Yeso‑ka yo‑yose mai tamine 22:1 - Deoso-ka Yama Hani

¹ “Oka soho dai toha, okobese dai toha na, dai‑ya owa tamine okaminaboneni.” Baoro ati nane.

Yeso‑ka yo‑yose mai tamine 22:1 ပူးပေါင်းရင်းမြစ်များ

Roka 12:11

Yama one‑ya dai‑ya mai wataboneni, dai ene‑ya mai kadikabonehe. Deoso‑ya mai hi‑hiyara‑ke yobe hidi‑ya dai‑ya mai towakama, dai‑ka hidi owa‑ya dai‑ya mai towakama na, dai ati‑ya mai mitabone, dai atibodi yama‑ya kadikariyahi.

Roka 21:14

Dai ati mai mitabone dai‑ya mai haana, dai atibodi yama‑ya kadikariyahi.

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Yeso‑ka yo‑yose mai tamine 19:33

I‑di Aresadiri‑ya Yodeo mai waratona mai naha, mai bai‑ya mai hiwakamane, mai‑ya hiyarebonaha. “Dai ati fawanahi.” Aresadiri yehe ati ne. Oda‑ya dai ati weeriyahi ati nebona, mai ati fawara, hiyari awirane.

Yeso‑ka yo‑yose mai tamine 23:1

Yodeo mai‑ka hidi mai‑ya Baoro kakatome, ati yanane, “Ayo, Soho, owati dai mitahi. Owa‑ya Deoso kakoterebonane, owa ene amosateni.” Baoro ati nemarine.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 24:10

Baoro ati‑ya Kofenado mitebona, yehe‑ya Baoro‑ya haane, Feri‑ya Baoro hiyarawahe, “Wana mai ati dami‑ya oda dami‑ka yama‑ya tikadikateni. Owati timitiya, yama tiwatowahaboneni.

Yeso‑ka yo‑yose mai tamine 25:16

Hiniya ai one‑ya ai nanahabaterani. Mai ibi kako kofina, mai ibi hiyara, mai ati‑ya ai mita teni. Mai ati ai mitiya, yama nafi ai watoteni. Homano ai ati teni. Yama nafi‑ya ai wata, mai ihi towe toha, mai aba, mai ihi towe tohara mai abarihi teni.

Yeso‑ka yo‑yose mai tamine 25:8

Baoro ati yanane, “Owa ene amosa, Mose ati‑nima oteni. Deoso‑ka yobe bisa·oniterani. Ai nafi‑ka hidi i‑di Sesa tamine‑ya keyehe‑ya hiri·oterani. Owa ene amosabisineni.” Baoro ati nane.

Yeso‑ka yo‑yose mai tamine 26:24

Ati‑ya Fesito mite, Baoro‑ya haane, “Baoro, ka‑kana amatini. Yama hani nafi tikadika, tiwa tati tohiya awineni.” Fesito ati nane.

Yeso‑ka yo‑yose mai tamine 28:17

Homa‑ya amoni fama, amoni oharimaki ne‑ya Yodeo mai‑ka hidi‑ya Baoro haane, mai kamake, mai‑ya hiyare, “Owati dai mitahi. Dai owa ama·oni. Ai‑ka idi mai ati‑ya onofa, ai‑ka mai one okakoterani, mai‑ya wee·orihi oteni. Hiniya owa‑ya mai kako kofina, Yerosare‑ya owa‑ya mai daanineni, homano mai‑ya.

Yeso‑ka yo‑yose mai tamine 7:2

Tefaho mai‑ya hiyare, “Okoyo dai toha, okobi dai toha na, owati dai mitahi. Hibati‑ya ai nafi‑ka idi i‑di Abaraho Mesobotamiya‑ya wine, Hara‑ya toki awisareya, Deoso amosabote ati‑ya mitematane.

Homa 2:15

Hibati‑ya mai atibodi‑ya Deoso hini ati‑ya kanahanomatane, ati mai hikadabebonaha. Mai atibodi ati‑ya mai tokadabiya, mai ya‑yainaboneni. Mai atibodi ati‑ya mai tokadabariya, mai atibodi hini mai‑ya weenaboneni.

Korito daidi 9:3

Yeso‑ka yo‑yose oharamone mai ati niya, dai tamine okaminateni.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Korito yoto‑ke 7:11

Oka yama hani dai kadikamaro, Deoso ene dai atibodi komamaro, dai ene dai awahi. Dai ene amosawamabone dai nokotoniwaha, dai owa ene‑nima dai ene ra oda watabone dai nofamone, dai owa‑ya dai yawa, dai owa ene‑nima dai one ene namakitasaba awineni dai ati na, dai habo siitona, dai owa ene amosare manakone hikayahabone dai atibodi ati nawaha, dai owa ene‑nima dai ene ra dai oda awawahani.

Firibo 1:17

Owa‑ya mai nofara, owa ene‑ya mai ihi fiyakanabone mai atibodi ati na, Kirisito ati‑ya mai kamina, “Kirisito ati oda kamina, kadeya‑ya Baoro wai, oda tamine‑ya miteya, yawabake amane.” Mai ati neni.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Timoti yoto‑ke 4:16

Hibati‑ya ai‑ka hidi i‑di Sesa owa ene‑ya kadike, owa‑ya mai sawiramaro, mai nafi kanana, mai tamine ohiyarateni, Deoso mai bisihirabonehe.

Bedoro daidi 3:15

“Yeso Kirisito oka Hidi amosabote amane.” Dai atibodi ati nahi. “Hini yamata ihi Yeso koboni dai nimaniti?” Mai ati na, mai dai hiyariya, yama‑ya mai watowahaboneni.