Yeso‑ka yo‑yose mai tamine 2:4 - Deoso-ka Yama Hani

⁴ Deoso‑ka Doni mai atibodi‑ya sawiwahe, hibati‑ya mai one ati‑ya mai watora, Deoso‑ka Doni ene mai one ati‑ya mai hiyarawahamoneni.

Yeso‑ka yo‑yose mai tamine 2:4 ပူးပေါင်းရင်းမြစ်များ

Mateo 10:19

Dai‑ya mai kahabaniya, dai ati‑ya mai mitabone, dai atibodi yama‑ya kadikariyahi. Deoso ene dai ati yananaboneni.

Maroko 16:17

Deoso ati amosabote ati‑ya mai nofa owati ihi mai ihi kitaboneni. Mai ihi‑ya mai one awiya, ‘Deoso‑ka mai amani.’ Mai ati naboneni. Fara mai ati ihi madi towe mai kana, mai one ati‑ya mai hiyara naboneni.

Roka 1:15

Yowaho Deoso hiyosewahebona, kawi‑ya fawarihi, fino‑ya fawarihi tebonane. Wadi awisareya, Deoso‑ka Doni sawibonane.

Roka 1:41

Mariya ati‑ya i‑di Isabeo mita, fai dori‑ya foye ya‑yaine, tainematane. Deoso‑ka Doni ati ene

Roka 1:67

Deoso‑ka Doni ene Yowaho badi i‑di Sakariya ati yanane,

Roka 12:12

Dai hiyariya, Deoso‑ka Doni dai‑ya kanawatobonane, ati dai kaminebonaha.” Yeso ati nematane.

Roka 21:15

Owa ene yama‑ya dai watowahaboneni. Dai ati yananiya, mai ati fawanaboneni.

Roka 4:1

Deoso‑ka Doni ati‑ya Yeso tokadabe, Yodaho Faha‑ya yanane, kabani‑ya tokematane.

Yowaho 14:26

Owati ihi Okobi hika Doni‑ya yosebonane. Dai‑ya kanawatoya, ati ene owati nafi‑ya dai atibodi watinawamaboneni. Deoso‑ka Doni dai‑ya kasomebonane.

Yowaho 20:22

Makobote oda‑ya foowane, “Deoso‑ka Doni dai‑ya foyawahebonane.

Yeso‑ka yo‑yose mai tamine 1:5

Faha‑ya Yowaho mai‑ya habanirisemari, hibayata dai amoni fa‑famaraba ne‑ya Deoso‑ka Doni dai atibodi‑ya sawiwahebonane.” Yeso ati nemonane.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 10:46

Homano mai toha, mai ati one‑ya Deoso‑ya mai kahiyara, mai ati‑ya Yodeo mai mita, Bedoro ati yanane,

Yeso‑ka yo‑yose mai tamine 10:47

“Deoso‑ka Doni ai‑ya sawi, mai‑ya sawine. Mai ai habanirisahi. ‘Ai‑ya Yodeo mai ati bari awiraboneni.’ Owatibodi ati nineni.” Bedoro ati nemonane.

Yeso‑ka yo‑yose mai tamine 11:15

Mai ohiyara, mai‑ya Deoso‑ka Doni kobone, mai‑ya sawi, hibati‑ya ai‑ya kobone, ai‑ya sawi‑nima i‑di Koneriyo mai‑ya sawiwahene.

Yeso‑ka yo‑yose mai tamine 11:24

Banabe ene amose, Deoso‑ka Doni fai‑ya sawi, Deoso ati‑ya nofi nafi, ati ene Yeso ati‑ya mai dami nofawahamoneni.

Yeso‑ka yo‑yose mai tamine 13:52

Yeso ati‑ya mai no‑nofa, Deoso‑ka Doni mai‑ya sawi ene mai ya‑yainamoneni.

Yeso‑ka yo‑yose mai tamine 13:9

I‑di Saoro oni owa Baoro tohe, Deoso‑ka Doni fai‑ya sawi ene, i‑di Erima‑ya kakatome ati yanane,

Yeso‑ka yo‑yose mai tamine 15:8

Ai atibodi‑ya Deoso wato, Yeso ati‑ya mai nofawaha, Deoso‑ka Doni mai‑ya sawi, oda‑ya sawi‑nima mai‑ya sawiwahane.

Yeso‑ka yo‑yose mai tamine 19:6

Mai habanisi hawa toha, mai‑ya Baoro yehe fori, Deoso‑ka Doni mai‑ya sawiwahe, mai one ati‑ya Deoso tamine‑ya mai hiyarawahani.

Yeso‑ka yo‑yose mai tamine 2:11

Kereta‑ka mai ati‑nima ai owa ati nihi, Arabiya‑ka mai ati‑nima ai owa ati nihi nane. Yodeo ai owa tohe, Yodeo mai‑nima Deoso ai nafi nofineni. Hini yamata‑nima mai na, ai ati nafi‑ya mai watowaha? Deoso ene amosabote tamine‑ya mai kamina, mai ati oda mitawahi neni.

Yeso‑ka yo‑yose mai tamine 2:3

Yifo hirini‑nima na‑ya mai awa, mai hiwakatoma, mai‑nima ebekana, yifo nakasiri darikana‑nima ne mai nafi‑ya boyonawahemonane.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 4:8

Deoso‑ka Doni ene i‑di Bedoro habo kite, mai‑ya hiyare, “Oda‑ka hidi dai toha, bote dai toha, dai na, owati dai mitahi.

