Yeso‑ka yo‑yose mai tamine 26:23 - Deoso-ka Yama Hani

²³ ‘Kirisito komene kitebona, mai hinahabebona, abeya, kitamebonane. Kirisito kitami bahe, ai‑ya nakitamaharibonane. Kitame ene yama wahi‑nima Yodeo mai awa, Bara mai awa nabone, Deoso hawine‑ya mai watowahaboneni.’ Mose ati tohe, Deoso ati‑ya mai mi‑mita‑mete mai ati toha neni.” Baoro ati nemonane.

Yeso‑ka yo‑yose mai tamine 26:23 ပူးပေါင်းရင်းမြစ်များ

Mateo 26:24

Dai‑ka Ayo neme‑ke abebona yama hani ati na, fara yama hani ati‑nima abebonane. Owa‑ya kahabane‑ka ene towe manakone nafi bonane. Ka! Wadare‑mana, yama amosabisa neni.” Yeso ati nemarine.

Mateo 27:53

Yeso kitame, Deoso‑ka sidadi‑ya mai toka, mai dama mai‑ya awemarine.

Roka 2:32

Tika Ka‑kadika yama wahi‑nima ne, tiwa hawine‑ya Bara mai‑ya yofikanebonane. Isara·eo‑ka nodi ai toha tika ai amani. Tika Ka‑kadika ene ai ya‑yainaboneni.” Simiyaho ati nematane.

Roka 24:26

Deoso‑ka yama hani ati‑nima Deoso‑ka Ka‑kadika abe, kitame, amosabote tohawahane.” Yeso ati nematane.

Roka 24:46

“Yama hani ati dai mitahi. ‘Deoso‑ka Ka‑kadika‑ya mai nanahababone, dai amoni 3 kani‑ya kitamebonane.

Yowaho 10:18

Owa‑ya mai ati nanahaba, mai‑ya owati bariraboneni. Mai‑ya owati bariniya, owa‑ya mai nanahabi awiraboneni. Owati aba, o·aba, owati kitama, okitama onaboneni. Okobi ati‑nima owa ene naboneni.” Yeso ati nemarine.

Yowaho 11:25

“Mai‑ya na‑nakitama ama·oni. Ai abarabone‑ka yama da‑daa ama·oni. Owati‑ya mai nofa owa ene mai abarabone, mai abano abiya, mai abaraboneni.

Yeso‑ka yo‑yose mai tamine 13:34

Fare hinakitame, abamaterebona, bataterebona, ‘Dafi okasomamaro, tiwa okasomahareboneni.’ Deoso ati ne.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Yeso‑ka yo‑yose mai tamine 26:8

Ai owa abe Deoso hinakitame, hini yamata ihi dai kasawariti?

Yeso‑ka yo‑yose mai tamine 3:18

Deoso ati‑ya mai mi‑mita‑mete Deoso ati‑ya mai kanahana, ‘Deoso‑ka Ka‑kadika‑ya mai nakomaboneni.’ Mai ati namete. Deoso ati‑nima yama nawahani.

Yeso‑ka yo‑yose mai tamine 3:24

Mose ati‑nima Samo·eo ati ne, ati‑nima Deoso ati‑ya mai mi‑mita‑mete mai nafi ati toha, hibayata‑ke tamine‑ya mai kanahano nameteni.

Korito daidi 15:3

Yeso Kirisito yama owa‑ya hikaminamaro, dai‑ya okaminamakitasineni. “Kirisito abe, ai manakone‑ya nanahabematane.” Deoso‑ka yama hani ati na, fara dai‑ya okaminamaroni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Koroso 1:18

Yeso ati‑ya mai no‑nofa mai‑ka Hidi i‑di Yeso tohe, hini mai atibodi mai‑ya yose‑nima Kirisito mai‑ya yose, mai teni. Hibati‑ya yama nafi‑ya wamemata, makobote ahi‑ya kobone, mai hinahabe, Deoso hinakitamemari, yama nafi‑ka hidi tohe, Yeso ati‑ya mai no‑nofa mai aba, mai kitamahareboneni.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.