Yeso‑ka yo‑yose mai tamine 17:5 - Deoso-ka Yama Hani

⁵ Yodeo mai one Baoro ati‑ya mai mita, mai yawa, mai ihi amosara mai tabori‑ya mai toka, mai‑ya mai himana, mai dami yorotokana, Yasoho‑ka yobe‑ya mai toka, mai yakana, mai ati kitineni, Baoro mai‑ya mai watabonehe. Yasoho‑ka yobe‑ya mai kobona, mai tokiyomani, Baoro, Sira mai fama mai‑ya mai watiya, mai‑ya mai daahinabonehe.

Yeso‑ka yo‑yose mai tamine 17:5 ပူးပေါင်းရင်းမြစ်များ

Mateo 27:18

Mai‑ka hidi mai atibodi ati‑ya i‑di Birato wato, Yeso‑ya mai dama mai nofa, mai ihi Yeso‑ya hidi mai kakoteni.

Yeso‑ka yo‑yose mai tamine 13:45

Mai dama, mai‑ya Yodeo mai awa, mai ati yawawaha, “Baoro keyehe‑ya hirine. Deoso ati‑ya kamini awire, Satanasi ati‑ya kaminabisane.” Mai ati namoneni, mai yawaro.

Yeso‑ka yo‑yose mai tamine 14:19

Atioki‑ka mai toha, Ikoniyo‑ka mai toha na, mai kamake, mai‑ya mai hiyara, “Baoro mai ati kasira, mai ati dai mitariyahi.” Mai ati na, mai ati‑ya mai mita, yati‑ya i‑di Baoro‑ya mai baana, mai hinahabe, “Abe amanakani.” Mai ati na, tabora awiri‑kaya Baoro horoniya mai tokamoneni.

Yeso‑ka yo‑yose mai tamine 14:2

Yodeo mai one Yeso ati‑ya mai nofara, iha‑nima mai ati toha, Baoro mai tamine‑ya keyehe‑ya mai hirina, mai ati ihi Baoro mai ati‑ya Bara mai nofaramoneni.

Yeso‑ka yo‑yose mai tamine 17:13

Bereya‑ya Deoso tamine‑ya Baoro kamine, tamine‑ya Tesaronika‑ka Yodeo mai mita, mai yawamatasa, Bereya‑ya mai toka, Baoro tamine‑ya keyehe‑ya mai hirina, mai nafi yorotokana, mai ati kitawahamoneni.

Yeso‑ka yo‑yose mai tamine 17:6

Baoro mai‑ya mai wasira, Yasoho toha, Yeso‑ka mai one toha na, mai‑ya mai waratona, sidadi hidi mai‑ya mai daaneni. Mai ati kita, “Baoro, Sira mai fama ai tabaro dami‑ya mai toka, mai ihi amosara hinama toha, hibayata ai tabaro‑ya mai koboneni.

Yeso‑ka yo‑yose mai tamine 17:7

Yasoho‑ka yobe‑ya mai winawaha, ai‑ka hidi webote i‑di Sesa ati‑ya mai nofara, mai‑ka hidi webote oni Yeso tohemona Baoro mai ati teni.” Mai ati namoneni.

Yeso‑ka yo‑yose mai tamine 17:9

Yasoho mai‑ka yinero‑ya sidadi‑ka hidi kayafe, yinero‑ya mai manakone‑ya mai nanahaba, hini mai tabori‑ya mai tokomamoneni.

Yeso‑ka yo‑yose mai tamine 18:12

Makobote i‑di Kariyo, Akaiya‑ya mai wi‑wina mai‑ka hidi toheya, Yodeo mai yawawaha, Baoro‑ya mai waratona, i‑di Kariyo‑ya mai hiwakamane.

Yeso‑ka yo‑yose mai tamine 19:40

Dai yawa, dai ati kita, ai‑ka hidi ai‑ya mai weenaba awineni. Ai‑ya mai haaniya, yama oda watoraba awineni, hiniya dai yawa, dai ati kitaro.

Yeso‑ka yo‑yose mai tamine 7:9

I‑di Yako bidi mai‑ka soho i‑di Yose‑ya mai kaka, yara mai‑ya sori‑ya mai daana, Eyito‑kaya i‑di Yose‑ya yara mai towakama, Deoso i‑di Yose‑ya kasomabisematane.

Homa 16:21

I‑di Timoti oda fama Yeso Kirisito‑ka yama oda anina, dai tamine‑ya i‑di Timoti hiyara, i‑di Rosiyo, i‑di Yasoho, i‑di Sosibataro mai na, oka mai toha, dai tamine‑ya mai hiyarateni. Dai‑ya mai nofineni.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Korito yoto‑ke 11:26

Mai tabori dami‑ya oka, Yeso tamine okaminabonehe. Faha kaki nafe, faha kayana fowe nafe ihi owa abi yanatona, yama‑ya mai bo‑boti owa‑ya mai ati nanahaba, oka mai one owa‑ya mai ati nanahaba, Bara owa‑ya mai one ati nanahaba, mai‑ka yobe dame wadi‑kaya owa‑ya mai ati nanahaba, mai‑ka yobe awira‑kaya owa‑ya mai ati nanahaba, faha webote bai‑ya owa‑ya mai ati nanahaba namaroni. Deoso ati‑ya mai nofa‑mone mai ati na, Deoso ati‑ya mai nofara, owa‑ya mai nanahababone mai ati namaroni.

Karatiya 5:21

Mai one‑ka yama‑ya mai ati kobo, kawi ihi mai towe toha, mai dami ibi aha na, mai tamine owati dai mitahi. Hibati‑ya dai‑ya okaminamaro, okaminamatasaboneni. Haa‑nima mai ihi na, Deoso tabaro‑ya mai winateraboneni.

Karatiya 5:26

Deoso‑ka Doni ai ene‑ya namose, ai‑ya ai kahiyarariyahi. Ai ibi weerihi, ai one‑ka yama‑ya ai ati koborihi ai nahi.

Tesaronika daidi 1:6

Oda‑nima dai nawaha, i‑di Yeso‑nima dai nawahamaroni. Yeso ati dai no‑nofa, dai‑ya mai bisina, dai yawara, dai ya‑yaina, Deoso‑ka Doni dai‑ya sawi ene dai ya‑yainawahamaroni.

Tiyako 4:5

Deoso ene hika Doni ai‑ya sawi, ai‑ya kayawi kitebona Deoso‑ka yama hani ati na, ati honita toha‑mone dai ati na awineni. Deoso ati honita tohaterene.