Yeso‑ka yo‑yose mai tamine 26:22 - Deoso-ka Yama Hani

²² Deoso owa‑ya kasomanadi ene hasi·ona, hidi mai toha, mai ati kita mai‑ya ohiyara, hidi mai tohara, mai ati kitara mai‑ya ohiyara ona, i‑di Mose ati‑mata‑nima yama nawaha, Deoso ati‑ya mai mi‑mita‑mete mai ati‑nima yama nawaha, tamine okamina oteni.

Yeso‑ka yo‑yose mai tamine 26:22 ပူးပေါင်းရင်းမြစ်များ

Mateo 26:24

Dai‑ka Ayo neme‑ke abebona yama hani ati na, fara yama hani ati‑nima abebonane. Owa‑ya kahabane‑ka ene towe manakone nafi bonane. Ka! Wadare‑mana, yama amosabisa neni.” Yeso ati nemarine.

Roka 16:28

Yama kome kita‑kaya osawineni. Oka soho mai 5 kana mai‑ya i‑di Rasaro hiyaraho, owa‑kaya mai kamakirabonehe.’ Ati nane.

Roka 24:27

Mose‑ka yama hani ati‑ya Yeso mai‑ya kanawato, Deoso ati‑ya mai mi‑mita‑mete mai‑ka yama hani ati‑ya mai‑ya kanawatomaki, Deoso‑ka yama hani nafi‑ya hini tamine‑ya kanawato nematane.

Roka 24:44

“Hibati‑ya dai‑ya osawe, dai‑ya ohiyara, ‘Owa tamine‑ya Mose kanahano, owa tamine‑ya Deoso ati‑ya mai mi‑mita‑mete mai kanahano, Deoso‑ka wayoma hani‑ya owa tamine‑ya mai one kanahano nameteni. Mai ati‑nima yama naboneni.’ Onamaroni. Fara yama hani mai hikanahanamete ati‑nima yama nineni.” Yeso ati nematane.

Roka 24:46

“Yama hani ati dai mitahi. ‘Deoso‑ka Ka‑kadika‑ya mai nanahababone, dai amoni 3 kani‑ya kitamebonane.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 1:45

I‑di Natanaeo‑ya Firibi toke, fai‑ya hiyare, “Natanaeo, owati timitahi. Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, ai owa kobonebona yama hani ati na, fare Yeso Nasare‑ke amane. I‑di Yose bidi amane. Yeso oda kobonawahene.” Firibi ati nemarine.

Yowaho 5:39

Deoso‑ka yama hani dai kadika, ‘Ai abaterabone tamine oda mitaboneni.’ Dai ati na, Deoso‑ka yama hani owa tamine‑ya kaminateni.

Yowaho 5:46

Mose ati‑ya dai nofa‑mani, owati dai nofahare neni. Owa tamine‑ya i‑di Mose kanahanomarine.

Yeso‑ka yo‑yose mai tamine 10:43

Hibati‑ya Deoso ati‑ya mai mi‑mita‑mete Yeso tamine‑ya mai kanahanameteni. Ati mai hinofeya, Deoso mai‑ya ati somawamebona mai ati nameteni.” Bedoro ati nemonane.

Yeso‑ka yo‑yose mai tamine 13:29

yama hani ati‑mete‑nima mai na, hawa tohe, awa‑ya waane‑ya mai idibasa, yati hodi‑ya mai hinafoye,

Yeso‑ka yo‑yose mai tamine 24:14

Nasare‑ka ama·oni mai ati na, fara ama·oni. Deoso‑ka hawi‑ya Nasare‑ka mai sa‑sawi‑nima osawi, Deoso‑ya mai kahiyara‑nima okahiyara, Deoso ati‑ya i‑di Mose kanahanomata, ati‑ya mai mi‑mita‑mete mai kanahano na, ati onofa oteni.

Yeso‑ka yo‑yose mai tamine 26:17

Tiwa‑ya mai watiya, tiwa okasoma, Yodeo tiwa‑ya mai watiya, tiwa okasoma, Bara mai‑ya tiwa oyose, tiwa okasoma onaboneni.

Yeso‑ka yo‑yose mai tamine 26:6

Hibati‑ya oda‑ka idi mai‑ya i‑di Deoso hiyaremata, Deoso ati onofe ene owa‑ya mai ati nanahabi kofinineni.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Homa 3:21

Hibayata Deoso ai‑ya ati somawamebona tamine‑ya ai watowaha, Deoso hini tabaro hawine‑ya ai‑ya yofikawawahe, ai ene toharihi, Mose ati ene toharihi nane. Hibati‑ya Deoso hawine‑ya Kirisito wamanebona tamine‑ya i‑di Mose kanahano, Deoso ati‑ya mai mi‑mita‑mete tamine mai hikanahanohari hinematane.

Korito daidi 15:3

Yeso Kirisito yama owa‑ya hikaminamaro, dai‑ya okaminamakitasineni. “Kirisito abe, ai manakone‑ya nanahabematane.” Deoso‑ka yama hani ati na, fara dai‑ya okaminamaroni.

Korito daidi 15:4

“Yeso abe, mai hikame, amoni fama, amoni ohari ne‑ya Deoso hinakitamane.” Deoso‑ka yama hani ati nineni.

Timoti yoto‑ke 3:11

Atioki‑ya owa‑ya mai wee, Ikoniyo‑ya owa‑ya mai wee, Risita‑ya owa‑ya mai weenamaro, owa tiwatoneni. Owa‑ya mai bisinamaro, Ai‑ka Ayo Yeso owa‑ya kasome, hasinasa oneni.

Yeso Kirisito ene‑bona 11:18

Bofe‑ka mai dama mai yawamaro, tika yawa kobona, hini mai ihi bofe towe toha, fara mai‑ya weetineni. Tiwa‑ya mai no‑nofa mai abamaro, mai ihi amosa manakone daatinaboneni. Mai ihi amosa manakone da‑daa‑ke mahi kobonane. Tiwati‑ya mai ka‑kamina mai toha, tika hawi‑ya mai sa‑sawi mai toha, tiwati‑ya mai to‑tokadaba mai toha, mai na, tiwa‑ya mai na‑narifa mai amani. Fara hidi mai toha, hidi mai tohara mai toha, mai na, mai ihi amosa mai manakone daatinaboneni.” Mai ati neni.

Yeso Kirisito ene‑bona 15:3

I‑di Mose i‑di Deoso‑ya na‑narifa amane. Mose‑ka wayoma, Kaneiro Bidi‑ka wayoma na‑ya mai wayoma, “Deoso, oda‑ka hidi webote amatini. Kitabote amatini. Tiwa ene amosa hinama amani. Tiwa ene kitabote amani. Tiwa ene oda awa, keyehe‑ya hirititerani. Bofe‑ka mai nafi‑ka hidi webote amatini.

Yeso Kirisito ene‑bona 20:12

Faha webote‑ya mai abamete mai kitama mai toha; mai tame‑ka mai kitama mai toha, mai na; mai korimari wiye‑ya mai toha, mai nafi kitama, webote mai toha, webote mai tohi awira mai toha, mai na, mai oawani. Hidi Webote‑ka kadera kawi‑ya mai nahani. Deoso‑ka yama hani dama‑ya hika yo‑yose mai seena, makobote yama hani kare‑ya seekanamaki, fara ai abarabone‑ka yama hani amani. Mai ihi‑nima mai ihi manakone‑ya haanene. Fara yama hani dama‑ya mai ihi tamine sawi nani. Hini mai ihi‑nima yama na‑ya daanene.