Yeso‑ka yo‑yose mai tamine 2:10 - Deoso-ka Yama Hani

¹⁰ Firikiya‑ka mai ati‑nima ai owa ati nihi, Banafiriya‑ka mai ati‑nima ai owa ati nihi, Eyito‑ka mai ati‑nima ai owa ati nihi, Ribiya tabora kote‑ya Sireni tabora toha, Sireni yakari‑ka mai ati‑nima ai owa ati nihi, Homa‑ka mai ati‑nima ai owa ati nihi,

Yeso‑ka yo‑yose mai tamine 2:10 ပူးပေါင်းရင်းမြစ်များ

Mateo 2:15

I‑di Erodi abi awisareya, Eyito‑ya mai winameteni. Makobote i‑di Erodi abawahematane. “Oka Dao Eyito‑ya wineya, haa·onaboneni.” Deoso ati nematamonane. Hibati‑ya Deoso ati‑ya mi‑mita ati‑nima yama nawahameteni.

Mateo 23:15

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Tabora dami‑ya dai toka, hawi‑ya dai toka, faha kowani‑kaya dai toka, dai teni, dai‑nima mai one nawahabonehe. Satanasi ati dai nofa, dai ati ene Satanasi ati‑ya mai nofi ba‑basi neni.

Mateo 27:32

Mai tokiya, Simaho Sireni‑ke‑ya mai awa, Sodado mai ati ihi Yeso ewene‑bona‑ya Simaho diwanematane.

Maroko 15:21

Simaho Sireni‑ke kabani‑kaya yanane, kame, mai‑ya kobonemarine. I‑di Aresadiri i‑di Hofo mai fama mai‑ka abi i‑di Simaho amane. Simaho‑ya sodado mai awa, Simaho‑ya mai haanamaroni, Yeso ewene‑bona‑ya diwanebonaha.

Yeso‑ka yo‑yose mai tamine 11:20

Sibe‑ka mai toha, Sireni‑ka mai toha na, Atioki‑ya mai toka, Bara mai‑ya ai‑ka Ayo Yeso tamine‑ya mai hiyarawaha,

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 13:13

Bafo‑ya maboro‑ya Baoro mai foya, Banafiriya sidadi oni Beki toha‑ya, Yowaho Maroko maaname, Yerosare‑kaya winitonamemonane.

Yeso‑ka yo‑yose mai tamine 13:43

Mai toka, mai nowati‑ya Baoro mai‑ya mai one dabamake, Yodeo mai one toha, Bara mai one toha na, Baoro mai‑ya mai dabamake, mai‑ya Baoro mai hiyara, “Deoso ati‑ya dai ati kadamowamariyahi. Deoso ati amose dai nofahi.” Baoro, Banabe mai ati namoneni.

Yeso‑ka yo‑yose mai tamine 14:24

Mai towaka, tabora webote oni Bisidiya‑ya mai fiyakana, tabora webote one Banafiriya‑ya mai kobokana,

Yeso‑ka yo‑yose mai tamine 15:38

“Yowaho Maroko ai‑ya dabarebonane. Hibati‑ya ai‑ya sawi, Banafiriya‑ya wininame, ai‑ya kasomaremarine.” Baoro ati ne.

Yeso‑ka yo‑yose mai tamine 16:6

Tabora webote oni Firikiya‑ya, mai fiyakana, tabora webote one Karatiya‑ya mai fiyakana, tabora webote one Asiya‑ya Yeso ati‑ya mai kaminabone mai atibodi ati na, Deoso‑ka Doni mai‑ya ati barine.

Yeso‑ka yo‑yose mai tamine 17:21

Atena‑ka mai toha, Atena‑ya mai one wi‑wina yama anini‑ya mai nofara, “Hiniya mai ati ai mitiya, yama ai watowahaboneni.” Mai ati na. Yama bara tamine‑ya mai hiyaranaditeni.

