Yeso‑ka yo‑yose mai tamine 22:5 - Deoso-ka Yama Hani

⁵ Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha na, mai nafi owa‑ya watoneni. Hibati‑ya yama hani‑ya owa‑ya mai daana, Damaso‑ya yama hani owakama, Damaso‑ya mai wi‑wina, Yeso hawine‑ya mai sa‑sawi Yerosare‑kaya mai owakamiya, Yerosare‑ya mai mai kosihinabone onamaroni.

Yeso‑ka yo‑yose mai tamine 22:5 ပူးပေါင်းရင်းမြစ်များ

Roka 22:66

Yama wahabisari‑ya mai‑ka hidi mai dama mai yorotokana, Deoso‑ka yama‑bone‑ya mai da‑daa mai‑ka hidi mai sawi, Mose‑ka yama hani ati‑ya mai ka‑kamina mai sawi na, mai ati ihi Yeso‑ya mai kakamameteni. Makobote hidi owa ati yanane,

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Yeso‑ka yo‑yose mai tamine 2:29

Oka soho dai toha, owati dai mitahi. Dafi hibati‑ya abemata, temene ahiyata‑ya ite, temene‑ya abano itasa nane.

Yeso‑ka yo‑yose mai tamine 22:1

“Oka soho dai toha, okobese dai toha na, dai‑ya owa tamine okaminaboneni.” Baoro ati nane.

Yeso‑ka yo‑yose mai tamine 23:1

Yodeo mai‑ka hidi mai‑ya Baoro kakatome, ati yanane, “Ayo, Soho, owati dai mitahi. Owa‑ya Deoso kakoterebonane, owa ene amosateni.” Baoro ati nemarine.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 26:10

Yerosare‑ya Yeso ati‑ya mai no‑nofa mai bisi·onamaroni. Deoso‑ka yama‑bone‑ya mai da‑daa mai‑ka hidi mai ati ihi Yeso ati‑ya mai no‑nofa kadeya‑ya mai onafoya, makobote mai‑ya mai nanahaba, mai ihi ya‑yai·onamaroni.

Yeso‑ka yo‑yose mai tamine 26:11

Deoso‑ya mai hi‑hiyara‑ke yobe dami‑ya oka, mai bisi·onani, Yeso oni‑ya mai towe tonihebonehe. Owa yawi kita, wami bara‑ya mai siba·onabone, okamaroni.

Yeso‑ka yo‑yose mai tamine 26:12

Fara mai‑ya owatabone, Damaso‑ya okomakineni. Deoso‑ka yama‑bone‑ya mai da‑daa mai‑ka hidi mai‑ka yama hani dama·okanani, mai‑ya owatabonehe.

Yeso‑ka yo‑yose mai tamine 28:17

Homa‑ya amoni fama, amoni oharimaki ne‑ya Yodeo mai‑ka hidi‑ya Baoro haane, mai kamake, mai‑ya hiyare, “Owati dai mitahi. Dai owa ama·oni. Ai‑ka idi mai ati‑ya onofa, ai‑ka mai one okakoterani, mai‑ya wee·orihi oteni. Hiniya owa‑ya mai kako kofina, Yerosare‑ya owa‑ya mai daanineni, homano mai‑ya.

Yeso‑ka yo‑yose mai tamine 28:21

Ati‑ya Yodeo‑ka hidi mai mita, mai ati yanana, “Tiwa tamine‑ya mai kanahanoterani. Yodeya‑ya ai‑ka mai kamake, tiwa tamine towe‑ya mai hiyaraterani.

Yeso‑ka yo‑yose mai tamine 3:17

Soho, yama dai watorihi, dai‑ka hidi mai hiwatorihi hina. Yeso Deoso Bidi toharemona dai atibodi ati na, dai nanahabemarine.

Yeso‑ka yo‑yose mai tamine 4:5

Yama wahi one‑ya mai‑ka hidi mai toha, bote mai toha, Mose‑ka yama hani ati‑ya mai ka‑kamina mai toha, mai na, Yerosare‑ya mai yorotokana,

Yeso‑ka yo‑yose mai tamine 5:21

Deoso‑ka yo‑yose ati‑ya mai mita, Deoso‑ka yobe‑ya mai tokoma, yama wahabisari‑ya mai tokiyoma, mai‑ya mai kanawatoneni. Deoso‑ka yama‑bone‑ya mai da‑daa mai‑ka hidi toha, hidi‑ka mai one toha na, mai yorotokana, Isara·eo‑ka nodi mai‑ka webote mai dami‑ya mai haana, sodado mai‑ya mai yose, “Kadeya‑ya Bedoro mai foya, mai dai towamakihi.” Mai ati namoneni.

Yeso‑ka yo‑yose mai tamine 9:14

Damaso‑ya kamaki, tika yama‑bone‑ya mai da‑daa mai‑ka hidi‑ka yama hani ihi, tiwati‑ya oda no‑nofa oda‑ya wateya, Yerosare‑kaya oda‑ya towakamebonane.” Ananiya ati ne.

Karatiya 1:13

Hibati‑ka owa tamine dai mita awineni. Deoso‑ka mai onofara, Yodeo mai ati‑ya onofa, Yodeo mai ihi‑nima owa ene na, Deoso‑ka mai‑ya okako, mai‑ya wee, mai‑ya bisi onamaroni, Yeso ati‑ya mai nofarabonehe.

Firibo 3:6

Deoso ati okadabamone ona, Yeso ati‑ya mai no‑nofa mai bisi·onamaroni. Deoso ati mai nofaramone ona, mai bisi·onamaroni. Mose ati‑nima ai niya, ai sibarabone mai ati na, Mose ati‑nima onamaroni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.