Yeso‑ka yo‑yose mai tamine 3:25 - Deoso-ka Yama Hani

²⁵ Deoso ati‑ya mai mi‑mita‑mete mai‑ka nodi dai toha, dai tamine‑ya Deoso i‑di Abaraho‑ya hiyare, ‘Abaraho, tabora nafi‑ya mai wi‑wina tika nodi mai‑ya kasomebonane.’ Deoso ati nematane.

Yeso‑ka yo‑yose mai tamine 3:25 ပူးပေါင်းရင်းမြစ်များ

Roka 1:72

Ai‑ka idi mai‑ya Deoso nofe, ai‑ya kasomebona ati ne, hini ati‑nima ai‑ya kasomebonane.

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Yeso‑ka yo‑yose mai tamine 2:39

Fare oda‑ya sawi‑nima dai‑ya sawi, dai‑ka madehe‑ya sawi, yama yaki‑ya mai wi‑wina mai‑ya sawi nebonane. Ai‑ka Hidi i‑di Deoso dai‑ya haane, dai‑ya haani‑nima mai‑ya haaneya, Deoso‑ka Doni mai‑ya sawibona ati nane.” Bedoro ati nemonane.

Homa 15:8

Hibati‑ya oda‑ka idi mai‑ya Deoso hiyare, “Kirisito kobonebonane, Yodeo mai‑ya kasomebonaha.” Deoso ati nemata. Fare ati‑nima yama nawaha ai watoneni.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Karatiya 3:16

Abaraho‑ya Deoso hiyare, “Tiwa okasomaboneni, tika nodi eyehe.” Deoso ati nemarine. Ati dai mitamatasaho. Abaraho‑ka nodi mai dami tamine‑ya hiyari awirane. Hika nodi ohari tamine‑ya hiyarabisemarine. Abaraho‑ka nodi i‑di Yeso Kirisito tohe, fare‑ya Deoso kasomebonane.

Karatiya 3:29

Yeso Kirisito ati‑ya ai nofa Abaraho‑ka nodi ai tohawahani. Abaraho‑ka nodi mai‑ya Deoso kasomebona ati nemari, Deoso hini ati‑mari‑nima ai‑ya kasomaharibonane. Deoso‑ka ai toha, Deoso bidi ai toha, ai‑na, hika yama nafi ai kayafaboneni.

Karatiya 3:8

Hibati‑ya Yodeo mai toha, Bara mai toha mai na, mai tamine‑ya Deoso hiyarane Abaraho‑ya. Deoso hini Ati Amosabote‑ya kaminemarine. “Abaraho, tabora dami‑ya mai wi‑wina mai okasomaboneni, mai nafi. Owati tinofa‑nima owati‑ya mai nofiya, mai okasomaboneni.” Deoso ati nemarine. Deoso ati‑ya mai kanahanamaroni, Deoso‑ka yama hani‑ya.

Yeso Kirisito ene‑bona 14:6

Deoso‑ka yo‑yose neme‑ya yakane oawani. Deoso ati amosabote‑ya kaminene. Deoso ati abaterebonane. Bofe‑ka mai nafi‑ya Deoso‑ka yo‑yose hikaminani. Wami nafi‑ya mai wi‑wina, tabora dama‑ya mai wi‑wina, mai na, mai‑ya Deoso‑ka yo‑yose hikamini neni.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.

Yeso Kirisito ene‑bona 7:9

Hawa tohiya, kii·onamatasa, mai dama mai oawani. Mai dama mai ihi mai kadiki ai watoterani. Hidi Webote Kaneiro Bidi eyehe noko‑kaya tabora nafi‑ka mai one saweni. Tabora dami‑ka mai sawe, bora sawa‑ya mai sakona, mai ya‑yaini ihi kosi afe‑nima yama na‑ya mai aka nani.