Yeso‑ka yo‑yose mai tamine 18:2

Korito‑ya i‑di Akira wine‑ka yobe‑ya Baoro kobone. Hibati‑ya Boto‑kaya Akira wine, makobote Homa‑ya toke, yara mai‑ka hidi i‑di Karaodio mai‑ya yose, “Yodeo dai toha, dai nafi tokahi, ahi‑ya dai winamaraboneni.” I‑di Karaodio ati ne. Ati ene Korito‑ya Akira fadi i‑di Birisira eyehe tokawahe, mai tabori‑ya Baoro kobonane.

Yeso‑ka yo‑yose mai tamine 18:23

Atioki‑ya wine, makobote Karatiya mai tabori dami‑kaya tokomatasa, Firikiya mai tabori dami‑kaya tokomatasa ne. Yeso ati‑ya mai no‑nofa Baoro ati ene mai habi kitawahamoneni.

Yeso‑ka yo‑yose mai tamine 2:11

Kereta‑ka mai ati‑nima ai owa ati nihi, Arabiya‑ka mai ati‑nima ai owa ati nihi nane. Yodeo ai owa tohe, Yodeo mai‑nima Deoso ai nafi nofineni. Hini yamata‑nima mai na, ai ati nafi‑ya mai watowaha? Deoso ene amosabote tamine‑ya mai kamina, mai ati oda mitawahi neni.

Yeso‑ka yo‑yose mai tamine 23:11

Yama soki‑ya Yeso kaki, Baoro fowari‑kaya wai, Baoro‑ya hiyare, “Baoro, tiwa habo kitahi. Yerosare‑ya owa tamine tihiyaramaro, makobote Homa‑kaya owa tamine tihiyaramakeboneni.” Yeso ati nemonane.

Yeso‑ka yo‑yose mai tamine 27:5

Sirisiya‑ya oda fiyakana, Banafiriya‑ya oda fiyakanamake, Risiya‑ka tabora bide Mira‑ya oda kobokanineni.

Yeso‑ka yo‑yose mai tamine 28:15

Homa‑ya Yeso‑ka mai wi‑wina oda tamine‑ya mai mita, Abio Foro‑ya mai one kama, Tafena 3 kana toha‑ya mai one kama, oda‑ya mai kobona, mai‑ya Baoro awe, Deoso‑ya kahiyare, atibodi kitawahemarine.

Yeso‑ka yo‑yose mai tamine 6:5

Mai ati‑ya mai mita, mai ya‑yaina, mai 7 kana mai‑ya mai kadika, i‑di Tefaho‑ya mai kadiki dai toha, Tefaho Yeso ati‑ya nofi nafi, Deoso‑ka Doni ati‑nima ene ne, Firibi, Bokoro, Nikano, Timaho, Bamena, Nikorao mai na, mai‑ya mai kadikamoneni. Nikorao Bare tohe, tabaro oni Atioki tohemata, Yodeo mai‑ya sawimari, sawine.

Yeso‑ka yo‑yose mai tamine 6:9

Sireni‑ka mai toha, Aresadiriya‑ka mai toha, Sirisiya‑ka mai toha, Asiya‑ka mai toha, mai na, hibati‑ya mai yaditonamaro mai seekawaha, Yerosare‑ya mai winawaha, Deoso‑ya mai hi‑hiyara‑ke yobe‑ya mai yorotokana, Tefaho ati‑ya mai mita, mai ati yawa, Tefaho‑ya mai weenawahani.

Homa 1:15

Mai dami‑ya Yeso ati okaminabone Deoso ati ne. Homa‑ya okiya, dai‑ya Yeso Ati Amosabote okaminabone owatibodi ati nani.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Timoti yoto‑ke 1:17

Homa‑ya kamaki, owa‑ya sibane, owa‑ya wasimarine.

Yeso Kirisito ene‑bona 11:8

Mai amoni 3 kana beheri tohamakiya, sidadi hawi‑ya mai aboi madanaboneni. Fara dai‑ka bote mai wadi awisari‑ya sidadi mai wamanamaro, fara‑ya mai aboi madanaboneni. Fara Sodoma‑ka mai ihi‑nima sidadi‑ka mai ihi towe toha, Eyito‑ka mai ihi‑nima sidadi‑ka mai ihi towe toha, awa‑ya mai‑ka Hidi Webote‑ya mai baakanamaroni.