Yeso‑ka yo‑yose mai tamine 26:10 - Deoso-ka Yama Hani

¹⁰ Yerosare‑ya Yeso ati‑ya mai no‑nofa mai bisi·onamaroni. Deoso‑ka yama‑bone‑ya mai da‑daa mai‑ka hidi mai ati ihi Yeso ati‑ya mai no‑nofa kadeya‑ya mai onafoya, makobote mai‑ya mai nanahaba, mai ihi ya‑yai·onamaroni.

Yeso‑ka yo‑yose mai tamine 26:10 ပူးပေါင်းရင်းမြစ်များ

Yeso‑ka yo‑yose mai tamine 7:58

tabora awiri‑kaya Tefaho‑ya mai horoni towaka, yati‑ya Tefaho‑ya mai baana, mai hinahabe, yati‑ya mai werenisa, i‑di Saoro yetene teme‑kaya mai‑ka bora‑ya mai nawiyineni.

Yeso‑ka yo‑yose mai tamine 8:1

Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Yeso‑ka yo‑yose mai tamine 8:3

I‑di Saoro yawe, Yeso ati‑ya mai no‑nofa mai‑ya kako, mai nafi‑ka yobe‑ya toke, mai makidi, mai fanawi na‑ya waratone, mai horokani tokomane, kadeya‑ya mai mookanabonehe.

Yeso‑ka yo‑yose mai tamine 9:21

Saoro ati‑ya mai mita, mai ibi hiyara, “Ka! Yerosare‑ya Yeso ati‑ya mai no‑nofa mai‑ya Saoro nanahabe, ahi‑ya kamaki, mai‑ya wateya, Deoso‑ka yama‑bone‑ya mai da‑daa mai‑ka hidi mai‑ya mai‑ya towakamebona ati ne, fare amanaraniha?” Mai ati na,

Yeso‑ka yo‑yose mai tamine 9:26

Makobote Yerosare‑ya toke, Yeso‑ka mai‑ya sibanane, mai‑ya dabawahebonaha. Saoro tamine‑ya mai mita, mai kakomehe. “Yeso ati‑ya nofe‑mona keyehe‑ya hirine awane.” Mai atibodi ati namoneni.

Yeso‑ka yo‑yose mai tamine 9:32

Mai tabori dami‑ya Bedoro toke, sidadi oni Rida toha‑ya kobone, Yeso ati‑ya mai no‑nofa mai‑ya hiyarane.

Yeso‑ka yo‑yose mai tamine 9:41

Bedoro Tabita yahi‑ya waratone, Tabita‑ya nawaamisame, mai fanawi honita‑ya haa, Yeso ati‑ya mai no‑nofa mai‑ya haa ne, mai kamake, “Tabita kitama, dai awahi.” Ati nemonane.

Korito daidi 15:9

Yeso‑ka yo‑yose mai one amosabisa, owa‑ta towe ama·oni. Hibati‑ya Yeso ati‑ya mai no‑nofa mai‑ya bisi·onamaroni. Owa ene‑maro Deoso owa‑ya yosere‑mana, sibare nane. Owa‑ya yosemarine.

Karatiya 1:13

Hibati‑ka owa tamine dai mita awineni. Deoso‑ka mai onofara, Yodeo mai ati‑ya onofa, Yodeo mai ihi‑nima owa ene na, Deoso‑ka mai‑ya okako, mai‑ya wee, mai‑ya bisi onamaroni, Yeso ati‑ya mai nofarabonehe.

Efesiyo 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemarine, Yeso Kirisito‑ka yo‑yose ohawahabonehe. Efesiyo‑ya dai wi‑wina Yeso Kirisito ati dai tokadaba, dai‑ka yama hani‑bone okanahanaboneni.

Yeso Kirisito ene‑bona 17:6

Fana fino nafi‑ya fawa, towe toha. Fara Deoso‑ka mai toha, Yeso tamine‑ya mai ka‑kamina mai toha, mai na, mai ame tamine amani. Fana ihi mai‑ya mai nanahababone tamine amani. Fana oawa, owatibodi yama‑ya kadiki kitani.