Yeso‑ka yo‑yose mai tamine 18:5 - Deoso-ka Yama Hani

⁵ Makobote i‑di Sira, i‑di Timoti mai kobokana, Baoro yama‑ya aninami awire, hiniya hiyarane. Yodeo mai‑ya hiyare, “Hibati‑ya Yeso Deoso hikadikemata Kirisito tohane.” Baoro ati nemonane.

Yeso‑ka yo‑yose mai tamine 18:5 ပူးပေါင်းရင်းမြစ်များ

Roka 12:50

Owa‑ya mai habanirisabone, owa habanisi hawa tohara ihi oyawineni.

Roka 16:28

Yama kome kita‑kaya osawineni. Oka soho mai 5 kana mai‑ya i‑di Rasaro hiyaraho, owa‑kaya mai kamakirabonehe.’ Ati nane.

Yowaho 1:41

Makobote i‑di Anidere anidi‑ya toke, “Deoso‑ka Ka‑kadika oda awani.” I‑di Anidere ati nemarine. (Kereko mai ati‑ya Deoso‑ka Ka‑kadika i‑di Kirisito amane.)

Yowaho 10:24

Yeso ati‑ya oda‑ka hidi mai mitabone, mai yorotokana, “Yeso, tiwati amosahi. Deoso‑ka Ka‑kadika amatini, tiwa tamine oda‑ya tikaminahi.” Mai ati namaroni.

Yowaho 15:27

Owa hiyari yanakani‑ya owa dai dabamaro, owa tamine dai kaminahari, dai nahi.” Yeso ati nemarine.

Yowaho 3:28

Hibati‑ya dai ohiyara, ‘Deoso‑ka Ka‑kadika ohi awirini.’ Onaroni. ‘Hawine‑bona hawa·onihibona’ Onaroni. Owati dai mitaroni.

Yeso‑ka yo‑yose mai tamine 10:42

Oda‑ya hiyare, ‘Owa tamine mai‑ya dai hiyarahi. Owati‑ya mai nofiya, sibaraboneni. Mai hasina mai toha, mai abamete mai toha, mai na, Deoso ene mai ihi okadikaboneni.’ Ati nemarine.

Yeso‑ka yo‑yose mai tamine 15:22

Yeso‑ka yo‑yose mai toha, Yeso‑ka bote mai toha, Yeso ati‑ya mai no‑nofa mai toha, mai na, mai ibi hiyara, “Ai‑ka mai one ai yosehi, Baoro, Banabe mai fama, mai‑ya mai dabiya, Atioki‑ya mai tokabonehe. Ai‑ka webote mai fama, i‑di Yoda Basaba, i‑di Sira ne, mai ai yosehi.” Mai ati na.

Yeso‑ka yo‑yose mai tamine 16:1

Derebi‑ya Baoro mai towaka, Risita‑ya mai towakawaha, Risita‑ya Timoti wine. Timoti madi Yeso ati‑ya no‑nofa, Yodeo toha, badi‑ta Kereko toha nemonane.

Yeso‑ka yo‑yose mai tamine 16:12

Ni·abori‑ya oda fidotona, tabora webote oni Masedoni‑ka tabora ba‑basi na oni Firibo toha‑ya oda tokawaha, Firibo‑ya homano mai dama mai wina, mai tabori‑ya oda winawahani.

Yeso‑ka yo‑yose mai tamine 16:9

Torowadi‑ya Baoro wada‑ya awe, Masedoni‑ke ai owa ati wadarine‑ya mitane, “Masedoni‑kaya dai kakihi, oda dai kasomabonehe.” Ati wadari ati ne.

Yeso‑ka yo‑yose mai tamine 17:3

“‘Kirisito mai bisihineya, mai hinahabeya, kitamebonane.’ Deoso‑ka yama hani ati nineni. Yeso ai‑ka Kirisito tohe, Yeso tamine‑ya dai‑ya ohiyarateni.” Ati ne.

Yeso‑ka yo‑yose mai tamine 18:28

Yodeo mai yorotokana mai‑ya hiyare, “Deoso ati dai mitahi, Yeso ai‑ka Hidi Deoso‑ka Ka‑kadika amane.” Aboro ati neya, mai weena, Deoso‑ka yama hani‑ya Aboro yofikane, mai ati fawanamoneni.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Yeso‑ka yo‑yose mai tamine 20:23

Ai tabaro dami‑ya Deoso‑ka Doni ati ene‑mona owa‑ya mai hiyarateni. ‘Yerosare‑ya tikiya, kadeya‑ya tiwa‑ya mai nafoyiya, tiwa‑ya mai bisinaboneni.’ Mai ati teni.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 4:20

Yama oda awa, ati oda mita ne, tamine oda hiyarabisaboneni.” Bedoro, Yowaho mai fama mai ati na.

Yeso‑ka yo‑yose mai tamine 9:22

mahi‑nima Saoro kiti tonafi mai‑ya hiyare, “Owati dai mita, Deoso‑ka Ka‑kadika i‑di Yeso tohe, dai watowahebonane.” Ati ne, Ati‑ya Yodeo mai mita, mai ati fawanamoneni.

Korito yoto‑ke 1:19

I‑di Timoti, i‑di Sira oda na, Deoso Bidi i‑di Yeso Kirisito tamine dai‑ya oda hiyaramaroni. Deoso ati nafi‑ya Yeso tokadabe, ati‑ya fiyakani awiremarine. Yeso tosawarire, Deoso ati‑nima tene. Keyehe‑ya hiriterene.

Korito yoto‑ke 11:9

Dai tabaro‑ya owina, oka yamata tosiya, dai‑ka yamata haa·ora, Masedoni‑ka oka yamata kaniki‑bone‑ka oka yinero‑bona‑ya mai kakamakemaroni. Dai‑ka yamata haa·orihi, dai‑ka yinero haa·orihi onabone, dai‑ka yinero haa·oteraboneni.

Korito yoto‑ke 5:14

Yeso Kirisito ai‑ya nofi nafi ene dai‑ya oda kaminamaroni. Ai nafi manakone‑ya nanahabebona, abematane. Ai manakone aba ene ai abamete‑nima ai nawaha, ai manakone wadamarani.

Firibo 1:23

Yama fama‑ya owatibodi kobonineni. Kirisito tabaro‑ya owatibodi wina, Kirisito tabaro wini amosi ba‑basi nibisane.

Tesaronika daidi 3:2

Oda‑ka soho, i‑di Timoti oda yose, dai tabaro‑ya tokemarine. I‑di Timoti dai awa, dai habo kitawahabone oda ati namaroni. Kirisito ati‑ya hiyarane, Kirisito ati dai nofi ba‑basi nabonehe.

Tesaronika daidi 3:6

I‑di Timoti oda yose, toke, kamatase, dai tamine‑ya oda mitawaha, dai tamine sibarani. Deoso ati dai nofa, dai ibi nofa, oda‑ya dai nofa na, oda‑ya dai ati foyamoneni. Dai‑ya oda ati foyaharineni.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.