Yeso‑ka yo‑yose mai tamine 3:20 - Deoso-ka Yama Hani

²⁰ Hibayata dai‑ya kasome, makobote Hika Ka‑kadika i‑di Yeso Kirisito hiyosematasebonane.

Yeso‑ka yo‑yose mai tamine 3:20 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 24:3

Orifera adami‑ya oda kobona, oda nahokosa, Yeso‑ya oda daba, Yeso‑ya oda hiyara, “Eme ai amoni niya, yobe ababonati? Tikamatasabone tina, yama faina‑bone kobonabone tina, yama koboni yanatoniya, hini yamata oda awibati, yama oda watowahi‑bone‑karo?” Oda ati namaroni.

Maroko 13:26

Dai‑ka Ayo neme‑ke‑ya mai awabone, neme sabi‑ya kisameya, wehene nafibonane. Ene kiti nafibonane.

Roka 19:11

Yeso ati‑ya mai mitiya, “Yerosare yakari‑ya Yeso kobonane. Deoso ai nafi‑ka hidi kitabote tohawahebona‑ya yama yana kanibote naba awineni.” Mai atibodi ati nameteni. Mai atibodi ati‑ya Yeso wato, mai‑ya kanawatobona, mai‑ya hiyare,

Roka 21:27

Dai‑ka Ayo neme‑ke‑ya mai awabone, neme sabi‑ya kisameya, wehene nafibonane. Ene kitebonane.

Yeso‑ka yo‑yose mai tamine 17:31

Yeso ai ene‑ya kadikebona‑ke mahi‑ya Deoso wato, hibati‑ya Yeso‑ya kadikemata, Deoso ati‑mata‑nima yama nabone ai wato, Yeso‑ya nakitamebona ati nemata, Yeso‑ya nakitamane.” Baoro ati nemonane.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Yeso‑ka yo‑yose mai tamine 3:21

Hibayata neme‑ya Yeso wine, hibati‑ya Deoso ati‑ya mai mi‑mita‑mete Deoso ati‑ya mai kanahano, ‘Yama yanakani‑ya yama nafi amosamete‑nima Deoso ene yama namatasaboneni.’ Mai ati na, Fara‑nima yama yanatonabone, Yeso kamatasebonane. Deoso ati‑nima yama naboneni.

Tesaronika yoto‑ke 2:2

Ai‑ka Hidi koboni kemorebonane. “Yeso kobonane.” Mai one ati na, Mai ati dai nofariyahi. “‘Yeso kobonamane.’ Deoso‑ka Doni ati nane.” Mai ati na, mai ati dai nofariyahi. “‘Yeso kobonamane.’ I‑di Baoro‑ka yama hani ati nane.” Mai ati niya, mai ati dai nofariyahi. Dai habo siitoriyahi.

Tesaronika yoto‑ke 2:8

Satanasi‑ka owa ati kasiro‑ya mai awawahaboneni. Ai‑ka Hidi Yeso kobonameya, ati ene Satanasi‑ka owa abebonane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.