Yeso‑ka yo‑yose mai tamine 23:1 - Deoso-ka Yama Hani

¹ Yodeo mai‑ka hidi mai‑ya Baoro kakatome, ati yanane, “Ayo, Soho, owati dai mitahi. Owa‑ya Deoso kakoterebonane, owa ene amosateni.” Baoro ati nemarine.

Yeso‑ka yo‑yose mai tamine 23:1 ပူးပေါင်းရင်းမြစ်များ

Mateo 5:22

Owati dai mitahi. Mai atibodi ati okadikaboneni. Mai one‑ya mai ka‑kako mai atibodi owataboneni. Mai atibodi amosara wara hirini‑ya mai‑ya onasawiteboneni.

Yeso‑ka yo‑yose mai tamine 22:1

“Oka soho dai toha, okobese dai toha na, dai‑ya owa tamine okaminaboneni.” Baoro ati nane.

Yeso‑ka yo‑yose mai tamine 22:30

“Hini yamata ihi Baoro‑ya mai bisinaba amaniti?” Ati ne. Yama wahi one‑ya Baoro‑ya kakasawame, Yodeo mai‑ka hidi mai toha, Deoso‑ka yama‑bone‑ya mai da‑daa mai‑ka hidi mai toha na, mai‑ya haane, mai kama, mai noki‑ya Baoro‑ya nawaane.

Yeso‑ka yo‑yose mai tamine 22:5

Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha na, mai nafi owa‑ya watoneni. Hibati‑ya yama hani‑ya owa‑ya mai daana, Damaso‑ya yama hani owakama, Damaso‑ya mai wi‑wina, Yeso hawine‑ya mai sa‑sawi Yerosare‑kaya mai owakamiya, Yerosare‑ya mai mai kosihinabone onamaroni.

Yeso‑ka yo‑yose mai tamine 23:15

Sodado mai‑ka hidi dai haaniya, ‘Baoro tiwakamahi, ati oda mitamatasebonaha.’ Dai ati niya, Baoro‑ya kakameya, hawi‑ya oda kemoya, kameya, oda nanahabebane.” Mai ati namoneni.

Yeso‑ka yo‑yose mai tamine 23:20

“Yodeo tiwa‑ya mai haanaboneni. ‘Mahi owa‑ya Baoro tiwakamahi, tamine oda miti ba‑basi nebonaha.’ Mai ati naboneni.

Yeso‑ka yo‑yose mai tamine 23:28

Yodeo mai‑ka hidi mai one‑ya Baoro owakama, mai‑ya ohiyara, ‘Hini yamata ihi Baoro‑ya dai watiti?’ Ona.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 24:16

Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.

Yeso‑ka yo‑yose mai tamine 6:15

Mai‑ka hidi Tefaho‑ya mai kiina, Deoso‑ka yo‑yose noko‑nima Tefaho noko ne‑ya mai nafi awamoneni.

Korito daidi 4:4

Owatibodi owa‑ya ati soma, owa ene amosa awineni. Ai‑ka Hidi i‑di Yeso‑ta owa ene owatibodi ati na‑ya watobise, fara‑ya kadikebonane.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Ebereo 13:18

Oda tamine dai hiyarahi, Deoso‑ya. Oda atibodi amosa oda watoneni. Oda ene amosabone oda nofateni.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.