Yeso‑ka yo‑yose mai tamine 21:3 - Deoso-ka Yama Hani

³ Sibe yakari‑ya oda kobokana, oda‑ka sayo‑kaya Sibe itaya, oda fiyakana, Siriya‑ya oda towakabone, Siriya‑ka tabora oni Tiro toha, Tiro‑ya oda kobokana, maboro‑ka yama‑ya mai daanabone, yama‑ya mai yama tokamorosa oda tokomorosamake,

Yeso‑ka yo‑yose mai tamine 21:3 ပူးပေါင်းရင်းမြစ်များ

Mateo 11:21

“Ka! Korasi‑ya dai wi‑wina, Besaida‑ya dai wi‑wina, dai na, dai ene manakone wadani. Owa ene kitabote‑ya dai awamaro, owati‑ya dai nofaramaroni. Tiro‑ya mai wi‑wina‑mete, Sidoho‑ya mai wi‑wina‑mete, mai na, Deoso ati‑ya mai tokadabara, tabora fami‑ya Deoso nanahabematamonane. Owa ene kitabote‑ya mai awi bahamete‑mani, mai atibodi amosawama nemeteni.

Mateo 4:24

Karireya‑kaya Yeso mai‑ya nakitame tamine‑ya mai mitameteni, Siriya‑ka tabora dama‑kaya. Madi towe mai foyi‑ka mai toha, mai ka‑kana na mai toha, mai yakara mai toha na, fara mai mai hiwakama, mai nafi‑ya Yeso nakitamematane.

Roka 10:13

Ka! Korasi‑ya dai wi‑wina, Besaida‑ya dai wi‑wina, dai na, dai ene manakone wadani. Owa ene kitabote‑ya dai awamaro, owati‑ya dai nofaramaroni. Tiro‑ya mai wi‑wina‑mete, Sidoho‑ya mai wi‑wina‑mete, mai na, Deoso ati‑ya mai tokadabara, tabora fami‑ya Deoso nanahabematamonane. Owa ene kitabote‑ya mai awi bahamete‑mani, mai atibodi amosawama nemeteni.

Yeso‑ka yo‑yose mai tamine 11:19

Hibati‑ya Tefaho‑ya mai nanahabiya, Yeso ati‑ya mai no‑nofa tabora dami‑ya mai toka, Fenisiya‑ya mai one toka, Sibe‑ya mai one toka, Atioki‑ya mai one toka na, Yodeo mai‑ya Yeso tamine‑ya mai hiyara, Bara mai‑ya mai hiyari awira,

Yeso‑ka yo‑yose mai tamine 12:20

Tiro‑ya mai wi‑wina Sidoho‑ya mai wi‑wina mai na, i‑di Erodi mai‑ya ati yawe, Erodi ati tamine‑ya mai mita, Sesareya‑ya mai tokineni, Erodi‑ya mai hiyarabonehe. Erodi‑ka yo‑yose i‑di Rasito mai‑ya nofe‑ya mai hiyara, “Rasito, tiwati ihi oda‑ya i‑di Erodi ati somawamaho. Oda‑ya ati somawami awireya, oda‑ka yamata‑ba‑ya daareba awane.” Mai ati namoneni.

Yeso‑ka yo‑yose mai tamine 13:4

Deoso‑ka Doni ati ene Serosiya‑ya mai toka, Serosiya‑ya maboro‑ya mai foya, faha teberi‑ya mai towaka, faha teberi oni Sibe tohateni.

Yeso‑ka yo‑yose mai tamine 15:23

Atioki‑ya mai wi‑wina mai‑ka yama hani‑bone‑ya mai kanahano, “Atioki‑ya dai wi‑wina, Siriya‑ya dai wi‑wina, Sirisiya‑ya dai wi‑wina, dai na, dai‑ka yama hani‑bone‑ya. Yeso‑ka yo‑yose oda toha, oda‑ka bote mai toha na, dai‑ka yama hani‑bone oda kanahanoneni. Hibati‑ya Bara‑ta dai tohamaro, hibayata oda‑ka soho dai tohawahineni.

Yeso‑ka yo‑yose mai tamine 15:39

Yowaho Maroko ene mai ibi weena, mai famamara, i‑di Banabe i‑di Maroko‑ya fame, Sibe‑ya mai towakamoneni.

Yeso‑ka yo‑yose mai tamine 15:41

Siriya‑ya mai towaka, Sirisiya‑kaya mai towakawaha, Kirisito‑ka mai‑ya mai hiyara, mai habi kitawahani.

Yeso‑ka yo‑yose mai tamine 18:18

Korito‑ya Baoro wine, amoni ba‑basi namakiya, Senekereya‑ya tokawahane. Senekereya‑ya wine‑ya tati kone nafi‑ya nanahabe, Deoso hikasome ene Baoro ya‑yai, tati kone‑ya nanahabane, Deoso‑ya kahiyarebonaha. Hawa toheya, i‑di Baoro, i‑di Birisira, i‑di Akira mai na, maboro‑ya mai foya, Siriya‑ya mai tokaboneni.

Yeso‑ka yo‑yose mai tamine 21:16

Sesareya‑ka mai one oda‑ya daba, Yerosare‑ya oda toka, i‑di Manaso‑ka yobe‑ya oda‑ya mai towakamamaroni, oda winabonehe. Hibati‑ya Sibe‑ya i‑di Manaso winemari, Yerosare‑ya winawahe, hika yobe‑ya oda winawahamaroni. Yeso ati‑ya i‑di Manaso nofane.

Yeso‑ka yo‑yose mai tamine 21:2

Batara‑ya maboro owa‑ya oda foya, Fenisiya‑ya maboro tokebona, oda foyawaha, oda towaka,

Yeso‑ka yo‑yose mai tamine 21:7

Maboro‑ya oda towaka, Toremaida‑ya oda kobokana, Yeso‑ka mai one‑ya oda hiyara, mai tabori‑ya oda amoni ohareni.

Yeso‑ka yo‑yose mai tamine 27:4

Maboro‑ya oda foyama, oda towaka, Sibe yakari‑ya oda towaka, yama hakikini ihi oda towaki amosarani.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.