Yeso‑ka yo‑yose mai tamine 28:2 - Deoso-ka Yama Hani

² Maota‑ya mai wi‑wina mai ati soma, oda‑ya mai kasoma, faha bofe‑ya yifo‑ya mai afokanamaroni, yifo oda hiwanabonehe. Yama siri kitamaroni.

Yeso‑ka yo‑yose mai tamine 28:2 ပူးပေါင်းရင်းမြစ်များ

Mateo 10:42

Oka mai baki hoka, mai‑ya faha dai daaniya, ‘Yeso Kirisito‑ka mai amani, mai okasomaboneni.’ Dai atibodi ati niya, dai ene amosa manakone‑ya Deoso daanebonane.” Yeso ati nemarine.

Yowaho 18:18

Yama sire ihi yifo widi‑ya mai nahobasamaroni. Hidi‑ka yobe‑ya mai na‑nawada mai toha, oda‑ka hidi‑ka sekorasa mai toha, mai na, mai eyehe Bedoro wai, yifo‑ya hiwanemarine.

Yeso‑ka yo‑yose mai tamine 27:3

Mahi owa‑ya Sidoho‑ya oda kobona, Sidoho‑ya Yoriyo ati ene i‑di Baoro hini hika mai‑ya tokane, Baoro‑ya mai kasomabonehe. Yoriyo Baoro‑ya nofane, Baoro‑ya kasome ene Baoro ya‑yainebonane.

Yeso‑ka yo‑yose mai tamine 28:3

Oda‑ka yifo‑bone‑ya Baoro sibane, yifo‑ya wasi, yifo‑ya kakame, yifo‑ya wisamaki, yifo hodi‑ya maka foya, Baoro yehe‑ya wainamaroni.

Yeso‑ka yo‑yose mai tamine 28:4

Baoro yehe‑ya maka waina, fai yehe‑ya wina‑ya Maota‑ka mai awa, mai ibi hiyara, “Ai owa mai‑ya nanahabano tohe awane, faha‑ya abare, hasirebona, maka ihi aba kanibote nebonane.” Mai ati namaroni.

Homa 1:14

Mai dami‑ya Yeso ati okaminabone Deoso ati nemarine. Kereko mai toha, Bara mai one toha, yama yaki‑ya mai wi‑wina mai toha, yama‑ya mai wa‑wato mai toha, yama‑ya mai watora mai toha, mai na, mai nafi‑ya Yeso Ati Amosabote okaminabone owatibodi ati teni.

Homa 14:1

Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Homa 14:3

Bani dai ati kaba, sibarihi, bani‑ya mai kabara mai‑ya dai weeriyahi, bani‑ya dai ati kabara, sibarihi, bani‑ya mai kabiya, mai‑ya dai weeriyahi, dai nahi. Mai‑ya Deoso kayafemari, mai dai weeriyahi.

Homa 2:27

Bara mai sowiri tati atori abara Deoso ati‑ya mai tokadababisa, dai ene‑ya mai awiya, dai‑ya mai kasawariya, “Ka! Yodeo dai toha, Deoso‑ka yama hani dai kayafa, Deoso ati dai tokadabamone dai ati na, dai ene amosara, Deoso dai manakone‑ya daanebonane.” Mai ati teboneni.

Korito daidi 14:11

Mai one ati‑ya mai hiyariya, mai ati owatora, “Bara mai amani.” Owatibodi ati naboneni. Owati yananiya, owati‑ya mai mitara, “Bare amane.” Mai ati naboneni.

Korito yoto‑ke 11:27

Oka yama anini kita, maa oha, yama soki dama‑ya amo·orihi, mahi dame‑ya otafarihi, faha ofirihi, yama sire oka bora one wadara, siri oha onamaroni.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Ebereo 13:2

Dai tabaro‑ya mai kobona, mai dai kasoma, mai tafe‑ba dai daa, mai ati amoniya, dai tabaro‑ya mai amo nahi. Mai‑ya ai owa kasome, ai owa mai amanikani ati ne, Deoso‑ka yo‑yose mai‑ya kasomematane.