Yeso‑ka yo‑yose mai tamine 3:1 - Deoso-ka Yama Hani

¹ Mahi towitawiti‑ya i‑di Bedoro, i‑di Yowaho mai fama, Deoso‑ka yobe‑ya Deoso‑ya mai hiyarabone, mai towakamineni.

Yeso‑ka yo‑yose mai tamine 3:1 ပူးပေါင်းရင်းမြစ်များ

Mateo 17:1

Oda amoni 6 kani‑ya i‑di Bedoro, i‑di Tiyako, Tiyako sohori i‑di Yowaho, mai na, mai‑ya Yeso himane, adami nemehe tati‑ya mai tokomorosa, oda sawi awiramaroni.

Mateo 26:37

Bedoro, Sebedeo bidi mai fama, mai na, mai‑ya Yeso himane, ahiyata‑ya mai tokamaroni. Yeso atibodi a‑arire, atibodi ohini kitawahemarine.

Mateo 27:45

Mahi nokorise‑ya mahi wehene fawane, 3 ora‑ya wehene yananamatasemarine.

Roka 1:10

Yama mahi amosa sarikanebonaya, Deoso‑ka yobe nokobiri‑kaya mai dama mai nahokosa, Deoso‑ya mai hiyarameteni.

Roka 18:10

“Deoso‑ka yobe‑ya mai fama mai towakamakineni, Deoso‑ya mai hiyarabonehe. Fariseo owa toha, kofeno‑ka yinero‑bona‑ya ha‑haa owa toha nane.

Roka 22:8

i‑di Bedoro, i‑di Yowaho mai fama mai‑ya Yeso yose, “Tabora‑ya dai towakiya, ai tefe‑ba dai hawa tohiyahi.” Yeso ati nematane.

Roka 24:53

Deoso‑ka yobe‑ya Deoso‑ya mai kahiyaranademeteni. Feye amani.

Yowaho 21:7

Simaho Bedoro yama‑ya anine, bora neme‑ya weyeremarine. Yeso‑ka no‑nofa ama·oni. I‑di Bedoro ohiyara, “Ai‑ka Ayo amane.” Ona, owati‑ya mite, bora neme‑ya weyename, faha‑ya bokemarine, Yeso‑ya tokebonaha.

Yeso‑ka yo‑yose mai tamine 10:3

Mahi towitawiti‑ya wada‑nima yama na‑ya Deoso‑ka yo‑yose‑ya Koneriyo awe, “Koneriyo,” Deoso‑ka yo‑yose ati ne,

Yeso‑ka yo‑yose mai tamine 10:30

Ati‑ya mite, Koneriyo hiyare, “Hibati‑ya owa amoni 4 toha, oka yobe doro‑ya Deoso‑ya ohiyarani. Mahi towitawiti‑ya, ai owa bora sawa‑ya weyene wai, wehene kite, owa‑ya hiyare,

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 3:3

Mai damahikane, Bedoro, Yowaho mai fama, mai‑ya awe, Deoso‑ka yobe‑ya mai tokiyomabone, mai‑ya haane, “Oka yinero‑ba dai daanahi.” Ati ne,

Yeso‑ka yo‑yose mai tamine 3:4

Bedoro mai maakanama, maki‑ya mai kiina, “Oda tiwakatomahi.” Bedoro ati ne,

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Yeso‑ka yo‑yose mai tamine 5:25

Mai hiyariya, bare kamaki, ati yanane, “Kadeya‑ya mai dai nafoya, Deoso‑ka yobe‑ya mai‑ya mai kanawata, mai nahani.” Ati ne.

Yeso‑ka yo‑yose mai tamine 8:14

Yerosare‑kaya Yeso‑ka yo‑yose mai wina, Samariya‑kaya mai wi‑wina Deoso ati‑ya mai nofawahamone, mai tamine‑ya Yeso‑ka yo‑yose mai mita, Bedoro, Yowaho mai fama, mai‑ya mai yose, “Samariya‑ya mai wi‑wina mai dai tonakahi!” Mai ati na,

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.