Yeso‑ka yo‑yose mai tamine 3:12 - Deoso-ka Yama Hani

¹² Bedoro mai‑ya kakatome mai‑ya hiyare, “Isara·eo‑ka nodi dai toha, hini yamata ihi ‘Ka!’ Dai ati na? Oda‑ya dai kakatoma? Oda ene, maki yakanemona dai ati na awineni. Oda ene tohi awirini. Yeso ene amane.

Yeso‑ka yo‑yose mai tamine 3:12 ပူးပေါင်းရင်းမြစ်များ

Yowaho 7:18

Hini mai ati ihi yama‑ya mai kanawata, ‘Amosabote ama·oni. Owa dai nofahi.’ Mai ati teni. Hidi ati‑ya kamine, ‘Owa‑ya yose dai nofabisahi.’ Ati ne, keyehe‑ya hirire, ati amose hinama toha tene.

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Yeso‑ka yo‑yose mai tamine 2:22

Bedoro mai‑ya hiyaramatase, “Isara·eo‑ka nodi dai toha, owati dai mitahi. Deoso ene Yeso Nasare‑ke ene dai watoneni. Yeso ene kitabote tohe, ene‑ya mai awa, ‘Ka! Haa‑nima ai ene na ai awaterani.’ Mai ati namaroni.

Yeso‑ka yo‑yose mai tamine 3:11

Deoso‑ka yobe kote oni Saromaho tohe‑ya mai naha, Bedoro, Yowaho mai fama, kitame mai mani‑ya damaneya, mai awa, mai kanani kamakineni.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Homa 11:1

Isara·eo‑ka mai dami‑ya Deoso nofami awire‑mona dai ati na awineni. Isara·eo‑ka mai‑ya Deoso kanakiterene. Isara·eo‑ka owa ama·oni. Abaraho‑ka nodi, i‑di Besami tohe, i‑di Besami‑ka nodi ama·oni.

Homa 9:4

Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.

Korito yoto‑ke 3:5

Deoso ati dai nofa, oda ene tohi awirani. Deoso ene amane. Deoso oda‑ya kasome, oda ene amosani.

Yeso Kirisito ene‑bona 7:13

Hidi bi‑bidi ne owa‑ya owa hiyare, “Ebeni‑ka mai amaniti, bora sawa‑ya mai sakonaro? Ebeni‑kaya mai kakiti?” Ati nene.