Yeso‑ka yo‑yose mai tamine 23:9 - Deoso-ka Yama Hani

⁹ Mai ibi hiyara, “Ati sibare, Deoso‑ka yo‑yose ati‑ya mitate awane. Ai weerayaho. Deoso ai‑ya bisirayaho.” Fariseo mai one Mose‑ka yama hani ati‑ya mai ka‑kamina mai ati namaroni.

Yeso‑ka yo‑yose mai tamine 23:9 ပူးပေါင်းရင်းမြစ်များ

Maroko 2:16

Mose‑ka yama hani ati‑ya mai ka‑kamina mai one fariseo mai toha, Yeso marine‑ya mai awa, Yeso‑ya mai da‑daba mai‑ya mai hiyaramaroni. “Hini yamata‑bone towe mai eyehe Yeso tafati? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Mai ati namaroni.

Roka 23:22

“Hini yamata ihi baa·okabati? Yeso ati omite, Yeso ati sibarene. Yeso ene towe wadare, abarayaho. Owati ihi Yeso‑ya mai bisiniya, mai seekanebonane.” Birato ati nematane.

Roka 23:4

Deoso‑ka yama‑bone‑ya mai da‑daa mai‑ka hidi mai toha, mai dama mai toha, mai na, mai‑ya Birato hiyare, “Yeso ene towe tohi awirene.” Ati nematane,

Roka 5:30

Fariseo mai one Mose‑ka yama hani ati‑ya mai ka‑kamina mai toha Yeso‑ya mai da‑daba mai‑ya mai weena, “Hini yamata‑bone towe mai eyehe dai tafiti? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Mai ati nameteni.

Yowaho 12:29

Mai dama mai naha, neme‑ya ati mai himite, “Bahi ati amanakani.” Mai one ati nihi, “Deoso‑ka yo‑yose Yeso‑ya hiyare awane.” Mai one ati nihi namaroni.

Yeso‑ka yo‑yose mai tamine 11:17

Ai‑ka Ayo Yeso Kirisito ati ai nofawahamaro, Deoso‑ka Doni ai‑ya sawi, fare mai‑ya sawiwahene. Deoso mai‑ya ati sawine, hini yama‑nima obati?” Bedoro ati ne.

Yeso‑ka yo‑yose mai tamine 22:6

Damaso‑ya oka, owa koboni yanatoniya, mahi nokorise‑ya neme‑ya yama wahi kita owa‑ya kobonamaroni.

Yeso‑ka yo‑yose mai tamine 22:7

Yama wahi ihi osa, ati omite, ‘Saoro, Saoro, hini yamata ihi owa‑ya bisitiniti?’ Ati nemarine.

Yeso‑ka yo‑yose mai tamine 23:29

‘Mose ati‑ya Baoro nofarene.’ Mai ati na, ‘Haa‑nima ne, towe tohi awire, sibarane. Haa‑nima ne, ai sokirihi, ai nanahabarihi tene.’ Owatibodi ati nani.

Yeso‑ka yo‑yose mai tamine 23:8

Sadoseo mai ati, “Ai aba, ai kitamaterani. Ai abi ohariteni. Deoso‑ka yo‑yose mai awirihi, madi mai awirihi teni.” Mai ati teni. Fariseo‑ta mai ati, “Ai aba, ai kitamateni. Deoso‑ka yo‑yose mai toha, madi mai toha, mai teni.” Fariseo mai ati teni.

Yeso‑ka yo‑yose mai tamine 25:25

Ene sibarene, haa‑nima ai ene na, i‑di Sesa nanahabaterene. Sesa Akosito‑ya tokebona ati ne, Homa‑ya oyosebonane.

Yeso‑ka yo‑yose mai tamine 26:31

Yobe kote‑kaya mai toka, mai ibi hiyara, “Ati sibarane. Haa‑nima ai ati na, ai nanahabarihi, ai sokikarihi ai teni.” Mai ati na.

Yeso‑ka yo‑yose mai tamine 27:23

Yama soki‑ya Deoso‑ka yo‑yose owa fowari‑kaya waane, fare Deoso‑ka ama·oni. Deoso okahiyarateni.

Yeso‑ka yo‑yose mai tamine 5:39

Deoso‑ta ene toheya, mai ati fawaraboneni. Deoso‑ya dai weeniya, dai ati kasiraboneni.” Kamari·eo ati ne, ati‑ya mai nofineni.

Yeso‑ka yo‑yose mai tamine 9:4

Yama wahi kita ihi sone, yama wahi‑ya ati kaki, “Saoro, Saoro hini yamata‑ba owa‑ya bisitiniti?” Ati ne,

Korito daidi 10:22

Dai ene Yeso Kirisito yawarayaho. Kitabise, ai kitaterani.