Yeso‑ka yo‑yose mai tamine 24:14 - Deoso-ka Yama Hani

¹⁴ Nasare‑ka ama·oni mai ati na, fara ama·oni. Deoso‑ka hawi‑ya Nasare‑ka mai sa‑sawi‑nima osawi, Deoso‑ya mai kahiyara‑nima okahiyara, Deoso ati‑ya i‑di Mose kanahanomata, ati‑ya mai mi‑mita‑mete mai kanahano na, ati onofa oteni.

Yeso‑ka yo‑yose mai tamine 24:14 ပူးပေါင်းရင်းမြစ်များ

Mateo 10:32

Mai‑ya dai hiyariya, ‘Yeso‑ka ama·oni.’ Dai ati niya, Okobi ohiyariya, ‘Oka mai amani.’ Onaboneni.

Mateo 22:40

Ati amosabote fama, ati‑ya mai tokadabiya, Mose‑ka yama hani ati nafi‑ya mai tokadaba, Deoso ati‑ya mai mi‑mita‑mete mai‑ka yama hani ati nafi‑ya mai tokadabahari, mai teni.” Yeso ati nemarine.

Mateo 7:12

Hini tiwa‑ya tinofi‑nima mai one‑ya tinofahi. Hini tiwati koboni‑ka mai‑ya tikasomiyahi. Fara haa‑nima dai niya, Mose‑ka yama hani ati dai tokadaba, Deoso ati‑ya mai mi‑mita‑mete mai‑ka yama hani ati dai tokadabahari teni.” Yeso ati nemarine.

Roka 1:70

Fara Deoso ati‑ya mai mi‑mita‑mete mai ati‑mete‑nima yama naboneni.

Roka 16:16

Yowaho Batita koboni awisareya, i‑di Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, yama hani ati‑ya mai mitameteni. Yowaho koboneya, Deoso ai nafi‑ka hidi kitabote tohawahebona kobone tamine‑ya mai mitawahani. ‘Oda kita, hini oda ene Deoso ai nafi‑ka hidi kitabote tohawahebona‑ya oda saweboneni.’ Mai ati nani.

Roka 16:29

‘I‑di Rasaro tokarebonane. Mose‑ka yama hani‑ya mai kiha, Deoso ati‑ya mai mi‑mita‑mete mai‑ka yama hani‑ya mai kiha na, yama hani ati‑ya mai tokadabiya, tiwa‑kaya mai tokomakiteraboneni.’ Abaraho ati nane.

Roka 24:27

Mose‑ka yama hani ati‑ya Yeso mai‑ya kanawato, Deoso ati‑ya mai mi‑mita‑mete mai‑ka yama hani ati‑ya mai‑ya kanawatomaki, Deoso‑ka yama hani nafi‑ya hini tamine‑ya kanawato nematane.

Roka 24:44

“Hibati‑ya dai‑ya osawe, dai‑ya ohiyara, ‘Owa tamine‑ya Mose kanahano, owa tamine‑ya Deoso ati‑ya mai mi‑mita‑mete mai kanahano, Deoso‑ka wayoma hani‑ya owa tamine‑ya mai one kanahano nameteni. Mai ati‑nima yama naboneni.’ Onamaroni. Fara yama hani mai hikanahanamete ati‑nima yama nineni.” Yeso ati nematane.

Yowaho 1:45

I‑di Natanaeo‑ya Firibi toke, fai‑ya hiyare, “Natanaeo, owati timitahi. Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, ai owa kobonebona yama hani ati na, fare Yeso Nasare‑ke amane. I‑di Yose bidi amane. Yeso oda kobonawahene.” Firibi ati nemarine.

Yeso‑ka yo‑yose mai tamine 10:43

Hibati‑ya Deoso ati‑ya mai mi‑mita‑mete Yeso tamine‑ya mai kanahanameteni. Ati mai hinofeya, Deoso mai‑ya ati somawamebona mai ati nameteni.” Bedoro ati nemonane.

Yeso‑ka yo‑yose mai tamine 13:15

Mose‑ka yama hani‑ya yobe hidi kadike, Deoso ati‑ya mai mi‑mita‑mete mai‑ka yama hani‑ya kadikamaki ne, yama hani kadiki‑ya hawa tohe, Baoro mai‑ya haane, “Ayo, mai dai ati hiyariya, mai dai hiyarahi. Dai ati ene mai ya‑yainaboneni.” Yobe hidi ati ne.

Yeso‑ka yo‑yose mai tamine 15:5

Yeso ati‑ya mai no‑nofa, fariseo mai toha, mai one waamisa, “Bara Yeso ati‑ya mai nofabone, Mose ati‑nima mai nahi. Mai sowiri tati atori abahi.” Mai ati namoneni.

Yeso‑ka yo‑yose mai tamine 19:23

I‑di Baoro Efesiyo‑ya winasa neya, Yeso hawine tamine‑ya yara mai dama mai ibi weenamoneni.

Yeso‑ka yo‑yose mai tamine 19:9

Mai one Yeso ati‑ya mai nofara, mai ime kita, Yeso‑ka hawi‑ya mai sa‑sawi mai‑ya mai kaka, mai ati dama, mai‑ya Baoro dabamare, Yeso ati‑ya mai no‑nofa Baoro eyehe mai toka, Tirano‑ka tabaro‑ya mai toka, mahi‑nima Baoro mai‑ya hiyarane.

Yeso‑ka yo‑yose mai tamine 22:14

Owa‑ya hiyaramaki, ‘Deoso ai‑ka idi mai‑ya no‑nofa‑mata tiwa‑ya kadike, Deoso‑ka Ka‑kadika amosabote‑ya tiawawaha, ati timitawahene.

