Yeso‑ka yo‑yose mai tamine 2:22 - Deoso-ka Yama Hani

²² Bedoro mai‑ya hiyaramatase, “Isara·eo‑ka nodi dai toha, owati dai mitahi. Deoso ene Yeso Nasare‑ke ene dai watoneni. Yeso ene kitabote tohe, ene‑ya mai awa, ‘Ka! Haa‑nima ai ene na ai awaterani.’ Mai ati namaroni.

Yeso‑ka yo‑yose mai tamine 2:22 ပူးပေါင်းရင်းမြစ်များ

Mateo 12:28

Deoso‑ka Doni ati ene madi towe mai kana·onihe, dai ati na, Deoso ai nafi‑ka hidi kitabote tohawahebona dai‑ya sawine.

Mateo 2:23

Karireya‑kaya mai toka, Nasare‑kaya mai winawahameteni. “Deoso Bidi Nasare‑ke amane, mai ati naboneni.” Deoso ati‑ya mai mi‑mita mai ati nametemoneni. Fare Yeso Nasare‑ke amane.

Mateo 9:8

Yeso ene‑ya mai awa, mai habi siitona, “Deoso ene amose, ati ene ai owa yama‑ya wato nafine.” Mai ati nameteni.

Roka 11:20

Deoso ati ene madi towe mai kana·onihe, Deoso ai nafi‑ka hidi kitabote tohawahebona dai‑ya sawine.

Roka 18:37

“Yeso Nasare‑ke kamakine.” Mai ati nameteni.

Roka 24:18

“Tiwa ohari‑ta yama tamine tiwatora awini? Yerosare‑ya ai sawe yama tamine‑ya ai nafi mitani.” Kirobasi ati ne,

Yowaho 1:45

I‑di Natanaeo‑ya Firibi toke, fai‑ya hiyare, “Natanaeo, owati timitahi. Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, ai owa kobonebona yama hani ati na, fare Yeso Nasare‑ke amane. I‑di Yose bidi amane. Yeso oda kobonawahene.” Firibi ati nemarine.

Yowaho 10:37

Deoso ene‑nima owa ene ra‑mani, owati dai nofariya, yama sibara neni.

Yowaho 11:47

Makobote Deoso‑ka yama‑bone‑ya mai da‑daa mai‑ka hidi mai toha, fariseo mai toha, mai na, oda‑ka hidi mai nafi‑ya haane, mai yorotokanameteni, Yeso tamine‑ya mai hiyarabonehe. “Hini yamata‑nima ai nibati? Yeso ene kitabote‑ya mai dama mai awineni.

Yowaho 12:17

Rasaro‑ya Yeso nakitame‑ya mai awa, Yeso‑ya mai tokomake, Yeso tamine‑ya mai hiyaranademaroni.

Yowaho 15:24

Owa ene kitabote‑ya mai awara‑mani, mai ihi manakone wadara neni. Owa ene kitabote‑ya mai awa, owa‑ya mai kako, Okobi‑ya mai kakohari nineni.

Yowaho 19:19

Birato ati ene yama hani‑ya mai kanahana, Yeso ewene‑ya yama hani‑ya mai kanawaana, “Yeso Nasare‑ke, Yodeo mai‑ka hidi webote amane.” Yama hani ati namaroni,

Yowaho 3:2

Yama soki‑ya Yeso‑ya toke, Yeso‑ya hiyare, “Ayo, Deoso tiwa‑ya yose‑mata ati tikamine, tiwa ene kitabote tohani. Deoso‑ka tihara‑mani, haa‑nima tiwa ene ra neni.” Nikodimo ati nemarine.

Yowaho 4:48

Yeso ati yanane, “Owa ene kitabote dai awara, owati‑ya dai nofarani.” Yeso ati nemarine.

Yowaho 5:36

Yowaho ati amosi bi‑bidi nane. Okobi ene owa ene kitabote, owa ene dai awiya, Okobi owa‑ya yose‑mari dai watowahaboneni.

Yowaho 6:14

Yeso ene kite‑ya mai awa, “Deoso ati‑ya mi‑mita kakibona yama hani ati na, fare i‑di Yeso tohe awane.” Mai ati namaroni.

