Yeso‑ka yo‑yose mai tamine 24:16 - Deoso-ka Yama Hani

¹⁶ Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.

Yeso‑ka yo‑yose mai tamine 24:16 ပူးပေါင်းရင်းမြစ်များ

Yeso‑ka yo‑yose mai tamine 23:1

Yodeo mai‑ka hidi mai‑ya Baoro kakatome, ati yanane, “Ayo, Soho, owati dai mitahi. Owa‑ya Deoso kakoterebonane, owa ene amosateni.” Baoro ati nemarine.

Homa 2:15

Hibati‑ya mai atibodi‑ya Deoso hini ati‑ya kanahanomatane, ati mai hikadabebonaha. Mai atibodi ati‑ya mai tokadabiya, mai ya‑yainaboneni. Mai atibodi ati‑ya mai tokadabariya, mai atibodi hini mai‑ya weenaboneni.

Homa 9:1

Kirisito‑ka ama·oni. Oka mai one Isara·eo‑ka nodi mai toha, Kirisito ati‑ya mai dami nofara, mai ihi owatibodi komene kita, keyehe‑ya hiri·orani. Owatibodi komene fawara‑ya Deoso‑ka Doni watone.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 4:4

Owatibodi owa‑ya ati soma, owa ene amosa awineni. Ai‑ka Hidi i‑di Yeso‑ta owa ene owatibodi ati na‑ya watobise, fara‑ya kadikebonane.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Tesaronika daidi 2:10

Oda ene dai awa, oda ene‑ya i‑di Deoso awa ne, Deoso ene‑nima oda ene namaroni. Yeso ati‑ya dai no‑nofa, dai‑ya oda sawe, oda ene sibaramaroni.

Timoti daidi 1:19

Yeso ati tinofamaro, Yeso ati tinofiyahi. Tiwa ene amosiyahi. Tiwatibodi yati ati‑nima tiniya, tiwatibodi tiwa‑ya weeraboneni. Mai one mai atibodi yati ati‑ya mai tokadabara, mai ihi Deoso ati‑ya mai nofamarani.

Timoti daidi 1:5

Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Timoti daidi 3:9

Hibati‑ya yama‑ya mai watora, Deoso ai‑ya kanawatowahene. Mai atibodi yati ati‑nima mai ihi tohawahineni, mai atibodi mai‑ya weerabonehe.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Tito 1:15

Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 13:18

Oda tamine dai hiyarahi, Deoso‑ya. Oda atibodi amosa oda watoneni. Oda ene amosabone oda nofateni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Bedoro daidi 2:19

Ai ene amosa, ai‑ya mai weena, ai yawariya, Deoso ya‑yainebonane. Ai ene amosabisa, ai ene towe‑mone mai ati na, ai‑ya mai bisina, Deoso ai‑ya kasomebonane.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.