Yeso‑ka yo‑yose mai tamine 18:12 - Deoso-ka Yama Hani

¹² Makobote i‑di Kariyo, Akaiya‑ya mai wi‑wina mai‑ka hidi toheya, Yodeo mai yawawaha, Baoro‑ya mai waratona, i‑di Kariyo‑ya mai hiwakamane.

Yeso‑ka yo‑yose mai tamine 18:12 ပူးပေါင်းရင်းမြစ်များ

Mateo 27:19

Hidi‑ka kadera‑ya Birato itariya, Birato fadi ati‑ya mai kamina, “Yeso ene towe tohi awire, weetirayaho. Amo·ona, Yeso wadari oawani, wada ihi owa habo siitoneni.” Birato fadi ati nameteni.

Yowaho 19:13

Mai ati‑ya Birato mite, ati ene Yeso‑ya mai kakama, hidi‑ka kadera‑ya Birato itarimarine. Fara hidi‑ka kadera kawari‑ka oni ‘yati baki’ toha, Yodeo oda toha oda‑ka oni ‘kabata’ tohamaroni.

Yeso‑ka yo‑yose mai tamine 13:12

Baoro ene‑ya mai‑ka hidi i‑di Seoso Baoro awe, Yeso ati‑ya nofawahe, “Deoso ene sibabisarane.” Ati nemonane.

Yeso‑ka yo‑yose mai tamine 13:50

Yodeo mai ati ihi sidadi‑ka hidi fana mai toha, hidi makidi mai toha na, mai ati yawa, mai ihi mai nafi ati yawa, mai ihi tabora bara‑kaya Baoro, Banabe mai towakawahani.

Yeso‑ka yo‑yose mai tamine 13:7

Mai‑ka hidi i‑di Seoso Baoro‑ya i‑di Erima sawitene. Seoso Baoro yama‑ya wato ba‑basi nemona, Banabe, Saoro mai fama mai‑ya Seoso Baoro haanemonane, Deoso tamine‑ya mitebonaha.

Yeso‑ka yo‑yose mai tamine 13:8

Banabe mai ati‑ya Inawa i‑di Erima nofare, “Seoso Baoro, mai ati tinofariyahi.” Erima ati nemonane.

Yeso‑ka yo‑yose mai tamine 14:19

Atioki‑ka mai toha, Ikoniyo‑ka mai toha na, mai kamake, mai‑ya mai hiyara, “Baoro mai ati kasira, mai ati dai mitariyahi.” Mai ati na, mai ati‑ya mai mita, yati‑ya i‑di Baoro‑ya mai baana, mai hinahabe, “Abe amanakani.” Mai ati na, tabora awiri‑kaya Baoro horoniya mai tokamoneni.

Yeso‑ka yo‑yose mai tamine 14:2

Yodeo mai one Yeso ati‑ya mai nofara, iha‑nima mai ati toha, Baoro mai tamine‑ya keyehe‑ya mai hirina, mai ati ihi Baoro mai ati‑ya Bara mai nofaramoneni.

Yeso‑ka yo‑yose mai tamine 17:13

Bereya‑ya Deoso tamine‑ya Baoro kamine, tamine‑ya Tesaronika‑ka Yodeo mai mita, mai yawamatasa, Bereya‑ya mai toka, Baoro tamine‑ya keyehe‑ya mai hirina, mai nafi yorotokana, mai ati kitawahamoneni.

Yeso‑ka yo‑yose mai tamine 17:5

Yodeo mai one Baoro ati‑ya mai mita, mai yawa, mai ihi amosara mai tabori‑ya mai toka, mai‑ya mai himana, mai dami yorotokana, Yasoho‑ka yobe‑ya mai toka, mai yakana, mai ati kitineni, Baoro mai‑ya mai watabonehe. Yasoho‑ka yobe‑ya mai kobona, mai tokiyomani, Baoro, Sira mai fama mai‑ya mai watiya, mai‑ya mai daahinabonehe.

Yeso‑ka yo‑yose mai tamine 18:11

Korito‑ya Baoro wine, hika abariko 18 tohe‑ya Deoso ati tamine‑ya hiyarane, mai‑ya kanawatori.

Yeso‑ka yo‑yose mai tamine 18:27

Makobote Akaiya‑ya Aboro tokebona ati ne, ati‑ya mai mita, Aboro‑ya mai kasoma, Akaiya‑ya mai wi‑wina Yeso ati‑ya mai no‑nofa mai‑ka yama hani‑bone‑ya mai kanahana, Aboro‑ya mai daaneni. “Aboro ati sibare, ati dai mitahi. Dai‑ka one oda amani. Yeso ati oda no‑nofa oda amani.” Efesiyo‑ya mai wi‑wina mai‑ka yama hani ati nineni. Akaiya‑ya Aboro kobone, Yeso ati‑ya mai no‑nofa mai‑ya kasomemonane.

