Yeso‑ka yo‑yose mai tamine 3:22 - Deoso-ka Yama Hani

²² Hibati‑ya Deoso ati‑ya Mose mitemata, ati yanane, ‘Deoso ati omiti‑nima Deoso ene dai owa ati himitamaki, ati dai mitayaho.

Yeso‑ka yo‑yose mai tamine 3:22 ပူးပေါင်းရင်းမြစ်များ

Mateo 21:11

“Yeso Nasare‑ke amane. Deoso ati‑ya mi‑mita amane.” Mai ati namaroni.

Roka 13:33

Owa amoni 3 kani‑ya yaka·onabone, makobote Deoso ati‑ya mai mi‑mita‑mete mai‑nima onaboneni. Yerosare‑ya Deoso ati‑ya mai mi‑mita‑mete mai nafi abameteni.” Yeso ati nematane.

Roka 24:19

“Hini yamata tamine tohiti?” Yeso ati nematane. “Yeso Nasare‑ke tamine amane. Deoso ati‑ya mi‑mita amane. Ene kite, ati Deoso himite, ati oda nafi hinofemarine.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 12:46

Yama wahi‑nima oneni. Owati‑ya mai no‑nofa yama soki‑ya mai yakanamarabone ihi okemaroni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yowaho 8:12

Mai naha mai‑ya hiyare, “Bofe‑ka mai‑ka yama wahi‑nima ona ama·oni. Deoso hawine yofi·okaneni. Owati‑ya dai tokadaba yama soki‑ya mai ya‑yaka mai‑nima dai ni awira, yama wahi ihi dai abaraboneni.” Yeso ati nemarine.

Yeso‑ka yo‑yose mai tamine 7:37

Isara·eo‑ka nodi mai‑ya i‑di Mose hiyare, ‘Deoso ene dai‑ka soho owa Deoso ati‑ya mi‑mita‑bona, owa‑nima nebonane.’ Mose ati nematane.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Ebereo 2:1

Deoso ati dai mitemari, ati dai tokadabebona dai ati na, dai ati kadamowamariya, ati‑nima dai naboneni.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Yeso Kirisito ene‑bona 1:1

Yeso Kirisito‑ka yama hani amani, dai awahi. Yama yana kanibote nabone tamine‑ya Yeso‑ya Deoso kamine, Yeso‑ya ai na‑narifa ai watowahabonehe. Deoso‑ka yo‑yose‑ya Yeso yose, yama tamine‑ya owa‑ya kaminane. Yowaho ama·oni. Yeso‑ya na‑narifa ama·oni.