Yeso‑ka yo‑yose mai tamine 2:42 - Deoso-ka Yama Hani

⁴² Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Yeso‑ka yo‑yose mai tamine 2:42 ပူးပေါင်းရင်းမြစ်များ

Roka 24:30

Mai tafabone, mesa‑ya mai nahorisa, baho‑ya Yeso damakane, Deoso‑ya hiyare, baho‑ya ebekane, mai‑ya baho‑ya daanematane.

Roka 24:35

Emaosi‑ya mai towaka, hawi‑ya Yeso mai‑ya hiyare tamine mai hikamina, “Baho‑ya Yeso kebiya, Yeso oda watowamani.” Mai ati nameteni.

Yeso‑ka yo‑yose mai tamine 1:14

Yeso‑ka yo‑yose mai toha, Yeso madi i‑di Mariya toha, Yeso sori mai toha, mai fanawi one toha na, mai yorotokana, Deoso‑ya mai hiyaranademoneni.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 20:11

Baoro tokomisamatase, oda eyehe tafamatase, oda‑ya hiyaramatase, yama wahi‑ya ati fawane tokawahane.

Yeso‑ka yo‑yose mai tamine 20:7

Domiko yama soki bide‑ya oda tafabone, oda yorotokana, oda tafi hawa toha, oda‑ya Baoro hiyarane. Mahi owa‑ya oda tokabone, oda‑ya hiyarama, oda‑ya hiyarama, yama soki bai‑ya oda‑ya hiyaramatasa nane.

Yeso‑ka yo‑yose mai tamine 4:23

Mai mai seehikana mai‑ka no‑nofa mai‑ya mai towakama, Deoso‑ka yama‑bone‑ya mai da‑daa mai‑ka hidi, mai‑ka bote mai toha na, mai ati‑ya Bedoro mai kaminamaroni.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 6:4

Deoso‑ya oda hiyara, Yeso tamine oda kamina, oda naboneni.” Yeso‑ka yo‑yose mai ati namoneni.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Korito daidi 10:21

Yeso emene‑nima awa bono fahi na‑ya dai fawa, Yeso abano‑nima baho na dai kaba na, makobote madi mai dai kahiyarariyahi. Madi mai‑ya dai kahiyara, Deoso‑ya dai kahiyaraterani.

Korito daidi 11:2

Owa ene‑maro dai wato, dai okanawata owati‑nima dai ene namaro, dai ene ya‑yai·oneni.

Korito daidi 14:6

Dai tabaro‑ya okiya, mai one ati‑ya dai‑ya ohiyariya, owati‑ya dai watoriya, dai‑ya okasomaraboneni. Dai tabaro‑ya okiya, yama‑ya Deoso owa‑ya kanawato, dai ati‑ya dai okanawatomakiya, dai‑ya okasomabisaboneni.

Karatiya 1:6

Hibati‑ya Kirisito ene Deoso dai‑ya haane, Ati Amosabote dai nofemari, ati dai nofami awire, mai one ati‑ta dai nofawahamoneni. Ka! Hini yamata‑bone mai ati dai nofawahiti? Mai ati amosabisa‑mone dai ati na awineni.

Efesiyo 2:20

Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Efesiyo 6:18

Yama soki‑ya sodado mai nafi amorani. Mai one amona, mai one‑ya mai kakatoma teni. Sodado mai hama, mai ihi mai sotatorabonehe. Fara mai‑nima dai nahi. Dai noko wadahi. Dai one tamine‑ya Deoso‑ya dai atibodi hiyarahi. Satanasi‑ka keyehe‑ya mai nofarabonehe.

Firibo 1:5

Deoso ati ohiyara, owa‑ya dai kasomateni. Hibati‑ya Deoso Ati Amosabote dai miti baha, owa‑ya dai kasomamaro, owa‑ya dai kasomanasa teni. Dai ene ya‑yai·oneni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 4:2

Deoso dai hiyaranadiya, dai ya‑yainahi. “Deoso, amosabote amatini.” Dai ati nahi.

Timoti yoto‑ke 3:14

Hibati‑ya tiwa okanawata, owati‑nima tiyahi. Owa ene‑nima tiwa ene nahi. Owa ene tiawa, owa ene sibabisaramaroni.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 10:39

Deoso ati‑ya mai ati tokadabami nofara, mai ababone‑nima ai ni awira. Deoso ati ai nofe, ati ai tokadabatene. Deoso ai‑ya nofe, tabaro‑ya ai winawahaboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 2:19

Mai one Yeso‑ka mai‑mone mai ati na, Yeso‑ka mai tohaterani. Oda‑ya mai sawemaro, oda‑ya mai sawimi awira, Yeso‑ka mai toha‑mani, oda‑ya mai sawe neni. Yeso‑ka mai‑ya mai sawira, Yeso‑ka mai tohara, mai‑ya mai dami watowahaboneni.

Yoda‑ka yama hani 1:20

Owati dai mitahi. Oka dai toha, Yeso Kirisito ati dai nofa, ati dai nofi nafiyaho, Yeso Kirisito‑nima dai nawahabonehe. Deoso‑ka Doni dai‑ya sawi, ati ene Deoso dai hiyarahi.