Yeso‑ka yo‑yose mai tamine 22:16 - Deoso-ka Yama Hani

¹⁶ Hibayata tiwa‑ya mai habanirisahi. Tiwa ene‑maro‑nima tiwa ene namarabone, ai‑ka Ayo haatiniya, Deoso tiwa‑ya ati somawamebonane.’ Ananiya ati nemarine.

Yeso‑ka yo‑yose mai tamine 22:16 ပူးပေါင်းရင်းမြစ်များ

Yowaho 13:8

“Owa teme sokotiraboneni.” Bedoro ati ne, “Tiwa teme soko·oriya, oka tiharaboneni.” Yeso ati nemarine.

Yeso‑ka yo‑yose mai tamine 2:21

Owati‑ya mai nofa, owa‑ya mai haana, owa ene mai abateraboneni.’ Deoso ati ne, Ati‑ya i‑di Yoweo kanahanomatane.” Bedoro ati nemonane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 7:59

Tefaho yati‑ya mai hibaane, hiyare, “Ayo Yeso, tiwa tabaro‑ya owa korimari tiwakamahi.” Ati nane.

Yeso‑ka yo‑yose mai tamine 9:14

Damaso‑ya kamaki, tika yama‑bone‑ya mai da‑daa mai‑ka hidi‑ka yama hani ihi, tiwati‑ya oda no‑nofa oda‑ya wateya, Yerosare‑kaya oda‑ya towakamebonane.” Ananiya ati ne.

Yeso‑ka yo‑yose mai tamine 9:18

Saoro‑ya Ananiya yehe fori, aba ataro‑nima yama na, fai noko‑ka sona, ihi noko amosawame, Saoro waamise, i‑di Ananiya habahinirisawahane.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Karatiya 3:27

Yeso Kirisito ati dai nofa Yeso‑ka dai amani. Deoso‑ka Doni dai‑ya sawiwahane. Dai‑ya mai habanirisa, “Yeso‑ka dai amani.” Mai ati neni. Fara‑nima Deoso‑ka Doni dai‑ya sawi, “Yeso‑ka dai amani.” Ai atibodi‑ya Deoso‑ka Doni ati tene.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.