Hibati‑ya inawa mai toha, madi towe mai‑ka yama hani‑ya mai kadikamaro, mai‑ka yama hani‑ya mai kakama, mai dama mai naha, mai bai‑ya yama hani‑ya mai sarikaneni. Hibati‑ya yama hani mai hikanika manakone yinero barata wamani 50.000 manakone tohamaro‑ya mai sarikaneni.
Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.
Ai ene amosara, Deoso‑ya ai hiyara kanibote nahi. “Abi Deoso, owa ene amosara, owa‑ya tiwati somawamahi.” Ai ati nahi. Ai ene amosara tamine Deoso‑ya ai hiyara, Deoso ati somawame, ai ene amosara‑ya kadikamaterebonane.