Yeso‑ka yo‑yose mai tamine 19:9 - Deoso-ka Yama Hani

⁹ Mai one Yeso ati‑ya mai nofara, mai ime kita, Yeso‑ka hawi‑ya mai sa‑sawi mai‑ya mai kaka, mai ati dama, mai‑ya Baoro dabamare, Yeso ati‑ya mai no‑nofa Baoro eyehe mai toka, Tirano‑ka tabaro‑ya mai toka, mahi‑nima Baoro mai‑ya hiyarane.

Yeso‑ka yo‑yose mai tamine 19:9 ပူးပေါင်းရင်းမြစ်များ

Mateo 15:14

Mai noki wadara‑nima mai teni. Mai noki wadikimara mai fami towaka, mai ibi yofikanabone mai ati na, hodi‑ya mai fami sonirisikimaboneni.” Yeso ati nemarine.

Mateo 16:4

Towe dai amani. Deoso ati dai tokadabara, hiniya owa ene kitabote dai awabone dai ati na, dai ati‑nima oteraboneni. Yama dai awabone dai ati na, i‑di Yona ene‑mata‑nima yama na dai awabisaboneni.” Yeso ati ne, tokomemarine.

Mateo 26:55

Mai dama, mai sawe, mai‑ya Yeso hiyare, “Yima‑ya dai aka, awa‑ya dai aka nineni, owa‑ya dai watabonehe. Yama‑ya mai bo‑boti mai wati‑nima owa‑ya dai watineni. Hibati‑ya mahi‑nima Deoso‑ka yobe‑ya owitare, mai okanawata, owa‑ya dai wataramaroni.

Yowaho 12:40

“Yama‑ya mai awa, Deoso hini ati ene yama‑ya mai watora, tamine mai himite, Deoso hini ati ene tamine mai hiwatorane. Mai ihi‑maro‑nima mai ihi namariya, mai‑ya Deoso kasomane.” Isa·iya ati nematamonane.

Yeso‑ka yo‑yose mai tamine 11:26

Saoro‑ya wasi, Atioki‑ya Saoro‑ya kakame, Yeso ati‑ya mai no‑nofa faha fowe ohare‑ya mai‑ya mai daba, mai‑ya mai kanawata, Kirisito‑ka mai amani, mai ati nawawahamoneni, Atioki‑ya.

Yeso‑ka yo‑yose mai tamine 14:4

Mai dama, mai one Baoro mai ati‑ya mai nofa, mai one Yodeo mai ati‑ya mai nofa, mai nineni.

Yeso‑ka yo‑yose mai tamine 17:4

Baoro ati‑ya Yodeo mai one nofa, Baoro‑ya mai sawimake, Kereko mai dama Baoro ati‑ya mai nofa, mai fanawi hidi toha, Baoro ati‑ya mai nofa na, Baoro, Sira mai fama mai‑ya mai sawimakemoneni.

Yeso‑ka yo‑yose mai tamine 19:23

I‑di Baoro Efesiyo‑ya winasa neya, Yeso hawine tamine‑ya yara mai dama mai ibi weenamoneni.

Yeso‑ka yo‑yose mai tamine 19:30

Mai‑ya Baoro tokomakibona ati ne, Yeso ati‑ya mai no‑nofa mai ati barihine.

Yeso‑ka yo‑yose mai tamine 20:31

Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni. ‘Dai noko wadahi.’ Ona, dai tabiyo ohi·onamaroni.

Yeso‑ka yo‑yose mai tamine 22:4

Yeso‑ka hawi‑ya mai sa‑sawi mai‑ya onahaba, mai makidi, mai fanawi na, mai soki·ona, kadeya‑ya mai onafoya onamaroni.

Yeso‑ka yo‑yose mai tamine 24:21

Owati ohare‑ta towe toha awineni. Mai bai‑ya owaa, mai‑ya ohiyarineni. ‘Ai aba, ai kitamabone tamine okamina ihi owa‑ya mai watani.’ Ona. Owati yanara‑mani, sibara neni.” Baoro ati nemonane.

Yeso‑ka yo‑yose mai tamine 28:22

Tiwati oda mitawahaboneni. Yeso ati‑ya dai no‑nofa, towe dai‑mone mai ati teni. Oda dami tiwati‑ya oda mitawahaboneni, yama oda watowahabonehe.” Mai ati namaroni.

Yeso‑ka yo‑yose mai tamine 7:51

Dai eme kita, dai atibodi kita na, Deoso‑ka Doni ati dai nofateraba awineni. Dai‑ka idi mai‑nima dai nineni, dai narabo hawiraro.

Yeso‑ka yo‑yose mai tamine 9:2

“Damaso‑ya Deoso‑ya mai hi‑hiyara‑ke yobe hidi mai‑ka yama hani‑ba owa‑ya daatinahi. ‘Yeso hawine‑ya mai ya‑yaka mai dai daanahi i‑di Saoro‑ya.’ Tika yama hani ati nahi. Damaso‑ya owakamiya, mai hikadikiya, Yeso hawine‑ya mai ya‑yaka mai makidi mai fanawi toha na, mai wara·oniya, mai soki·oniya, Yerosare‑kaya mai owakamabani.” Saoro ati nemonane.

Homa 11:7

Isara·eo‑ka nodi mai dami‑ya Deoso kadikare, mai fa‑famaraba na mai‑ya kadike, Isara·eo‑ka nodi Deoso‑ka mai dami toha‑mone mai ati na, Deoso mai‑ya kadikemata, Deoso ati‑ya mai nofa, Deoso‑ka mai tohabisa. Mai one Deoso ati‑ya nofara mai atibodi ai teme ataro baye‑nima mai atibodi tokitameteni.

Homa 9:18

Deoso hini hinofa‑nima ene ne, mai one‑ya kasoma, mai one‑ya kasomarene. Deoso ene mai one habi kiti ba‑basi nineni.

Korito daidi 16:9

Hibayata owatibodi ati toki nofarani. Deoso ene owati‑ya mai dami mitawaha, Satanasi ene owa‑ya mai one kakona, owa‑ya mai ati nanahabineni.

Timoti daidi 6:5

Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Timoti yoto‑ke 1:15

Asiya‑kaya mai wi‑wina mai kananeni. Owa‑ya mai dabami awirini, mai habi siitonaro. Timoti, mai kanani tamine timita awini. I‑di Fikero, i‑di Emokene mai fama, mai kanakanamaroni.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Ebereo 3:13

Mahi‑nima dai ibi kasomahi. Deoso ati‑ya dai owa tokadabare dai hiyarahi, atibodi tokitarebonaha.

Bedoro yoto‑ke 2:12

Ai one mai ihi amosara, bani yama‑ya mai watora mai‑nima mai nineni. Bani mai ai sibateni, bani mai ai nanahababonehe. Fara bani mai‑nima mai na, Deoso mai‑ya wateya, mai‑ya nanahabebonane.

Bedoro yoto‑ke 2:2

Keyehe‑ya mai hi‑hiri mai ati‑ya mai one nofa, mai ati‑ya mai tokadaba, Deoso ati‑ya mai nofa‑mone mai ati na, mai ihi amosara mai ihi‑ya dai one mai awiya, Deoso‑ya mai kakowahaboneni.

Yoda‑ka yama hani 1:10

Deoso ati‑ya mai nofara, yama‑ya mai watorihi mai na, Deoso‑ka yo‑yose mai tamine‑ya mai hahakanineni. Bani mai‑nima mai na, yama‑ya mai watora, hini mai ihi Deoso mai‑ya nanahabebonane.