Yeso‑ka yo‑yose mai tamine 19:8 - Deoso-ka Yama Hani

⁸ Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 19:8 ပူးပေါင်းရင်းမြစ်များ

Yeso‑ka yo‑yose mai tamine 1:3

Yeso abe, kitame, mai‑ya kamatase, amoni 40 kane mai‑ya hiyaranadi, kitame‑ya mai watowahineni. Deoso ai nafi‑ka hidi‑bona tamine‑ya mai‑ya hiyaremonane.

Yeso‑ka yo‑yose mai tamine 13:14

Beki‑ya mai fiyakana, Bisidiya‑ka Atioki‑ya mai kobokana, Sabado‑ya Yodeo mai hi‑hiyara‑ke yobe‑ya mai towakiyoma, mai demenarineni.

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 14:1

Ikoniyo‑ya Baoro mai kobokana, Yodeo mai hi‑hiyara‑ke yobe‑ya mai towakiyoma, mai‑ya mai hiyara, mai ati ihi Yeso ati‑ya mai dama mai nofawahamoneni. Yodeo mai toha, Bara mai toha, mai naro.

Yeso‑ka yo‑yose mai tamine 17:17

Mahi‑nima Deoso yokana tamine‑ya mai‑ya hiyaranadi, mai‑ka tabora bai‑ya mai yorotokana, mai‑ya hiyare, Sabado‑ya Yodeo mai toha, Deoso ati‑ya mai no‑nofa mai toha na, Deoso‑ya Yodeo mai hi‑hiyara‑ke yobe‑ya mai yorotokana, mai‑ya hiyaremonane.

Yeso‑ka yo‑yose mai tamine 18:19

Efesiyo‑ya mai kobona, Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya kanawatone. I‑di Birisira, i‑di Akira mai winabisaboneni. Baoro‑ta tokebona ati ne.

Yeso‑ka yo‑yose mai tamine 18:26

Deoso‑ya Yodeo mai hi‑hiyara‑ke yobe‑ya Deoso‑ka Ka‑kadika tamine‑ya i‑di Aboro hiyare, habo siitore, ati‑ya i‑di Birisira i‑di Akira mai mita, mai tabori‑kaya mai hiwakame, Deoso hawine‑ya mai hikaminawahane.

Yeso‑ka yo‑yose mai tamine 18:4

Sabado‑ya Deoso‑ya Yodeo mai hi‑hiyara‑ke yobe‑ya tokatene. Yodeo mai toha, Kereko mai toha na, mai‑ya hiyaratene, yama‑ya mai watowahabonehe.

Yeso‑ka yo‑yose mai tamine 19:10

Faha fowe fama‑ya Baoro mai‑ya hiyaranadi, mai‑ya hiyaranadine. Asiya‑ya mai wi‑wina mai nafi Yeso tamine‑ya mita, Yodeo mai toha, Bara mai toha na, Yeso tamine‑ya mai nafi mitamoneni.

Yeso‑ka yo‑yose mai tamine 19:7

Maki ai yehe kafama mai one famamaki na, Deoso tamine‑ya mai hiyarani.

Yeso‑ka yo‑yose mai tamine 19:9

Mai one Yeso ati‑ya mai nofara, mai ime kita, Yeso‑ka hawi‑ya mai sa‑sawi mai‑ya mai kaka, mai ati dama, mai‑ya Baoro dabamare, Yeso ati‑ya mai no‑nofa Baoro eyehe mai toka, Tirano‑ka tabaro‑ya mai toka, mahi‑nima Baoro mai‑ya hiyarane.

Yeso‑ka yo‑yose mai tamine 20:31

Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni. ‘Dai noko wadahi.’ Ona, dai tabiyo ohi·onamaroni.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.