Yeso‑ka yo‑yose mai tamine 2:17 - Deoso-ka Yama Hani

¹⁷ ‘Hidi Webote kobonama‑bona‑ka mahi koboni yanatoneya, Deoso‑ka Doni dai atibodi‑ya sawi, Deoso‑ka Doni ene dai‑ka madehe Deoso ati‑ya mai kaminaboneni. Dai‑ka yetene mai toha, bote mai toha na, wada‑ya owati‑ya mai mitaboneni.

Yeso‑ka yo‑yose mai tamine 2:17 ပူးပေါင်းရင်းမြစ်များ

Roka 3:6

Deoso ai‑ya kasomebona, mai nafi awawahaboneni.” Isa·iya‑ka yama hani ati nineni.

Yowaho 17:2

Abi, tiwa ene mai nafi‑ka hidi ama·oni. Owa‑ya mai daatinamaro owa ene mai abateraboneni.

Yowaho 7:39

Faha webote Yeso ati ne, Deoso‑ka Doni tamine amane. Yeso bofe‑ya wineya, Deoso‑ka Doni oda‑ya sawi awisare, neme‑ya Yeso tokeya, Yeso ati oda no‑nofa Deoso‑ka Doni oda atibodi‑ya sawiwahemarine.

Yeso‑ka yo‑yose mai tamine 10:45

Bedoro‑ya mai sawe, mai ibi hiyara, “Ka! Deoso‑ka Doni Bara mai‑ya sawine. Bara mai‑ya Deoso‑ka Doni sawiterebona oda atibodi ati nani.” Mai ati namoneni.

Yeso‑ka yo‑yose mai tamine 11:27

Yerosare‑ka mai one Deoso ati‑ya mai mi‑mita, Atioki‑ya mai tokawaha,

Yeso‑ka yo‑yose mai tamine 11:28

Deoso ati‑ya mai mi‑mita mai‑ka owa oni i‑di Akabo tohe, waamise, Deoso‑ka Doni ene mai‑ya hiyare, “Ai amoni damariya, bofe nafi‑ya faha kakiriya, yamata yanariya, mai dami fimeboneni.” Akabo ati nemonane. Makobote mai‑ka hidi i‑di Karaodio toheya, i‑di Akabo ati‑nima yama nawaha,

Yeso‑ka yo‑yose mai tamine 2:16

Deoso‑ka Doni ene dai ati‑ya dai oda hiyarineni. Deoso ati‑ya mi‑mita‑mata i‑di Yoweo Deoso ene haa‑nima ai ene na‑bone tamine‑ya kanahanomatane.

Yeso‑ka yo‑yose mai tamine 2:18

Owa‑ya mai narifa, maki mai toha, fana mai toha na, Deoso‑ka Doni mai‑ya sawiwahe, owa tamine‑ya mai hiyaraboneni.

Yeso‑ka yo‑yose mai tamine 2:33

Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.

Yeso‑ka yo‑yose mai tamine 21:9

Firibi‑ka fana atona mai 4 kana mai fani awira, Deoso tamine‑ya mai hiyarateni.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Korito daidi 12:10

Deoso‑ka Doni ene dai owa ene kitabote tohe, Deoso‑ka Doni ene dai owa Deoso ati‑ya mite, Deoso ati‑ya kaminatene. Deoso ati‑mona mai one ati na, Deoso‑ka Doni ene mai ati‑ya dai owa mite, Deoso ati tohe, Deoso ati tohare‑ya mai watowahaboneni. Deoso‑ka Doni ene mai one ati‑ya dai owa hiyare, Deoso‑ka Doni ene mai one ati‑ya dai owa dai ati‑ya dai‑ya kaminebonane.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Tiyako 5:3

Dai‑ka oro, dai‑ka barata ne, fehoso‑nima hikaba, dai abi yanatoniya, dai‑ka yinero‑ka fehoso‑ya Deoso aweya, dai ene‑ya kadikebona, dai ene amosara dai‑ka yinero dai eme‑ya sarikanebonane. Dai ababone, yinero dai nokotonihe Deoso‑ya dai nokotonira.

Bedoro yoto‑ke 3:3

Yama dai watohi. Yeso kami yakari‑ya dai‑ya mai hahakanaboneni. “Yeso kamebona dai ati na, Yeso kamaterebonane.” Mai ati naboneni. Mai atibodi towe ati‑nima mai naboneni.