Yeso‑ka yo‑yose mai tamine 2:23 - Deoso-ka Yama Hani

²³ Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Yeso‑ka yo‑yose mai tamine 2:23 ပူးပေါင်းရင်းမြစ်များ

Mateo 20:19

kofeno mai‑ya owa‑ya mai daanabone, owa‑ya mai hahakana, owa‑ya mai bisi, awa‑ya owa‑ya mai baakana naboneni. Mahi 3 kani‑ya dai‑ka Ayo neme‑ke kitamebonane.” Yeso ati nemarine.

Mateo 26:24

Dai‑ka Ayo neme‑ke abebona yama hani ati na, fara yama hani ati‑nima abebonane. Owa‑ya kahabane‑ka ene towe manakone nafi bonane. Ka! Wadare‑mana, yama amosabisa neni.” Yeso ati nemarine.

Mateo 27:35

Yeso‑ya mai baakana, baakani hawa tohe, Yeso borone‑ya mai kayafabone, yati bide‑ya mai werena, mai kiihinameteni, borone hikayafebonaha.

Maroko 15:24

Yeso‑ya mai baakana, Yeso borone‑ya mai kayafabone, yati bide‑ya mai werena, mai kiihinamaroni.

Roka 22:22

Hibati‑ya Deoso ati‑mata‑nima dai‑ka Ayo neme‑ke abebonane. Owa‑ya kahabane‑ka yama manakone wadaboneni. Ka! Hini ene manakone nafibonane.” Yeso ati nematane.

Roka 22:37

Deoso ati‑mata‑nima yama naboneni. ‘—Towe mai‑ka owa amane.— Mai ati naboneni.’ Deoso‑ka yama hani ati na, owa tamine amani. Ati‑nima yananaboneni.” Yeso ati nematane.

Roka 23:33

Ai tati tone wai‑ka adami‑ya mai kobona, Yeso‑ya mai baakanameteni. Mai ihi towe mai fama Yeso‑ya mai dabameteni. Yeso mano kanika‑ya owa mai baahikana, Yeso mano sayo‑kaya owa mai baahikana hinematane.

Roka 24:20

Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha, mai na, Yeso‑ya mai daana, mai baahikanebonaha. Awa‑ya mai baahikane, abe, fare tamine‑ya oda hiyarineni.

Yowaho 19:18

Adami‑ya Yeso kobone, awa‑ya mai baahikanemarine. Awa one‑kaya mai fama mai‑ya mai baakana, Yeso fowari‑kaya mai demekana, mai bai‑ya Yeso kawemarine.

Yowaho 19:24

“Bora yaba ai sibiriyahi. Hiniya yati bide ai wereniya, ai owa ohari bora‑ya kayafeya, yama ai wataboneni.” Sodado mai ati namaroni. Deoso‑ka yama hani ati‑nima yama nawahani. “Oka bora‑ya mai ebekana, yati bide‑ya mai wereneni, oka bora one‑ya mai kayafabonehe.” Deoso‑ka yama hani ati na, fara ati‑nima sodado mai ihi nawahamaroni.

Yeso‑ka yo‑yose mai tamine 13:27

Deoso ati‑ya mai mi‑mita yama hani mai hikanahanamete‑ya Sabado‑ya mai kadikateni. Yerosare‑ya mai wi‑wina mai‑ka hidi mai toha na, yama‑ya mai kadika, yama hani ati‑ya mai watoramaro, yama hani ati‑nima Deoso‑ka Ka‑kadika‑ya mai nanahaba,

Yeso‑ka yo‑yose mai tamine 15:18

Deoso ati‑ya mai mi‑mita‑mete mai hikanahanameteni.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 3:18

Deoso ati‑ya mai mi‑mita‑mete Deoso ati‑ya mai kanahana, ‘Deoso‑ka Ka‑kadika‑ya mai nakomaboneni.’ Mai ati namete. Deoso ati‑nima yama nawahani.

Yeso‑ka yo‑yose mai tamine 4:28

Tiwatomata‑nima mai ihi nawahani. Tika Dao‑ya mai weenabone tinamete, Tika Dao‑ya mai weenawahani.

Yeso‑ka yo‑yose mai tamine 5:28

“Dai hiyari fawanahi. Yeso tamine dai hiyaramarabone oda ati namaro, dai ati fawarani. Yeso oda nanahabamone dai ati na, dai ati‑ya Yerosare‑ya mai wi‑wina mai nafi mitani.” Deoso‑ka yama‑bone‑ya mai da‑daa mai‑ka hidi ati nemonane.

Yeso‑ka yo‑yose mai tamine 5:30

Awa‑ya Yeso dai baakane, abe, ai‑ka idi mai‑ka Deoso hinakitamemarine.

Yeso‑ka yo‑yose mai tamine 7:52

Deoso ati‑ya mai mi‑mita mai nafi‑ya dai‑ka idi mai bisinamete, ‘Deoso‑ka owa amosabote kamebonane.’ Mai ati na, mai‑ya dai‑ka idi mai nanahabameteni. Fare kame, dai kahabane, dai ati ene mai hinahabene.

Homa 2:12

Mose ati‑ya Bara mai watora, mai ihi amosara, mai ihi‑ya Deoso kadikeya, hini mai ihi‑nima mai manakone na, Deoso tabaro‑ya mai winateraboneni. Mai‑ya Deoso yawi fawaterebonane. I‑di Mose ati‑ya Yodeo mai watobisa, Mose ati‑ya mai tokadabara, mai ihi amosara mai manakone‑ya Deoso daaneya, Deoso tabaro‑ya mai winateraboneni. Mai‑ya Deoso yawi fawaterebonane.

Homa 4:17

Abaraho‑ka nodi mai tamine‑bone‑ya Deoso wato, mai tamine‑ya Abaraho‑ya hiyarematane. “Abaraho, owa ene tika nodi mai damawahatebone, mai tabori damateboneni.” Deoso ati nematane. Abaraho bidi awisareya, Deoso ati‑ya nofe, atibodi yama‑ya kadike, “Deoso kitabote tohe, ai aba, ai‑ya nakitamatene.” Abaraho atibodi ati nematane.

Tesaronika daidi 2:15

Hibati‑ya Deoso ati‑ya mai mi‑mita‑maro mai‑ya mai nanahaba, Yeso‑ya mai one nanahaba, oda‑ya mai one ati nanahabamake, mai ati ihi oda kananawahani. Mai ati yawa, mai ihi Deoso yawebonane.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 2:8

Yati‑ya mai taratokana, yati ihi mai yawawahani. Yeso ati‑ya mai nofara, ati‑ya mai taratokateni. Mai ihi‑bone‑ya Deoso watomatane.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.