Yeso‑ka yo‑yose mai tamine 20:32 - Deoso-ka Yama Hani

³² Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 20:32 ပူးပေါင်းရင်းမြစ်များ

Maroko 10:17

Tabora one‑kaya mai tokabone, mai yananiya, maki kanani kamaki, Yeso yowi‑ya yobati‑kaya wai, ati yanane, “Ayo, amosabote amatini. Hini yamata‑nima obati, ai abaterabone‑kaya osawebonehe?” Maki ati nemarine.

Yowaho 15:3

Ofa ini kote‑ya Deoso tiinakose‑nima dai na, owati dai mita, dai ene amosawahineni.

Yowaho 17:17

Abi, mai tikayawahi, tiwati yokana‑ya mai nofabonehe.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 14:23

Sidadi‑nima Kirisito‑ka mai toha, mai‑ka webote mai‑bone mai‑ya Baoro mai kadika, mai eyehe Deoso‑ya mai hiyara, mahi owa‑ya Baoro mai tokabone, mai tafarani, Deoso‑ya mai kahiyarabonehe. Mai‑ya Baoro mai hiyara, “Yeso ati dai no‑nofa Deoso dai‑ya kasomayaho.” Mai ati namoneni.

Yeso‑ka yo‑yose mai tamine 14:26

Atariya‑ya maboro‑ya mai foya, tabora webote Siriya‑ka tabora bide oni Atioki‑ya mai towakamaboneni. Hibati‑ya Atioki‑ya mai mai hiyose, Deoso tamine‑ya mai hiyarabone mai towakamete mai hiyari hawa toha, mai winitokanamamoneni.

Yeso‑ka yo‑yose mai tamine 14:3

Ikoniyo‑ya mai wina mai amoni dami‑ya, Yeso tamine‑ya mai hiyara, Deoso mai‑ya kasome, Baoro mai ihi kita‑ya mai awa, mai‑ya mai nakitamineni. Deoso ene tohe‑ya mai watowahamoneni.

Yeso‑ka yo‑yose mai tamine 15:40

Baoro i‑di Sira‑ya haanane, mai towakamabonehe. “Deoso dai‑ya sawine.” Kirisito‑ka mai ati namoneni.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Yeso‑ka yo‑yose mai tamine 9:31

Yodeya, Karireya, Samariya na‑ya, mai wi‑wina mai‑ya mai bisinami awira. Yeso ati‑ya mai no‑nofa mai dodamawahani. Deoso‑ka Doni mai‑ya kasome, Deoso ati‑ya mai tokadabamoneni.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 6:10

Yama‑ya mai bo‑boti mai toha, hini mai‑ka yama‑mone‑ya mai ibi to‑tokatowe mai toha, kawi‑ya mai no‑nokotoni mai toha, mai one tamine‑mone‑ya keyehe‑ya mai hi‑hiri mai toha, mai na, Deoso tabaro‑ya mai winateraboneni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Korito daidi 6:9

Mai ihi amosara dai‑ya keyehe‑ya mai hirikariyahi. Mai fanawi one‑ya mai aha, mai one‑ka yibote mai‑ya mai aha, maki hini hinama mai ibi aha, mai fanawi hini hinama ibi nokotonihi na, deoso bare‑ya mai kahiyara, Deoso tabaro‑ya mai winateraboneni.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Efesiyo 4:16

Ai abano kobobona, hini ihi‑ya anina, ai abano nafi‑ya kasoma, ai yana, ai hawa toha, ai teni. Fara‑nima Yeso Kirisito‑ka ai toha ai ene‑bone‑ya ai anina, ai nafi‑ya ai nofa, ai nafi‑ya ai kasoma, Yeso ene‑nima ai ene nawaha, ai hawa toha, ai teboneni.

Efesiyo 5:5

Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Koroso 1:12

Deoso‑ka dai toha, Deoso ene Deoso‑ka yama‑ya dai kayafabone, Deoso tabaro‑ya yama wahi nafiteni. “Abi Deoso, amosabote amatini. Tika madehe oda amani. Oda ya‑yainineni.” Dai ati nahi.

Koroso 2:7

Awa habi bodi‑ya toka, sona kanibote terani. Fara‑nima Yeso ati ai tokadaba, Satanasi ati ai nofa kanibote terani. Kirisito ati‑ya dai‑ya mai kanawata, ati dai nofi ba‑basi naho. “Abi Deoso, amosabote amatini. Oda‑ya tikasoma, tiwa ene oda ya‑yaineni.” Dai ati nahi.

Koroso 3:24

Hibayata yama‑ya mai anina, makobote neme‑ya mai koboniya, mai manakone wadaboneni. Yama‑ya mai anina, mai‑ka Hidi, i‑di Yeso Kirisito mai‑ka yama anini‑ya awe, mai‑ka yama anini manakone‑ya daanebonane.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yoda‑ka yama hani 1:20

Owati dai mitahi. Oka dai toha, Yeso Kirisito ati dai nofa, ati dai nofi nafiyaho, Yeso Kirisito‑nima dai nawahabonehe. Deoso‑ka Doni dai‑ya sawi, ati ene Deoso dai hiyarahi.