Yeso‑ka yo‑yose mai tamine 22:3 - Deoso-ka Yama Hani

³ “Yodeo ama·oni. Sirisiya‑ya tabora Taso toha‑ya owa‑ya mai nayanamaroni. Yerosare‑ya i‑di Kamari·eo owa‑ya kanawato, Mose‑ka yama hani nafi‑ya owa‑ya kanawatomarine. Fara dai‑nima ona, Deoso ati onofawahamaroni.

Yeso‑ka yo‑yose mai tamine 22:3 ပူးပေါင်းရင်းမြစ်များ

Roka 10:39

Maata‑ka asima i‑di Mariya Yeso yowi‑ya itaremeteni, Yeso ati‑ya mitabonehe.

Roka 2:46

Mahi 3 kane‑ya Deoso‑ka yobe‑ya mai hiwasiwamematane. Deoso ati‑ya mai ka‑kanawato mai‑ya dabe, mai ati‑ya mite, mai‑ya hiyarematane.

Roka 8:35

Yeso ene‑ya mai awabone mai kamakemeteni. Hibati‑ya maki madi towe mai foyimaro‑ke maki hibayata bora‑ya weyenawahe, hibati‑ya ka‑kana nemari amosawame, itari‑ya mai awa, Yeso‑ya mai nayofinameteni.

Yeso‑ka yo‑yose mai tamine 11:25

Makobote Taso‑ya tokane, i‑di Saoro‑ya dodimakibonaha.

Yeso‑ka yo‑yose mai tamine 15:23

Atioki‑ya mai wi‑wina mai‑ka yama hani‑bone‑ya mai kanahano, “Atioki‑ya dai wi‑wina, Siriya‑ya dai wi‑wina, Sirisiya‑ya dai wi‑wina, dai na, dai‑ka yama hani‑bone‑ya. Yeso‑ka yo‑yose oda toha, oda‑ka bote mai toha na, dai‑ka yama hani‑bone oda kanahanoneni. Hibati‑ya Bara‑ta dai tohamaro, hibayata oda‑ka soho dai tohawahineni.

Yeso‑ka yo‑yose mai tamine 15:41

Siriya‑ya mai towaka, Sirisiya‑kaya mai towakawaha, Kirisito‑ka mai‑ya mai hiyara, mai habi kitawahani.

Yeso‑ka yo‑yose mai tamine 21:20

Baoro ati‑ya mai mita, Deoso‑ya mai kahiyara, Baoro‑ya mai hiyara, “Soho, oda ati timitahi. Yodeo mai dama Yeso ati‑ya mai nofawaha, Mose ati‑ya mai nofahari na, Mose ati‑nima mai teni.

Yeso‑ka yo‑yose mai tamine 21:39

“Yodeo ama·oni. Tabora webote Sirisiya‑ka tabora ba‑basi na oni Taso‑ya owadamaroni. Tiwati sibariya, mai ohiyaraboneni.” Baoro ati nemarine.

Yeso‑ka yo‑yose mai tamine 23:34

Yama hani‑ya kofenado kadike, “Ebeni‑ya tiwa tabaro toha titi?” Kofenado ati ne. “Sirisiya‑ya owa tabaro tohani.” Baoro ati ne.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 26:5

Fariseo mai one ihi‑nima owa ene namaro‑ya mai watoneni. Owa ene‑ya mai awamaro, owa ene tamine‑ya mai hiyari awirani.

Yeso‑ka yo‑yose mai tamine 26:9

Hibati‑ya Yeso Nasare‑ke okako, Yeso‑ya mai no‑nofa mai okakoharemaroni.

Yeso‑ka yo‑yose mai tamine 5:34

Mai‑ka hidi owa, i‑di Kamari·eo waamisane, mai‑ya hiyarebonaha. I‑di Kamari·eo fariseo tohe, Mose‑ka yama hani ati‑ya ka‑kanawato tohahari, ati‑ya mai dami nofateni. “Ahi‑kaya mai tokahi, oda ati‑ya mai mitarabonehe. Mai naho bide tohiya, mai kamaboneni.

Yeso‑ka yo‑yose mai tamine 6:9

Sireni‑ka mai toha, Aresadiriya‑ka mai toha, Sirisiya‑ka mai toha, Asiya‑ka mai toha, mai na, hibati‑ya mai yaditonamaro mai seekawaha, Yerosare‑ya mai winawaha, Deoso‑ya mai hi‑hiyara‑ke yobe‑ya mai yorotokana, Tefaho ati‑ya mai mita, mai ati yawa, Tefaho‑ya mai weenawahani.

Yeso‑ka yo‑yose mai tamine 9:1

I‑di Saoro, Yeso ati‑ya mai no‑nofa, mai‑ya ati nanahabe, Deoso‑ka yama‑bone‑ya mai da‑daa mai‑ka hidi‑ya toke,

Yeso‑ka yo‑yose mai tamine 9:11

“Hawi oni Hetekana toha‑ya Yoda‑ka yobe waari‑ya i‑di Saoro Taso‑ke wine, haatiyahi. Hibayata Deoso‑ya Saoro hiyarane.

Yeso‑ka yo‑yose mai tamine 9:30

Mai tamine‑ya Yeso ati‑ya mai no‑nofa mai mita, Sesareya‑kaya mai hiwakame, hini tabaro‑ya tokomebona mai hiyose, “Taso‑ya tikamahi.” Mai ati namoneni.

Homa 11:1

Isara·eo‑ka mai dami‑ya Deoso nofami awire‑mona dai ati na awineni. Isara·eo‑ka mai‑ya Deoso kanakiterene. Isara·eo‑ka owa ama·oni. Abaraho‑ka nodi, i‑di Besami tohe, i‑di Besami‑ka nodi ama·oni.

Korito yoto‑ke 11:22

Ebereo mai toha, fara ebereo ama·oni. Isara·eo‑ka nodi mai toha, fara Isara·eo‑ka nodi ama·oni. Abaraho‑ka nodi mai toha, fara Abaraho‑ka nodi ama·oni.

Karatiya 1:14

Yodeo mai one, oda‑ka idi mai ati‑ya mai nofi bi‑bidi namaroni. Owa‑ta oda‑ka idi mai ati onofi nafe. Oda‑ka idi mai ati okadabamaroni.

Karatiya 1:21

Bedoro‑ka yobe‑ya owina, makobote Siriya‑kaya okomake, makobote Sirisiya‑kaya okomaki onamaroni.