Yeso‑ka yo‑yose mai tamine 24:24 - Deoso-ka Yama Hani

²⁴ Makobote Feri fadi‑ya fame Baoro ati‑ya mai mitabone, mai kakamineni. Feri Yodeo one‑ya idimari, fadi oni Dosira toha, “Yeso Kirisito ati tinofe tamine omitebonane.” Feri ati nane.

Yeso‑ka yo‑yose mai tamine 24:24 ပူးပေါင်းရင်းမြစ်များ

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Yeso Kirisito ene‑bona 14:12

Fara ihi Deoso‑ka dai toha Deoso hawine bai‑ya dai maanamariyahi. Yeso ati‑ya dai tokadabiyahi.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Karatiya 3:2

Hibati‑ya Mose ati‑nima dai na, Deoso‑ka Doni dai‑ya sawine? Dai‑ya sawi awiremarine. Yeso Kirisito tamine‑ya oda kamina, Yeso ati dai nofa, Deoso‑ka Doni dai‑ya sawiwahabisane.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Yeso‑ka yo‑yose mai tamine 26:22

Deoso owa‑ya kasomanadi ene hasi·ona, hidi mai toha, mai ati kita mai‑ya ohiyara, hidi mai tohara, mai ati kitara mai‑ya ohiyara ona, i‑di Mose ati‑mata‑nima yama nawaha, Deoso ati‑ya mai mi‑mita‑mete mai ati‑nima yama nawaha, tamine okamina oteni.

Yeso‑ka yo‑yose mai tamine 16:31

“Ai‑ka Hidi Yeso Kirisito ati tinofiya, tiwa manakone aba, tika mai manakone aba, Deoso tabaro‑ya dai winaboneni.” Mai ati nineni.

Roka 23:8

Yeso‑ya mai towakama, Yeso‑ya i‑di Erodi awe, ya‑yainane. Hibati‑ya Yeso tamine‑ya Erodi mite, atibodi yama‑ya kadike, “Yeso oawiya, Yeso ene kitemona mai ati na, ene oaweba awane.” Atibodi ati nematane.

Roka 19:3

Yeso‑ya awebona tokome, wai da‑daone, noko mai dama mai barihikanematane.

Maroko 6:20

I‑di Erodi habo siitone, “Yowaho Batita ene amose, Deoso‑ya na‑narifa amane.” I‑di Erodi atibodi ati ne, fai‑ya nayofine, fai‑ya kasomematane. I‑di Yowaho ati miti‑ya i‑di Erodi nofe, fai ati‑ya tokadabare, ati hiwatoremarine.

Yeso‑ka yo‑yose mai tamine 24:25

“Yeso ati ai nofiya, ai ene amosa, Yeso ati‑nima ai naboneni. Makobote ai ene‑ya Deoso kadikebonane.” Baoro ati ne. Ati ene Feri habo siitone, “Tikamahi. Tiwati omitamatasaba awineni.” Feri ati nane.