Yeso‑ka yo‑yose mai tamine 2:46 - Deoso-ka Yama Hani

⁴⁶ Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 2:46 ပူးပေါင်းရင်းမြစ်များ

Mateo 6:22

Ai nokobodi ene yama ai awateni. Dai nokobodi amosa, yama nafi‑ya dai awateni.

Roka 11:41

Dai atibodi amosawamahi. Dai atibodi ati ene mai‑ka yama kaba‑ba dai daaniya, yama sibareni. Dai‑ka yama wiye nafi amosa‑nima dai teboneni.” Yeso ati nematane.

Roka 24:30

Mai tafabone, mesa‑ya mai nahorisa, baho‑ya Yeso damakane, Deoso‑ya hiyare, baho‑ya ebekane, mai‑ya baho‑ya daanematane.

Roka 24:53

Deoso‑ka yobe‑ya Deoso‑ya mai kahiyaranademeteni. Feye amani.

Yeso‑ka yo‑yose mai tamine 16:34

I‑di Baoro, i‑di Sira mai fama mai‑ya towakame, hika yobe‑ya mai‑ya natafane. Kadeya hidi, hika mai eyehe Deoso ati‑ya mai nofa, mai ya‑yainineni.

Yeso‑ka yo‑yose mai tamine 2:42

Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Yeso‑ka yo‑yose mai tamine 20:7

Domiko yama soki bide‑ya oda tafabone, oda yorotokana, oda tafi hawa toha, oda‑ya Baoro hiyarane. Mahi owa‑ya oda tokabone, oda‑ya hiyarama, oda‑ya hiyarama, yama soki bai‑ya oda‑ya hiyaramatasa nane.

Yeso‑ka yo‑yose mai tamine 3:1

Mahi towitawiti‑ya i‑di Bedoro, i‑di Yowaho mai fama, Deoso‑ka yobe‑ya Deoso‑ya mai hiyarabone, mai towakamineni.

Yeso‑ka yo‑yose mai tamine 5:21

Deoso‑ka yo‑yose ati‑ya mai mita, Deoso‑ka yobe‑ya mai tokoma, yama wahabisari‑ya mai tokiyoma, mai‑ya mai kanawatoneni. Deoso‑ka yama‑bone‑ya mai da‑daa mai‑ka hidi toha, hidi‑ka mai one toha na, mai yorotokana, Isara·eo‑ka nodi mai‑ka webote mai dami‑ya mai haana, sodado mai‑ya mai yose, “Kadeya‑ya Bedoro mai foya, mai dai towamakihi.” Mai ati namoneni.

Yeso‑ka yo‑yose mai tamine 5:42

Mai ati fawara, mahi‑nima Deoso‑ka yobe‑ya Yeso tamine‑ya mai one‑ya mai kanawato, yobe owa‑ya mai toka, Yeso Kirisito tamine‑ya mai kamina namoneni.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Korito daidi 10:16

Ai yorotokana, awa bono fahi ai fawa, baho ai ebekana, ai na, Yeso abe tamine ai hiyarateni. Awa bono fahi ai fawabone, Deoso‑ya ai hiyara, ai ene Yeso emene tokafodo tamine‑ya ai atibodi kadika, baho‑ya ai ebekanabone, Deoso‑ya ai hiyara, Yeso ai manakone‑ya nanahabemata tamine‑ya ai atibodi kadika teni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Efesiyo 6:5

Dai‑ya mai kanikamaro, owati dai mitahi. Dai‑ka hidi mai ati dai tokadabahi. Mai‑ya dai ya‑yainihebone, yama anini dai kitahi. Yama dai aniniya, dai atibodi yawariyahi. Yeso Kirisito ati‑ya dai tokadabi‑nima dai‑ya mai kanikamaro, mai ati dai tokadabahari nahi.

Koroso 3:22

Mai mai hikanikamaro, mai‑ka hidi ati‑ya mai nofiyahi. Ati mai hikadaba hiyaho. Mai‑ka hidi noko‑ya yama mai ani, mai‑ka hidi noko beheri‑kaya yama‑ya mai ani nahi. Yeso ati‑ya mai no‑nofa mai‑ka hidi ati‑ya mai tokadabiyahi, Yeso ya‑yainebonaha.