Yeso‑ka yo‑yose mai tamine 23:12 - Deoso-ka Yama Hani

¹² Yama wahabisari‑ya Yodeo mai yorotokana, mai ibi hiyara, “Baoro ai nanahabahi. Baoro ai nanahabi awiriya, ai tafamarihi, faha ai fawamarihi, ai naboneni. Baoro ai nanahabi hawa tohiya, ai tafama, faha ai fawama, ai naboneni.” Mai ati namoneni.

Yeso‑ka yo‑yose mai tamine 23:12 ပူးပေါင်းရင်းမြစ်များ

Mateo 26:4

Yeso‑ya mai kaka, mai awiri‑kaya Yeso‑ya mai wataboneni, Yeso‑ya mai nanahababonehe.

Mateo 26:74

“Keyehe‑ya hiri·oterani. Keyehe‑ya hiri·oniya, Deoso owa‑ya nanahabeba awane. Maki owato awirini.” Bedoro ati nematane. Bedoro ati fawaneya, arakawa maki haanawahematane.

Mateo 27:25

“Oda ene amani. Oda ati ene tinahabaho. Yeso abe manakone oda‑ya toha, oda‑ka nodi mai‑ya tohahari nebonane.” Mai ati nameteni.

Yeso‑ka yo‑yose mai tamine 23:13

Haa‑nima 40 mai fiyakana, mai ati nineni.

Yeso‑ka yo‑yose mai tamine 23:14

Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai toha na, mai‑ya mai toka, mai‑ya mai hiyara, “Hini oda‑ya oda ati barina, Baoro oda nananahabi awiriya, oda tafamaraboneni.

Yeso‑ka yo‑yose mai tamine 23:21

Mai ati tinofariyahi. Hawi‑ya 40 mai fiyakana mai kemabone, mai ibi hiyara mai ati nani. Mai tafamarihi, faha‑ya mai fawamarihi ni‑ya, Baoro‑ya mai nabohiya, mai tafama, faha‑ya mai fawama naboneni. Hawi‑ya tiwa‑ya mai kema, tiwa‑ya mai nimanineni.” Baoro‑ka bidimi ati nemonane.

Yeso‑ka yo‑yose mai tamine 23:30

Yodeo hawi‑ya hini mai‑ya mai tamine kemani, Baoro‑ya mai nanahababonehe. Hawi‑ya mai nahamone, mai tamine omita, tiwa‑ya Baoro oyoseni. Makobote fai‑ya mai ka‑kako tiwa‑ya mai oyosebani, mai ati timitabonehe. Feye amani.” Sodado mai‑ka hidi‑ka yama hani ati nineni.

Yeso‑ka yo‑yose mai tamine 25:3

Yerosare‑kaya mai hiwakamaho.” Mai ati na. “Mai hiwakameya, ai kemoya, ai nanahabebane.” Mai atibodi ati na.

Yeso‑ka yo‑yose mai tamine 9:23

Makobote Yodeo mai yorotokana mai ibi hiyara, “Saoro ai nanahabahi.” Mai ati namoneni.

Yeso‑ka yo‑yose mai tamine 9:24

Damaso‑ka tabora barikana‑ka nokobi‑kaya i‑di Saoro‑ya mai nimanineni, mai hinahabebonaha. Mai tamine Saoro mite,

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito yoto‑ke 11:26

Mai tabori dami‑ya oka, Yeso tamine okaminabonehe. Faha kaki nafe, faha kayana fowe nafe ihi owa abi yanatona, yama‑ya mai bo‑boti owa‑ya mai ati nanahaba, oka mai one owa‑ya mai ati nanahaba, Bara owa‑ya mai one ati nanahaba, mai‑ka yobe dame wadi‑kaya owa‑ya mai ati nanahaba, mai‑ka yobe awira‑kaya owa‑ya mai ati nanahaba, faha webote bai‑ya owa‑ya mai ati nanahaba namaroni. Deoso ati‑ya mai nofa‑mone mai ati na, Deoso ati‑ya mai nofara, owa‑ya mai nanahababone mai ati namaroni.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Tesaronika daidi 2:16

Deoso ati‑ya Bara mai miti awiriya, Deoso tabaro‑ya mai winateraboneni. Deoso ati‑ya Bara mai‑ya oda kaminabone, Yodeo mai one oda‑ya mai ati nanahabineni. Mai ati towe ihi mai‑ya mai ati kobonaboneni.