Yeso‑ka yo‑yose mai tamine 2:30 - Deoso-ka Yama Hani

³⁰ Dafi Deoso ati‑ya mi‑mita‑mata, Deoso ati‑nima yama nabone‑ya Dafi wato, ‘Dafi ti·abiya, owa ene tika nodi Isara·eo mai‑ka hidi tohebonane.’ Deoso ati ne, ati‑ya Dafi nofematane.

Yeso‑ka yo‑yose mai tamine 2:30 ပူးပေါင်းရင်းမြစ်များ

Mateo 22:43

“Deoso‑ka Ka‑kadika tamine‑ya i‑di Dafi kanahano, ati dai mitahi. ‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’ Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.” Yeso ati nemarine.

Mateo 27:35

Yeso‑ya mai baakana, baakani hawa tohe, Yeso borone‑ya mai kayafabone, yati bide‑ya mai werena, mai kiihinameteni, borone hikayafebonaha.

Maroko 12:36

Deoso‑ka Ka‑kadika tamine‑ya i‑di Dafi kanahano, ati dai mitahi. ‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’ Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.

Roka 24:44

“Hibati‑ya dai‑ya osawe, dai‑ya ohiyara, ‘Owa tamine‑ya Mose kanahano, owa tamine‑ya Deoso ati‑ya mai mi‑mita‑mete mai kanahano, Deoso‑ka wayoma hani‑ya owa tamine‑ya mai one kanahano nameteni. Mai ati‑nima yama naboneni.’ Onamaroni. Fara yama hani mai hikanahanamete ati‑nima yama nineni.” Yeso ati nematane.

Yeso‑ka yo‑yose mai tamine 1:16

“Soho, owati dai mitahi! Deoso‑ka yama hani ati‑nima yama teni. Hibati‑ya Deoso‑ka Doni ati i‑di Dafi hikanahanomata, ati‑nima yama nawahani. Yara mai‑ya Yeso‑ya i‑di Yoda daanebona tamine‑ya i‑di Dafi kanahanomata, ati‑nima yama nawahani.

Homa 1:3

Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Homa 15:12

“Yese‑ka nodi kobonebonane, Bara mai‑ka hidi‑bonaha. Yese‑ka nodi Ati Amosabote‑ya Bara mai nofawahaboneni.” Isa·iya ati nematane, Deoso‑ka yama hani‑ya.

Timoti yoto‑ke 2:8

Yeso Kirisito i‑di Dafi‑ka nodi tohe, abe, Deoso hinakitamemari tamine ohiyaratene, Deoso Ati Amosabote amane. Ati tiwatibodi hikadikayaho.

Ebereo 1:1

Hibati‑ya ai awiriya, ai‑ka idi mai‑ya Deoso hiyari dame, Deoso ati‑ya mai mi‑mita‑mete Deoso ati‑ya ai‑ka idi mai‑ya ati mai hikamine, Deoso ene wada‑ya mai one awa, ai‑ka idi mai‑ya wada‑ya mai kamina nameteni.

Ebereo 3:7

Deoso‑ka Doni ati dai mitahi. “Dai narabo hawihi. Hibayata Deoso ati dai mitiya, ati dai tokadaba kanibote nahi.

Ebereo 4:7

Makobote amoni dameya, tamine Dafi hikanahanameteni. “Hibayata Deoso ati dai mita, dai narabo hawihi. Dai atibodi tokitariyahi.” Deoso‑ka yama hani ati nineni.

Ebereo 6:17

“Owati dai nofabone, owati‑maro dai awahi. Owati‑maro‑nima ona, fara hibayata owati‑nima onabone dai watowahaboneni.” Deoso ati nematane.

Ebereo 7:21

I‑di Refi‑ka nodi mai toha, mai‑ka idi mai‑ka abi mai‑nima Deoso‑ka yama‑bone‑ya mai daanamakineni. I‑di Yeso‑ta‑ya Deoso hiyare, “Tiwa tamine ohiyaramaro, owati‑nima yama nabone, mai manakone tinahabi oharebone, ti·abateraboneni.” Deoso ati nematane.

Bedoro yoto‑ke 1:21

Mai ati ihi hiniya Deoso ati‑ya mai kanahanoterani. Deoso‑ka Doni mai‑ya Deoso ati‑ya kamine, ati‑ya mai mita, ati‑ya mai kanahanameteni.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.

Yeso Kirisito ene‑bona 19:16

Hika bora fanaki‑ya oni kawane, “Hidi webote mai‑ka hidi ama·oni. Hidi mai nafi mai‑ka hidi ama·oni.” Hika bora fanaki‑ka yama hani kawana ati nani.