Yeso‑ka yo‑yose mai tamine 26:18 - Deoso-ka Yama Hani

¹⁸ Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Yeso‑ka yo‑yose mai tamine 26:18 ပူးပေါင်းရင်းမြစ်များ

Mateo 4:10

“Tikamahi. Deoso‑ka yama hani ati‑nima obisaboneni. Yama hani ati timitahi. ‘Deoso dai kahiyarahi. Mai one‑ya dai narifariyahi. Deoso dai narifabisahi.’ Deoso‑ka yama hani ati nineni.” Yeso ati nematane.

Roka 1:77

Deoso‑ka ai toha ai‑ya kasomebona, ai ene towe manakone‑ya Deoso haanamaterebona tamine‑ya tihiyarawahaboneni.

Roka 1:79

Yama soki‑ya mai naha mai kome fawaterabone‑ka hawi‑ya mai sawi, Deoso Bidi ene Deoso ati somebona‑ka hawi ai watowahaboneni.” Sakariya ati nematane.

Roka 2:32

Tika Ka‑kadika yama wahi‑nima ne, tiwa hawine‑ya Bara mai‑ya yofikanebonane. Isara·eo‑ka nodi ai toha tika ai amani. Tika Ka‑kadika ene ai ya‑yainaboneni.” Simiyaho ati nematane.

Roka 24:45

Yeso ati ene Deoso‑ka yama hani ati‑ya mai watowahameteni.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Yowaho 17:17

Abi, mai tikayawahi, tiwati yokana‑ya mai nofabonehe.

Yowaho 3:19

Yama wahi‑nima ne bofe‑ya kobone, bofe‑ya mai wi‑wina yama towe‑ya mai nokotonihe, yama wahi‑nima ne‑ya mai nofarani. Hini mai ihi mai manakone hasinasa neni.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 8:12

Mai naha mai‑ya hiyare, “Bofe‑ka mai‑ka yama wahi‑nima ona ama·oni. Deoso hawine yofi·okaneni. Owati‑ya dai tokadaba yama soki‑ya mai ya‑yaka mai‑nima dai ni awira, yama wahi ihi dai abaraboneni.” Yeso ati nemarine.

Yowaho 9:39

“Bofe‑ya okemaroni, dai nafi ene okadikabonehe. Yama‑ya mai awaramaro, yama‑ya mai awawahaboneni. Yama‑ya mai ati awamaro, yama‑ya mai awami awiraboneni.” Yeso ati nemarine.

Yowaho 9:5

Bofe‑ya owina, dai nafi‑ka yama wahi‑nima oneni, yama dai watabonehe.” Yeso ati nemarine.

Yeso‑ka yo‑yose mai tamine 10:43

Hibati‑ya Deoso ati‑ya mai mi‑mita‑mete Yeso tamine‑ya mai kanahanameteni. Ati mai hinofeya, Deoso mai‑ya ati somawamebona mai ati nameteni.” Bedoro ati nemonane.

Yeso‑ka yo‑yose mai tamine 13:47

Deoso oda‑ya hiyare, ati oda mite, ‘Bara mai‑ya dai toka, mai‑ka yama wahi‑nima dai naboneni. Mai manakone‑ya Yeso nanahabe tamine mai watowahabone, mai tabori dami‑ya dai ati‑ya mai nofiya, owa tabaro‑ya mai winamakeboneni.’ Deoso ati nemarine.” Baoro ati nemonane.

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 26:19

Hidi Akiriba, neme‑ya ati omite, ati‑nima oteni.

Yeso‑ka yo‑yose mai tamine 26:23

‘Kirisito komene kitebona, mai hinahabebona, abeya, kitamebonane. Kirisito kitami bahe, ai‑ya nakitamaharibonane. Kitame ene yama wahi‑nima Yodeo mai awa, Bara mai awa nabone, Deoso hawine‑ya mai watowahaboneni.’ Mose ati tohe, Deoso ati‑ya mai mi‑mita‑mete mai ati toha neni.” Baoro ati nemonane.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Yeso‑ka yo‑yose mai tamine 5:31

Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Korito yoto‑ke 6:14

Yeso ati dai no‑nofa Yeso ati‑ya mai nofara mai‑ya dai famariyahi. Ai ene amosa, mai ati kasira, mai‑ya ai dabaterani. Yama wahi ohari yama soki ohari teni. Yama soki‑ya yama wahi famaterani.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Karatiya 3:14

Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.

Karatiya 3:2

Hibati‑ya Mose ati‑nima dai na, Deoso‑ka Doni dai‑ya sawine? Dai‑ya sawi awiremarine. Yeso Kirisito tamine‑ya oda kamina, Yeso ati dai nofa, Deoso‑ka Doni dai‑ya sawiwahabisane.

Efesiyo 1:11

Hibati‑ya Deoso ai‑ya kadikematane, Kirisito‑ka ai tohabonehe. Deoso tabaro‑ya ai koboniya, yama Deoso ati daahinamaro ai kayafaboneni. Deoso ati‑nima yama nafi nawahaboneni.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Efesiyo 4:18

Yama‑ya mai atibodi wato nofara, yama‑ya mai watora, mai atibodi kita ihi Deoso hawine toki‑ya mai nofara, Deoso tabaro‑ya mai koboni awiraboneni.

Efesiyo 5:11

Mai ihi amosara yama soki‑ya mai wi‑wina, mai‑ya dai dabariyahi. Dai ene mai ihi amosara‑ya mai watomakiyahi.

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Efesiyo 5:8

Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.

Efesiyo 6:12

Ai‑ya mai ka‑kako mai ime wadarihi, mai tone wadarihi, mai ame wadarihi na, mai‑ka hidi Satanasi tohe, hika madi mai toha, mai one kiti bi‑bidi, mai one kiti ba‑basi, mai one kiti nafi na ai‑ya mai kaka, mai‑ka hidi ai‑ya kako‑nima ai mai kako teni.

Timoti yoto‑ke 2:26

Hibati‑ya Satanasi mai‑ya kayawe, ati‑nima mai namaro, hibayata Deoso ati‑ya mai nofiya, Satanasi ati abawahebonane. Yeso mai‑ya kasomebonane, mai atibodi abarabonehe.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 1:4

Neme‑ya ai‑ka yama daahinabone, hinawada, abaterihi, bote tohaterihi, bataterihi na‑ya, Deoso tabaro‑ya ai koboniya, ai kayafaboneni.

Bedoro daidi 2:25

Kaneiro mai‑nima dai nineni. Kaneiro tabora hawi‑ya mai fawaniteni. Deoso tabaro hawine‑ya dai sawiramaro, Yeso ene Deoso hawine‑ya dai sawiwaha, dai‑ya Na‑nawada‑ya dai dabawahani.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Yowaho daidi 1:9

Ai ene amosara, Deoso‑ya ai hiyara kanibote nahi. “Abi Deoso, owa ene amosara, owa‑ya tiwati somawamahi.” Ai ati nahi. Ai ene amosara tamine Deoso‑ya ai hiyara, Deoso ati somawame, ai ene amosara‑ya kadikamaterebonane.

Yowaho daidi 2:12

Madehe dai toha, dai‑ka yama hani‑bone okanahanoneni, Yeso dai manakone‑ya nanahabe ene Deoso ati somawamane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yeso Kirisito ene‑bona 21:27

Yama amosara toha, mai ihi towe mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni. Kaneiro Bidi‑ka yama hani‑ya mai oni sawe, sidadi‑ya mai tokiyomabisaboneni. Kaneiro Bidi‑ka yama hani ai abarabone‑ka yama hani amani.