Yeso‑ka yo‑yose mai tamine 24:22

Baoro ati fawaneya, Deoso hawine tamine‑ya Feri watowahe, mai‑ya hiyarawahe, “Hibareya, sodado mai‑ka hidi webote i‑di Risiyasi kame, ati omitamataseya, owatowahebonane.” Feri ati nane.

Yeso‑ka yo‑yose mai tamine 24:5

Baoro ati kasiro, ati ene Yodeo mai dama mai yorotokana, mai yawi kitineni. Nasare‑ka mai‑ka hidi Baoro amane.

Yeso‑ka yo‑yose mai tamine 25:8

Baoro ati yanane, “Owa ene amosa, Mose ati‑nima oteni. Deoso‑ka yobe bisa·oniterani. Ai nafi‑ka hidi i‑di Sesa tamine‑ya keyehe‑ya hiri·oterani. Owa ene amosabisineni.” Baoro ati nane.

Yeso‑ka yo‑yose mai tamine 26:22

Deoso owa‑ya kasomanadi ene hasi·ona, hidi mai toha, mai ati kita mai‑ya ohiyara, hidi mai tohara, mai ati kitara mai‑ya ohiyara ona, i‑di Mose ati‑mata‑nima yama nawaha, Deoso ati‑ya mai mi‑mita‑mete mai ati‑nima yama nawaha, tamine okamina oteni.

Yeso‑ka yo‑yose mai tamine 26:27

Hidi Akiriba, Deoso ati‑ya mai mi‑mita‑mete mai ati tinofiraniha? Mai ati tinofamone owatibodi ati neni.” Baoro ati nane.

Yeso‑ka yo‑yose mai tamine 26:4

Hibati‑ya yetene ohiya, Yerosare‑ya mai‑ya odaba, owa ene‑ya Yodeo mai watoneni.

Yeso‑ka yo‑yose mai tamine 26:6

Hibati‑ya oda‑ka idi mai‑ya i‑di Deoso hiyaremata, Deoso ati onofe ene owa‑ya mai ati nanahabi kofinineni.

Yeso‑ka yo‑yose mai tamine 28:22

Tiwati oda mitawahaboneni. Yeso ati‑ya dai no‑nofa, towe dai‑mone mai ati teni. Oda dami tiwati‑ya oda mitawahaboneni, yama oda watowahabonehe.” Mai ati namaroni.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Yeso‑ka yo‑yose mai tamine 5:30

Awa‑ya Yeso dai baakane, abe, ai‑ka idi mai‑ka Deoso hinakitamemarine.

Yeso‑ka yo‑yose mai tamine 7:32

‘Tika idi i‑di Abaraho, i‑di Isaki, i‑di Yako, mai na, mai‑ka Deoso ama·oni.’ Ati ne. Ati‑ya Mose mite, habo siitone, wawawakane, awa hirina‑kaya kiinawamarematane.

Yeso‑ka yo‑yose mai tamine 9:2

“Damaso‑ya Deoso‑ya mai hi‑hiyara‑ke yobe hidi mai‑ka yama hani‑ba owa‑ya daatinahi. ‘Yeso hawine‑ya mai ya‑yaka mai dai daanahi i‑di Saoro‑ya.’ Tika yama hani ati nahi. Damaso‑ya owakamiya, mai hikadikiya, Yeso hawine‑ya mai ya‑yaka mai makidi mai fanawi toha na, mai wara·oniya, mai soki·oniya, Yerosare‑kaya mai owakamabani.” Saoro ati nemonane.

Homa 1:9

Deoso ati onofi nafe, Yeso Ati Amosabote okamina, dai tamine ohiyara oteni, Deoso‑ya. Dai tamine ohiyaranade‑ya Deoso watone.

Homa 3:21

Hibayata Deoso ai‑ya ati somawamebona tamine‑ya ai watowaha, Deoso hini tabaro hawine‑ya ai‑ya yofikawawahe, ai ene toharihi, Mose ati ene toharihi nane. Hibati‑ya Deoso hawine‑ya Kirisito wamanebona tamine‑ya i‑di Mose kanahano, Deoso ati‑ya mai mi‑mita‑mete tamine mai hikanahanohari hinematane.

Korito daidi 11:19

Dai yorotokana, dai one tamine‑ya dai hiyara, “Yama‑ya mai wato awirini. Deoso oda‑ya kanawato, yama oda watobisineni.” Dai ati na, Mai one ati‑ya mai nofarabone, dai ati‑ta‑ya mai nofabone dai atibodi nofateni.

Karatiya 5:20

Mai‑ka deoso bare‑ya mai kahiyara, madi mai‑ya mai hiyara, mai ibi wee, mai ati yawa, mai ibi kaka, mai yorotokaterani. Hini mai‑ya mai nofabisineni.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Tito 3:10

Mai ihi amosara, mai ati ihi mai ibi nofara, mai‑ya weetinahi. Mai‑ya tihiyari famiya, tiwati‑ya mai nofariya, mai‑ya didabamariyahi.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Yeso Kirisito ene‑bona 19:10

Teme yowi‑ya owa bako‑kaya ohoma, okahiyarebona, “Araba! Owa tikahiyarariyahi! Yeso tamine dai ka‑kamina dai‑nima ona ama·oni. Yeso ati dai to‑tokadaba dai toha, yama yananabone tamine oda ka‑kamina oda toha, ai na, Deoso‑ya ai na‑narifa ai amani. Ai‑ka hidi oharine, Deoso tikahiyarabisahi.” Deoso‑ka yo‑yose ati namatasene.