Yeso‑ka yo‑yose mai tamine 18:6 - Deoso-ka Yama Hani

⁶ Yodeo mai ati yawa, Baoro tamine‑mona‑ya keyehe‑ya mai hirina, Baoro‑ya mai weena, mai ati ihi, Baoro ati yawe, hika bora hibakori‑ya nanahabene, hibakori aba‑nima mai ababone mai awabonehe. “Hini dai ene dai ababoneni. Owa ene toharaboneni. Bara mai‑ya ohiyarawahaboneni.” Baoro ati nemonane.

Yeso‑ka yo‑yose mai tamine 18:6 ပူးပေါင်းရင်းမြစ်များ

Mateo 10:14

Dai ati‑ya mai nofara, dai yananamiya, mai noki‑ya dai teme hibakori dai nanahabiyahi.” Yeso ati nemarine.

Mateo 21:41

Yeso ati‑ya mai mita, mai ati yanana, “Hidi kameya, mai nafi‑ya nanahabebonane. Mai one mai‑ya yosemakiya, hika awa mai hinawada, ofa one‑ya mai daanaboneni.” Mai ati nemarine.

Mateo 21:43

“Owati dai mitahi. Deoso dai‑ya haanemarine, hika yama dai nawadabonehe. Hibayata bara mai‑ya haanebonane, hika yama mai hinawadabisabonehe. Deoso ati‑nima mai nawahaboneni. Deoso‑ka yama dai nawadami awiraboneni.

Mateo 22:10

Mai toka, mai nafi‑ya mai haana, mai ati kasira mai‑ya mai haa, mai ati amosa mai‑ya mai haa na, hidi webote tabaro kibawahane.

Mateo 27:25

“Oda ene amani. Oda ati ene tinahabaho. Yeso abe manakone oda‑ya toha, oda‑ka nodi mai‑ya tohahari nebonane.” Mai ati nameteni.

Mateo 8:11

Neme‑ke ai nafi‑ka hidi kitabote tohawaheya, i‑di Abaraho, i‑di Isaki, i‑di Yako, mai na, mai marinabone, mahi ka‑kaki‑ka mai one toha, mahi to‑toka‑ka mai one toha na, fara Bara mai‑ka tabora dami‑ka mai saweboneni.

Roka 22:65

Yeso‑ya mai weeni damamakemeteni.

Roka 9:5

Mai tabori‑ya dai toka, dai ati‑ya mai nofara, dai yananamiya, mai noki‑ya dai teme hibakori dai nanahabiyahi, mai atibodi yama‑ya kadikabonehe. ‘Mai ati oda nofara mai tokineni. Oda ene amani.’ Mai atibodi ati naboneni.” Yeso ati nematane.

Yeso‑ka yo‑yose mai tamine 13:51

Baoro mai tame mekori‑ya mai nanahaba, “Oda teme mekori oda nanahabi‑nima dai abawahaboneni, Deoso ati dai nofararo.” Mai ati na. Ikoniyo‑ya mai towakawahamoneni.

Yeso‑ka yo‑yose mai tamine 26:11

Deoso‑ya mai hi‑hiyara‑ke yobe dami‑ya oka, mai bisi·onani, Yeso oni‑ya mai towe tonihebonehe. Owa yawi kita, wami bara‑ya mai siba·onabone, okamaroni.

Yeso‑ka yo‑yose mai tamine 26:20

Damaso‑ya Deoso tamine ohiyara, Yerosare‑ya, Yodeya‑ya Deoso tamine ohiyara, Bara mai‑ya Deoso tamine ohiyaramaki, oneni, Yeso ati‑ya mai nofabonehe. ‘Deoso‑ya dai‑ya dai kamina, dai ati‑nima dai ene nawawahi.’ Onani.

Yeso‑ka yo‑yose mai tamine 28:28

“Owati dai mitahi. Bara mai‑ya Deoso ati tokawahebona, Deoso ati‑ya mai nofabisaboneni, Deoso mai‑ya kasomebonane.” Baoro ati nemarine.

Homa 3:29

Eme dai ati niti? “Deoso Yodeo mai‑ya kayafabise, Bara mai‑ya kayafaterebonane.” Dai ati na awineni. Yama dai wato awirini. Ai nafi‑ka Deoso amane. Yodeo mai‑ka hidi toha, Bara mai nafi‑ka hidi toha nane.

Timoti daidi 5:22

Deoso ati‑ya mai hiyarabone mai ati na, mai ihi tiwibaiyahi. Mai ihi amosiya, mai tati‑ya tiwa yehe foriya, “Deoso ati tihiyariyahi.” Tinahi. Mai ihi amosara, mai tati‑ya tiwa yehe foririyahi. Tiwati yanariyahi. Ene amosare tati‑ya tiwa yehe foriya, tiwa‑ya mai awiya, tiwa‑ya mai weenaboneni. “Ene amosare ene‑nima ene nawahene.” Mai ati naboneni. Tiwa ene amosa hinama tohiyahi.

Timoti yoto‑ke 2:25

Tiwa‑ya mai nofara, mai‑ya tinofa, Deoso ati yokana mai‑ya tikanawatonadihi. Deoso ati ene Yeso ati‑ya mai nofawahaba awineni. Mai ihi amosaramaro‑ya Deoso‑ya mai‑ya mai kaminawahaba awineni. Mai ihi amosaramaro‑ya mai nofami awiraboneni.

Bedoro daidi 4:14

Kirisito‑ka dai toha, dai‑ya mai taina, dai yawara, dai ya‑yaina, Deoso dai‑ya kasome, Deoso‑ka Doni amosabote dai‑ya sawi, tamine‑ya dai kadikabisahi.

Bedoro daidi 4:4

Hibayata dai‑ya mai haaniya, mai ati dai tokadabariya, mai‑nima dai namara, “Ka! Hini yamata ihi ai ati‑ya mai nofamarihi?” Mai ati na, dai‑ya mai hahakana, dai‑ya mai wee teboneni.