Yeso‑ka yo‑yose mai tamine 19:21

Baoro atibodi yama‑ya kadike, “Yerosare‑ya okaboneni. Yerosare‑ya okomabone, Masedoni‑ka mai ohiyara, Akaiya‑ka mai‑ya ohiyara oniya, Yerosare‑ya okomaboneni. Yerosare kobo·oniya, makobote Homa‑ya okomabone owatibodi ati nineni.” Atibodi ati ne.

Yeso‑ka yo‑yose mai tamine 25:10

Baoro ati yanane, “Homano ama·oni. Homano ai toha, ai ene‑ya Sesa‑ka mai kadikateni. Sesa‑ka amatini. Yodeo mai‑ya owa ene towe tohara tiwatoneni.

Homa 15:26

Masedoni‑ya mai wi‑wina, Akaiya‑ya mai wi‑wina mai na, yinero‑ya mai daanineni. Yerosare‑ya Yeso ati‑ya mai no‑nofa mai‑ka yamata tosiyo yanana, mai‑ya mai kasomabonehe.

Homa 16:5

I‑di Birisira, maki i‑di Akira‑ya fama, mai‑ka yobe‑ya Yeso ati‑ya mai no‑nofa mai yorotokana, mai dai hiyarahi. Asiya‑ya mai wi‑wina mai‑ka owa i‑di Ebeneto Yeso ati‑ya nofi daidi, onofi nafi dai hiyara naho.

Korito daidi 16:15

I‑di Tefanasi hika mai eyehe dai watoneni. Akaiya‑ya dai wi‑wina‑ya i‑di Tefanasi hika mai eyehe Deoso ati‑ya mai nofi baha, i‑di Tefanasi nowati‑ya Deoso ati‑ya dai owa nofamaki, Deoso ati‑ya dai no‑nofa, Tefanasi dai‑ya mai kasomateni.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Korito yoto‑ke 11:10

Kirisito ati okamine‑ya yinero haa·otera tamine ohiyarateni. Akaiya‑ya dai wi‑wina owati dai mitamaro, dai ene amosawamamaro, dai ene owati fawaraboneni.

Korito yoto‑ke 11:26

Mai tabori dami‑ya oka, Yeso tamine okaminabonehe. Faha kaki nafe, faha kayana fowe nafe ihi owa abi yanatona, yama‑ya mai bo‑boti owa‑ya mai ati nanahaba, oka mai one owa‑ya mai ati nanahaba, Bara owa‑ya mai one ati nanahaba, mai‑ka yobe dame wadi‑kaya owa‑ya mai ati nanahaba, mai‑ka yobe awira‑kaya owa‑ya mai ati nanahaba, faha webote bai‑ya owa‑ya mai ati nanahaba namaroni. Deoso ati‑ya mai nofa‑mone mai ati na, Deoso ati‑ya mai nofara, owa‑ya mai nanahababone mai ati namaroni.

Korito yoto‑ke 9:2

Hibati‑ya faha fowe one‑ya dai tabaro‑ya oka, yama dai daanabone dai ati na, Masedoni‑kaya okomake, dai tamine okamina, dai ati tamine‑ya mai mita, mai dami yama‑ya daanaharebone mai ati namaroni.

Tesaronika daidi 2:14

Deoso‑ka mai toha Yodeya‑ya mai wina mai‑nima dai nawahani. Yeso Kirisito ati‑ya Yodeo mai nofa mai‑ya Yodeo mai one bisina, fara mai‑nima Yeso ati‑ya dai nofa dai‑ya dai one bisineni.

Tesaronika daidi 2:16

Deoso ati‑ya Bara mai miti awiriya, Deoso tabaro‑ya mai winateraboneni. Deoso ati‑ya Bara mai‑ya oda kaminabone, Yodeo mai one oda‑ya mai ati nanahabineni. Mai ati towe ihi mai‑ya mai ati kobonaboneni.

Tiyako 2:6

Yama‑ya mai kihara mai‑ya dai ene amosarani. Yama dama‑ya mai kiha mai‑ya dai nofa, mai ihi dai watokarini? Yama dama‑ya mai kiha, dai‑ya mai wata, kadeya‑ya dai‑ya mai nawaateni,