Yeso‑ka yo‑yose mai tamine 6:3

Oda‑ka soho dai toha, maki mai 7 kana mai dai kadikahi. Yama‑ya mai wa‑wato mai toha, Deoso‑ka Doni mai‑ya sawi mai toha na, mai dai kadikiya, oda ati ene yamata‑ya mai daanaboneni.

Yeso‑ka yo‑yose mai tamine 6:5

Mai ati‑ya mai mita, mai ya‑yaina, mai 7 kana mai‑ya mai kadika, i‑di Tefaho‑ya mai kadiki dai toha, Tefaho Yeso ati‑ya nofi nafi, Deoso‑ka Doni ati‑nima ene ne, Firibi, Bokoro, Nikano, Timaho, Bamena, Nikorao mai na, mai‑ya mai kadikamoneni. Nikorao Bare tohe, tabaro oni Atioki tohemata, Yodeo mai‑ya sawimari, sawine.

Yeso‑ka yo‑yose mai tamine 6:8

Yeso ati‑ya i‑di Tefaho nofi nafi, ene kite, ati ene Deoso ene kitabote‑ya mai awa, ati ene mai one kitama, mai teni.

Yeso‑ka yo‑yose mai tamine 7:55

Tefaho Deoso‑ka Doni fai‑ya kibe, neme‑ya tonokomise, Deoso wehene‑ya awe, Deoso‑ka kanika‑ya Yeso waari‑ya awe,

Yeso‑ka yo‑yose mai tamine 8:17

Mai‑ya mai yahi fore, Deoso‑ka Doni mai‑ya sawiwahemonane.

Yeso‑ka yo‑yose mai tamine 9:17

Ananiya toke, Yoda‑ka yobe‑ya tokiyome, Saoro‑ya yehe fori, “Soho Saoro, Yeso owa‑ya yosene, hawi‑ya yakatina, tiawemona, fare owa‑ya yose, yama‑ya tiawamatasabone, Deoso‑ka Doni tiwa‑ya sawiwahebonane.” Ananiya ati nemonane.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Korito daidi 12:10

Deoso‑ka Doni ene dai owa ene kitabote tohe, Deoso‑ka Doni ene dai owa Deoso ati‑ya mite, Deoso ati‑ya kaminatene. Deoso ati‑mona mai one ati na, Deoso‑ka Doni ene mai ati‑ya dai owa mite, Deoso ati tohe, Deoso ati tohare‑ya mai watowahaboneni. Deoso‑ka Doni ene mai one ati‑ya dai owa hiyare, Deoso‑ka Doni ene mai one ati‑ya dai owa dai ati‑ya dai‑ya kaminebonane.

Korito daidi 13:1

Mai one ati dami‑ya owati yana, Deoso‑ka yo‑yose mai ati‑ya owati yana na, dai‑ya onofara‑mani, dai‑ya okasomara neni. Metaho‑ya mai ba‑baa mai moni‑nima owati tohaneni.

Korito daidi 13:8

Deoso ai‑ya nofe, Deoso‑nima mai ai nofa, mai nofi ai fawateraboneni. Deoso ati‑ya mai ka‑kamina, Yeso kamataseya, mai ati fawanaboneni. Ai nafi Deoso ati‑ya ai watowahaboneni. Mai one ati‑ya mai hi‑hiyara mai ati fawanabone, ai nafi ati ohariwama naboneni. Hibayata yama‑ya mai one wato ba‑basi na, makobote yama nafi‑ya ai nafi watowahaboneni.

Korito daidi 14:18

Deoso‑ya ohiyara, mai one ati‑ya owati yanani dama, Deoso owati‑ya wato, ya‑yai·oteni. Dai‑ta mai one ati‑ya dai ati yanani damarani.

Korito daidi 14:5

Mai one ati‑ya dai ati toha, dai sibarineni. Owatibodi ati nineni. Mai one ati‑ya tiwati yanani dai toha, makobote ai ati‑ya tiwati yananamatasiya, ai‑ya tikasomaba awineni. Deoso ati tikamine, ai nafi‑ya kasomatene.

Efesiyo 3:19

Abi Deoso, Yeso Kirisito‑ka yama nofi‑ya mai wato nafiterabone, mai hiwato ba‑basi hinahi. Abi, tiwa ene Yeso yama hinofa‑ya mai nofiyahi.” Oteni.

Efesiyo 5:18

Kawi ihi dai towe tohariyahi. Dai towe tohiya, dai ene amosaraboneni. Deoso‑ka Doni dai‑ya sawi, ati dai tokadabeya, dai ene amosaboneni.

Efesiyo 6:18

Yama soki‑ya sodado mai nafi amorani. Mai one amona, mai one‑ya mai kakatoma teni. Sodado mai hama, mai ihi mai sotatorabonehe. Fara mai‑nima dai nahi. Dai noko wadahi. Dai one tamine‑ya Deoso‑ya dai atibodi hiyarahi. Satanasi‑ka keyehe‑ya mai nofarabonehe.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro yoto‑ke 1:21

Mai ati ihi hiniya Deoso ati‑ya mai kanahanoterani. Deoso‑ka Doni mai‑ya Deoso ati‑ya kamine, ati‑ya mai mita, ati‑ya mai kanahanameteni.