Yowaho 6:27

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Yowaho 7:31

Yeso ati‑ya mai dami mita, Yeso ati‑ya mai one dama nofawaha, “Deoso‑ka Ka‑kadika Yeso amane. Yeso ene kitabote tohe, Deoso‑ka Ka‑kadika tohare‑mana, kameya, ene kiti ba‑basi re nane.” Mai ati namaroni, mai ibi basanaro.

Yowaho 9:33

Deoso‑ka tohare‑mana, owa noko‑ya kasomare nane.” Maki kitame ati nematane.

Yeso‑ka yo‑yose mai tamine 13:16

Baoro waamise, yehe mai‑ya ati barine, “Yodeo dai toha, Deoso ati dai nofa, dai na, owati dai mitahi.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Yeso‑ka yo‑yose mai tamine 2:19

Neme, bofe na‑ya owa ene‑ya mai awaboneni. Ama nafe‑ya mai awa, yama hirini‑ya mai awa, yifo asawi nafe‑ya mai awa naboneni.

Yeso‑ka yo‑yose mai tamine 2:43

Bedoro mai ihi‑ya mai awa, “Haa‑nima ai ene na ai awaterani.” Mai ati na, mai habi siitoneni.

Yeso‑ka yo‑yose mai tamine 21:28

Mai ibi haana, “Isara·eo‑ka nodi dai toha, oda dai kasomahi. Hai, mai tabori dami‑ya toke, mai‑ya hiyare, ‘Mose ati‑nima dai rihi, Yodeo mai‑nima dai rihi, Deoso tabaro‑ya dai tokarihi dai nahi.’ Ati tene. Fare ahi‑ya Deoso‑ka yobe‑ya Kereko mai‑ya kakame ene Deoso ati yawawahane.” Mai ati namaroni.

Yeso‑ka yo‑yose mai tamine 22:8

‘Ayo, eme tiwa oni niti?’ Ona, ‘Yeso Nasare‑ke ama·oni. Owa‑ya bisitineni.’ Ati nemarine.

Yeso‑ka yo‑yose mai tamine 24:5

Baoro ati kasiro, ati ene Yodeo mai dama mai yorotokana, mai yawi kitineni. Nasare‑ka mai‑ka hidi Baoro amane.

Yeso‑ka yo‑yose mai tamine 26:26

Yama tamine okamina‑ya hidi Akiriba watone, owa habo siitora, yama‑ya Akiriba awemarine. Owatibodi ati nineni. Haa‑nima yama na kemoterani.

Yeso‑ka yo‑yose mai tamine 26:9

Hibati‑ya Yeso Nasare‑ke okako, Yeso‑ya mai no‑nofa mai okakoharemaroni.

Yeso‑ka yo‑yose mai tamine 3:12

Bedoro mai‑ya kakatome mai‑ya hiyare, “Isara·eo‑ka nodi dai toha, hini yamata ihi ‘Ka!’ Dai ati na? Oda‑ya dai kakatoma? Oda ene, maki yakanemona dai ati na awineni. Oda ene tohi awirini. Yeso ene amane.

Yeso‑ka yo‑yose mai tamine 3:6

“Barata, oro na, oda kihara, oda haatina, yama oda kihabisa tiwa‑ya daa·onaboneni. Yeso Kirisito Nasare‑ke ene tiwaamisama, yakatinahi.” Bedoro ati nemonane.

Yeso‑ka yo‑yose mai tamine 4:10

Owati dai mita, Isara·eo‑ka nodi mai nafi owati‑ya mai mitahari na, yama dai watowahaboneni. Yeso Kirisito Nasare‑ke dai ene baakane, Deoso hinakitamemari, fare oni ene maki kitamawahene.

Yeso‑ka yo‑yose mai tamine 5:35

Isara·eo‑ka nodi dai toha, dai noko wadahi. Mai‑ya dai ene toha, dai manakone tohahareba awineni.

Yeso‑ka yo‑yose mai tamine 6:14

“Yeso Nasare‑kaya kakimari tamine‑ya Tefaho hiyare, ati oda mite, Deoso‑ka yobe‑ya Yeso nanahabebona, ati ene Mose ati bare tohawahebona ati nene.” Mai ati namoneni.

Korito yoto‑ke 12:12

Dai tabaro‑ya owina, Deoso ene dame‑ya dai awa, dai habo siitona, “Ka! Haa‑nima ai ene na, oda awaterani. Deoso ene amosabote amane.” Dai ati namaroni. Yeso‑ka yo‑yose ohara‑mani, Deoso ene‑ya dai awara neni.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.