Yeso‑ka yo‑yose mai tamine 18:26 - Deoso-ka Yama Hani

²⁶ Deoso‑ya Yodeo mai hi‑hiyara‑ke yobe‑ya Deoso‑ka Ka‑kadika tamine‑ya i‑di Aboro hiyare, habo siitore, ati‑ya i‑di Birisira i‑di Akira mai mita, mai tabori‑kaya mai hiwakame, Deoso hawine‑ya mai hikaminawahane.

Yeso‑ka yo‑yose mai tamine 18:26 ပူးပေါင်းရင်းမြစ်များ

Maroko 10:15

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nemarine.

Roka 19:26

‘Hika yama toha, hika yama one daa·onaboneni. Hika yama awira oka yama‑ya damanamaterebonane.

Roka 24:27

Mose‑ka yama hani ati‑ya Yeso mai‑ya kanawato, Deoso ati‑ya mai mi‑mita‑mete mai‑ka yama hani ati‑ya mai‑ya kanawatomaki, Deoso‑ka yama hani nafi‑ya hini tamine‑ya kanawato nematane.

Yowaho 7:17

Deoso ati dai tokadabiya, hini owati ihi owati yanara, Deoso ati ene owati yananibisa dai wataboneni.

Yeso‑ka yo‑yose mai tamine 14:3

Ikoniyo‑ya mai wina mai amoni dami‑ya, Yeso tamine‑ya mai hiyara, Deoso mai‑ya kasome, Baoro mai ihi kita‑ya mai awa, mai‑ya mai nakitamineni. Deoso ene tohe‑ya mai watowahamoneni.

Yeso‑ka yo‑yose mai tamine 18:18

Korito‑ya Baoro wine, amoni ba‑basi namakiya, Senekereya‑ya tokawahane. Senekereya‑ya wine‑ya tati kone nafi‑ya nanahabe, Deoso hikasome ene Baoro ya‑yai, tati kone‑ya nanahabane, Deoso‑ya kahiyarebonaha. Hawa toheya, i‑di Baoro, i‑di Birisira, i‑di Akira mai na, maboro‑ya mai foya, Siriya‑ya mai tokaboneni.

Yeso‑ka yo‑yose mai tamine 18:25

Hibati‑ya i‑di Yeso Deoso‑ka Ka‑kadika kobone tamine i‑di Yowaho Batita mai‑ya hiyare, mai‑ya habanirisane. Tamine‑ya Aboro wato, tamine mai one‑ya kanawatomakine. Yeso abe, kitame, ai manakone‑ya nanahabe tamine‑ya Aboro wato awisare, fara tamine mai‑ya kanawatorene.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yeso‑ka yo‑yose mai tamine 8:31

“Yama hani owato awirini. Owa‑ya mai kanawatora, yama owatoterani. Owa tikanawataba, tikamisahi. Owa yowi‑ya tiwitarihi.” Yinero‑ya na‑nawada ati ne.

Korito daidi 12:21

Ai yehe‑ya ai noko kakora, ai yehe‑ya ai noko nofateni. Ai noko yama‑ya anira, ai yehe‑ta yama‑ya aniteni. Ai teme‑ya ai noko kakora, ai teme‑ya ai noko nofateni. Ai noko yakara, ai teme‑ta yakateni.

Korito daidi 3:18

Deoso ati‑ya mai nofara dai tamine‑ya mai hiyariya, yama‑ya dai watamone mai ati na, mai ati dai nofariyahi. Mai ati dai nofa‑mani, hini dai‑ya dai keyehe neni. Ka‑kana dai‑mone mai ati na, fara yama dai wato ba‑basi na awineni.

Korito daidi 8:2

Yama‑ya mai watobisamone mai ati na, yama‑ya Deoso mai‑ya kanawatobona‑ya mai wato awisarini.

Ebereo 6:1

Yeso ai manakone‑ya nanahabematane, ai abarabonehe. Tamine dai wato, ai ene amosaramaro, ai ene‑maro‑nima ai ene namarabone tamine dai wato neni. Hibayata ai webote‑nima dai na, Deoso ati nafi dai kadikeya, ati dai tokadabaho.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.