Yeso‑ka yo‑yose mai tamine 2:40 - Deoso-ka Yama Hani

⁴⁰ Bedoro mai‑ya hiyari dame, “Mai dama mai ihi amosara, mai‑nima dai riyahi.” Bedoro ati nemonane.

Yeso‑ka yo‑yose mai tamine 2:40 ပူးပေါင်းရင်းမြစ်များ

Mateo 12:34

Maka yokana‑nima dai nineni. Dai atibodi amosara, dai ene amosateraboneni. Ai atibodi ati‑nima ai ati yanateni.

Mateo 16:4

Towe dai amani. Deoso ati dai tokadabara, hiniya owa ene kitabote dai awabone dai ati na, dai ati‑nima oteraboneni. Yama dai awabone dai ati na, i‑di Yona ene‑mata‑nima yama na dai awabisaboneni.” Yeso ati ne, tokomemarine.

Mateo 17:17

Yeso ati yanane, “Ka! Owati dai nofara, dai narabo hawirani. Owati dai wato kanibote nahi. Dai‑ya owa sawi nafimaraboneni. Yetene dai kakamahi!” Yeso ati nemarine.

Mateo 23:33

Maka ihi‑nima dai ene na, maka yokana‑nima dai na, dai ene Deoso dai‑ya sarikanebonane.

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Roka 16:28

Yama kome kita‑kaya osawineni. Oka soho mai 5 kana mai‑ya i‑di Rasaro hiyaraho, owa‑kaya mai kamakirabonehe.’ Ati nane.

Roka 21:36

Dai noko wadahi. Deoso‑ya dai hiyarahi, yama we‑wee‑ya dai sawirabonehe. Dai‑ka Ayo neme‑ke‑ya dai sawibisaboneni.” Yeso ati nematane.

Yowaho 21:25

Yeso ene damemari, ene dami oda kanahano‑mana, yama hani dama neni. Feye amani.

Yeso‑ka yo‑yose mai tamine 10:42

Oda‑ya hiyare, ‘Owa tamine mai‑ya dai hiyarahi. Owati‑ya mai nofiya, sibaraboneni. Mai hasina mai toha, mai abamete mai toha, mai na, Deoso ene mai ihi okadikaboneni.’ Ati nemarine.

Yeso‑ka yo‑yose mai tamine 15:32

Yoda, Sira mai fama Deoso ati‑ya mai mi‑mita mai toha, Kirisito‑ka mai‑ya mai hiyara, mai ati ihi mai ya‑yaina, mai habi kitawahamoneni.

Yeso‑ka yo‑yose mai tamine 20:11

Baoro tokomisamatase, oda eyehe tafamatase, oda‑ya hiyaramatase, yama wahi‑ya ati fawane tokawahane.

Yeso‑ka yo‑yose mai tamine 20:2

Masedoni‑kaya kobone, yakane, mai nafi‑ya hiyare, ati ene mai ya‑yaina, makobote Kereko mai tabori‑ya tokawahane.

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 20:9

Yobe fowari‑ka hodi waanaya, yetene i‑di Eotiko itarine. Baoro ati faware ene i‑di Eotiko amone, neme‑ya itari sone, abe, abo mai hidi abo forine.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Korito yoto‑ke 6:17

“Owati‑ya mai nofara mai ati dai tokadabarihi, mai‑ka yama towe dai boyorihi na, dai okayahaboneni.” Deoso ati nematane.

Karatiya 5:3

Owati dai mitahi. I‑di Mose ati ene dai‑ya Deoso ati somawamebona dai ati na, ati nafi dai tokadabaho. Hiniya dai sowiri tati ataro‑ya mai wisinakosa, Mose ati nafi dai tokadabara, Deoso dai‑ya ati somawamarebonane.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Firibo 2:15

Haa‑nima dai niya, dai ene kabatata raboneni. Deoso bidi amosabote dai tohawahaboneni. Mai ihi amosara dai yakari‑ya mai wina, yama soki‑nima mai na, yama soki‑ya yama wahi ai awa‑nima dai‑ya mai awaboneni.

Tesaronika daidi 2:11

Ai‑ka abi ai‑ya kanawatotene. Dai‑ka abi‑nima oda na, Deoso ati‑ya dai oda kanawatoteni.

Timoti daidi 4:16

Tiwa noko wadahi. Deoso ati yokana tikamina, Deoso ati‑nima tiniya, Deoso tabaro‑ya tiwinawahaboneni. Tiwati‑ya mai mita, tiwati‑ya mai tokadabiya, Deoso tabaro‑ya mai winahareboneni.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.