Deoso-ka Yama Hani

²⁶ Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Yeso‑ka yo‑yose mai tamine 3:26 ပူးပေါင်းရင်းမြစ်များ

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Mateo 15:24

“Yara mai‑ya Deoso owa‑ya yosere, Yodeo, Deoso ati‑ya mai watora mai‑ya Deoso owa‑ya yosebisemarine.” Yeso ati nemarine.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yowaho 4:22

Deoso dai kahiyara, yama dai kahiyara dai wato awirini. Yodeo oda toha, Deoso oda kahiyara, Deoso yokana oda watobisineni. Deoso ati somawama‑bona‑ka yama oda watoneni.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Yeso‑ka yo‑yose mai tamine 2:24

Yeso abano‑ya temene barikiterene. Deoso ene kitame, hini temene‑ke abano wadamare, abe komene wadamare, abamaterebonane.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Yeso‑ka yo‑yose mai tamine 26:20

Damaso‑ya Deoso tamine ohiyara, Yerosare‑ya, Yodeya‑ya Deoso tamine ohiyara, Bara mai‑ya Deoso tamine ohiyaramaki, oneni, Yeso ati‑ya mai nofabonehe. ‘Deoso‑ya dai‑ya dai kamina, dai ati‑nima dai ene nawawahi.’ Onani.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 3:20

Hibayata dai‑ya kasome, makobote Hika Ka‑kadika i‑di Yeso Kirisito hiyosematasebonane.

Yeso‑ka yo‑yose mai tamine 3:22

Hibati‑ya Deoso ati‑ya Mose mitemata, ati yanane, ‘Deoso ati omiti‑nima Deoso ene dai owa ati himitamaki, ati dai mitayaho.

Yeso‑ka yo‑yose mai tamine 3:25

Deoso ati‑ya mai mi‑mita‑mete mai‑ka nodi dai toha, dai tamine‑ya Deoso i‑di Abaraho‑ya hiyare, ‘Abaraho, tabora nafi‑ya mai wi‑wina tika nodi mai‑ya kasomebonane.’ Deoso ati nematane.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 15:29

Dai tabaro‑ya kobo·oniya, Kirisito ai‑ya kasomi ba‑basi nebona owatibodi ati nineni.

Homa 15:8

Hibati‑ya oda‑ka idi mai‑ya Deoso hiyare, “Kirisito kobonebonane, Yodeo mai‑ya kasomebonaha.” Deoso ati nemata. Fare ati‑nima yama nawaha ai watoneni.

Efesiyo 1:3

Deoso ai kahiyarahi. Yeso Kirisito ai‑ka Hidi‑ka Abi i‑di Deoso amane. Deoso ai‑ya kasome ene Kirisito‑ka ai toha, neme‑ya yama nafi Kirisito hikayaha, fara ai kayafamakeboneni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Bedoro daidi 3:9

Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.