Yeso‑ka yo‑yose mai tamine 18:3 - Deoso-ka Yama Hani

³ Mai tabori‑ya Baoro winawahane. Bora kita‑ya yobe‑ya mai wa‑wama, mai‑nima i‑di Baoro ne, yama‑ya anitene.

Yeso‑ka yo‑yose mai tamine 18:3 ပူးပေါင်းရင်းမြစ်များ

Korito daidi 4:12

Yama anini oda kitabisineni, oda tefe manakone bonehe. Oda‑ya mai kaka, mai oda kasoma, oda‑ya mai bisina, mai oda weeni awirihi nineni.

Korito daidi 9:14

Fara‑nima Deoso‑ka yinero kote‑ya Deoso ati‑ya mai ka‑kamina mai kayafatebone Deoso ati nematane.

Korito daidi 9:15

Owa‑ta, Deoso ati okamina, manakone haa·oterani. Owati‑ya dai‑ya manakone haa·orihi, yama hani‑ya dai‑ya manakone haa·orihi oneni. Fimi ihi o·aba‑mani, sibara neni. Deoso ati kamini manakone haa·ona‑mani, owati kasiro neni. Owa ene ya‑yai·oteni.

Korito daidi 9:18

Hini yamata‑ya owa manakone tohibati? Yama manakone haa·ora ihi ya‑yai·ona, fara hini owa ya‑yainiya, owa manakone tohateni.

Korito yoto‑ke 11:7

Deoso Ati Amosabote ati dai‑ya okamine, oka hiyara manakone haa·ora, owati kasiramone dai ati na awineni. Dai‑ya okasomabone, hiyara manakone haa·oramaroni.

Korito yoto‑ke 11:9

Dai tabaro‑ya owina, oka yamata tosiya, dai‑ka yamata haa·ora, Masedoni‑ka oka yamata kaniki‑bone‑ka oka yinero‑bona‑ya mai kakamakemaroni. Dai‑ka yamata haa·orihi, dai‑ka yinero haa·orihi onabone, dai‑ka yinero haa·oteraboneni.

Korito yoto‑ke 12:13

Mai one tabori‑ya Deoso ati okamini‑nima dai tabaro‑ya owina, Deoso ati dai‑ya okamina, hiniya dai tabaro‑ya owa tefe‑ba haa·orihi, amo·obone‑ka yama haarihi, onamaro, fara ihi dai ati yawa awineni. Owa‑ya dai ati somawamahi.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Tesaronika daidi 4:11

Dai ene amosabone, dai one tamine‑mone mai noki beheri‑kaya dai hiyarariyahi. Dai yehe‑ya dai‑ka yama anini‑ya dai aninibisiyahi. Hibati‑ya oda ati dai mitamaro, oda ati‑nima dai niyahi.